BRANCH NEWS

4 Ni 30 June, 2011 (Thur.) ah Kohhran Zaipawl Retreat, Pu Lianchungnunga huan, Sihhmui-ah neih a ni a, member 87 an tel. Retreat-ah hian Bus 2 hire bakah Light Vehicle leh Two-wheeler engemzaw zat ken a ni a, hruaitu hlui KTP atanga over pawh mi 3 an fatu bawk. Retreat na-a tel zawng zawng leh a thlawna Retreat-na hmun hmantirtute chungah Branch KTP-in lawmthu a sawi.

4 Missionary chawmna 2nd installment Rs. 40,000/- Kohhranah pek a ni.

4 Branch member Nl. Ruth MS Dawngliani chu Synod Choir rawngbawlnaah telin Taiwan-ah a thang mek.

4 Kohhran Committee buatsaiha July ni 3 zan atanga a neih tan Tawngtai Khaidiat ah KTP Member-te anmahni awmna Upa bial tawngtainaah an tel tha hle. He Tawngtai Khaidiat hi ni 9 July (Sat.) zan inkhawmah a kharna hun hman a ni ang.

4 Branch sum dinhmun (as on 3 July, 2011) :

Hmuh tawh : Rs. 5,08,229/-

Hman tawh : Rs. 3,23,417/-

Balance : Rs. 1,84,812/-

ZAIPAWL RETREAT

Ni 30 June, 2011 (Thur.) hian Sihhmui-ah Kohhran Zaipawl Retreat neih tur a ni a, member a tam thei ang ber tel turin kan insawm e. A kal turte chu 9:30 AM-ah Kohhran Hall-ah kim vek tur a ni. Retreat atan hian Branch sum vawngtuten transportation an buaipui ang a, Refreshment Sub-Committee ten ei leh in tur an buaipui ang a, Zaipawl Retreat-ah hian Pu Lalsawmkima, Branch KTP Leader leh Zaipawl Director ni bawk chuan hunserh a hmang ang.

BRANCH NEWS

r FG&CC in Kristian Chhungkaw Film Competition a buatsaiha kan Kohhranin 2-na a a lak chu ni 9 May, 2011 zanah Kohhran Hall-ah a lawmna neih a ni. Film (Zuala & Zuala) Director Pu Lalhruaitluanga Sailo chuan report a pe a, Script Writer Pu Vanneihtluanga leh a changtuten thusawina an nei bawk. Programme hman zawhah thingpui leh a hmeh tui tak chan ho a ni.

r Aizawl Bethel Presbytery Meet-a Bial KTP aiawha entir tur Short Play zir tan chhoh mek a ni.

r Missionary chawmna a thawhkhatna atan Rs. 40,000/- pek a ni a, Pi Hemabati Chanu kan nan Rs. 1,500/- pek a ni bawk.

r Kan member Tv. Lalhruaisanga (Nehemia Group) chuan Branch KTP-ah a tul apianga hman atan Rs. 3,000/- a pe a, a chungah Branch Comtt. a lawm hle.

r Branch hruaituten Member tlawhchhuah hun an hmang mek.

PYF 19th Binniel Conference Praise Group

19th PYF Bienniel Conference, Chanmari Kohhran Biak Ina neih zawh taka Kohhran Committee in Pathian biak inkhawma zai hruaitu tura a ruat/din 'Praise Group' te chuan zai a ti nuam thin hle. Confrence atan hian Kohhran chuan hlabu copies 800 bawr vel (Rs. 20/- man) a siam chu 3o April (Inrinni zan) ah lei zawh vek a ni. Praise Group-te hian Sap hla 45 zan hnih (2) chhung an zir a, Musician-te : (1) Pu Lalhmachhuana Hauhnar (Drums) (2) Pu Vanlalhruaia Sailo (Bass), (3) Pu Zoramthara (Keyboard), (4) Pu Zomuanpuia (Keyboard), (5) Tv. Zonunkima (Guitar). An ni bakah hian Praise Group Leader Upa Peter Zohmingthanga hovin member 16 an awm bawk.

PYF CONFERENCE NEWS

April 29 - May 1, 2011 chhunga Chanmari Presbyterian Kohhran Biak Ina PYF Bienniel Conference vawi 19-na neih a thurel leh hruaitu thlan tharte -
Thurel-te :-

1. June thla Pathianni hmasaber hi Environmental Sunday atan hman tha tih a ni a. Hemi atana tul chu PCI General Assembly-a thlen turin PYF Central Committee kutah dah a ni.

2. PYF Central Committee-a OB awmte kum bithliah PYF Inkaihhruainain a tarlan kum 30 chin tih chu siamremin PYF member atana kum bithliah kum 14 - 40 hi hman tha tih a ni.

3. Kum 1 dana neih he Bienniel Conference thleng leh tur chu Kristian Vanglai Pawl (Biateram Synod) an ni ang.

4. Youth Camp neih tura ruahman a ni a, he Youth Camp hi KAGAA A PYF in November 2012 ah an thleng ang.

5. Budget atan Rs. 3,11,000 (2011 - 2012) leh Rs. 3,11,000 (2012 - 2013) pass a ni.

Hruaitu thlan tharte :-

Leader : Rev. Dr. K.Lallawmzuala (nominated by PCI General Assembly)

Asst. Leader : Rev. Remsiama Ngamlai, Biateram Synod

Secretary : Rev T.T. Diengdoh, KJP Sepngi

Asst. Secretary : Mr. Francis Lalnuntluanga, Manipur Synod

Treasurer : Elder Monsing Suchiang, CHT Synod

Commmittee Members :

1. Mr. Zohmangaiha, Mizoram Synod

2. Pro. Pastor K. Laloo Sari, KJP Minghi

3. Rev. BB Markhap, Ribhoi

4. Pro. Pastor Lalramthara

5. Miss Diamond Nongseij

6. Mr. Lalrothang Thiek

7. Mr. Th. Biate

8. Pro. Pastor Kaimuanlal

9. Mr. H.Lalfakawma, Tripura

PYF 19th Bienniel Conference

aChanmari kohhranin hun rei tak atanga kan lo nghahhlel em em leh hemi atana nasa tak a inbuatsaihna a lo neih tawh chu atakin kan lo thleng ta a. Conference palai in register hi mi 418 an ni a. Thupui atan hian “ Endure, and reign with Him”( IITim 2:12) hman a ni. Zirtawp zanah Palai Lawm Inkhawm neih a ni a. Palai lawmna hi Rev K.Lalhmingliana leh Rev K.Lalpiangthara, Leader, Central KTP te’n an neih hnu in Rev. Zosangliana Colney Exe.Secy,i/c KTP hnen atangin thupui ngaihthlak a ni. Inkhawm banah hian PYF Central Committee Meeting neih zui a ni.

April 30 zing dar 7 ah Bible Study neih a ni a. Hemia hun hmangtu hi

Rev. B.B Markhap, Rhiboi Synod a ni. Chhun dar 10:00 atangin Rorel inkhawm neih a ni a. Palai zawng zawng te hi Chanmari Kohhran chuan tlai chaw tui tak a buatsaih sak a. Zan Inkhawmah Rev. W.C.Khongwir, Adm.Secy, KJP Regional Assembly hnen atangin thuchah ngaihthlak leh a ni. Zan inkhawm banah Cultural Night kham awm loh tak mai Kohhran Hall-ah neih niin hnam hrang hrangte’n an hnam lam an entir a.Kan Synod aiawhin Chanmari Br. KTP pawhin Cheraw lam an entir bawk a ni.Hnamdangte'n he cheraw lam hi an hlut hle a ni.

May 1(Sun.) zing dar 6:30 khan Lalpa Zanriah Sakramen Inkhawm neih niin Rev.Dr L.S. Khawbung, Moderator, PCI General Assembly in a thet a. Chawhma Pathian biak Inkhawmah hian Speaker Rev. Dr.Vanlalnghaka, Shillong hnen atangin Pathian Thuchah ngaihthlak a ni a. Chawhnu Inkhawmah Speaker Rev. Lalramliana Pachuau, Adm. Secy, PCI General Assembly hnen atangin Pathian Thuchah ngaihthlak leh a ni. Conference tiak zan Inkhawmah hian hruiatu tharte Rev.Dr.L.S Khawbung Moderator PCI General Assembly in a hlan a, Rev. BR Kharnaior, Leader kalchhuak leh Rev. Dr. Lallawmzuala, Leader thar te’n thu an sawi.Tin, Lawmthu sawi Mr. VL Ruatkima, Secy, PYF leh Dr.C.Zarzoliana, Asst.Secy, CKTP te hnen atangin ngaihthlak a ni bawk. Inkhawm apiangin Zaipawl, tualchhung leh state pawn atangte a zai ngaihthlak thin a ni. Sunday zan inkhawmah Chanmari Kohhran zaipawlte’n hlapui an rem a, Inkhawm banah hian Musical Night khamawmloh zet mai hman a ni bawk a, zaithiam hrang hrang te’n hun an hmang .Chanmari West in Hand Mime, show ropui leh dangdai zet mai chuan delegates te fak a hlawh a.Tin,Kulikawn Thalaite Musical drama, Tv Henry varte ho a an rawn chang kha chu hun chu awm se delegates zawng zawng khan ennawn leh kha an duh a, request a lut nasa hle.He Musical Night hi dar 12:30pm ah bannas siam a ni a.Hemi zawh hian KJP Sepngi palaite Bus pathumin zan dar 1:30 vel khan Meghalaya lam panin an haw.Palai tam zawk chu May 2 khan an haw a ni.Chanmari Kohhran te, tlinlohna tam tak kan nei chungin kan tan rualna a tha hle a.Kohhran mipui te inkhawm chungchang ah kan in tawiawm tha hle.Inkhawm apiang hian average a lakin mihring 1200-1300 vel inkhawm ang kan ni.He conference atana songbook kohhranin a buatsaih copy 1200 chuangtur a ngaih chu a zohneh hle a ni.Hei hi kum dangah chuan copy 700-800 vel siam thin a ni a.A chuang a awm hnem thin thu kan dawng.

d BRANCH NEWS

a May ni 23 (Mon.) zanah khian Group pum huap Bible Quiz a inelna neih tur a ni a. Tirhkohte leh Rom bu atang te a he inelna hi buatsaih tur a ni.Lawmmna tha tak siam a ni bawk.

PYF CONFERENCE NEIH A NI DAWN TA

Chanmari Kohhran Biak In-a 19th Biennial Conference neih tur chu zanin (29 April, 2011) hian tan a ni dawn ta. Tukin zing atangin palai an rawn thleng tan a, palai hi mi 400 - 460 vel beisei an ni. Conference chhunga hman tur Hlabu (sap tawnga siam) chu palaite a thlawna pek an ni ang a, midangte tan Rs. 20/- in lei theih a ni ang.

Zanin inkhawmah hetiang hian hun hman a ni ang -

Chairman : Rev. B.R Kharnaior, Leader, PYF

Tantu : Nl. Rosemalin Engtipi,KAGAA

Palai lawmna :

1. Rev. K.Lalhmingliana, Pastor i/c, Chanmari

2. Rev. K.Lalpiangthara, Leader, Central KTP

Thupui sawihawngtu : Rev. Zosangliana Colney, Exe. Secy. i/c KTP

Zaipawl : Vaivakawn Kohhran, Leitan Kohhran, Republic Bial & Mizoram Synod Choir

# Inkhawm ban 8:30 p.m atangin PYF Central Committee Meeting neih a ni ang.

PYC CHANCHIN TAWI

PCI (Presbyterian Church of India) hnuaia Synod 8-te thalai pawl leh Synod la ni lo Unit 4, a vaiin 12 thlung khawmtu chu Presbyterian Youth Fellowship hi a ni a, chung PYF Unit 12-te chu :-

1. KTP (Mizoram)

2. PYF (CHT)

3. PYF (Manipur)

4. KVP (Biateram)

5. PYF (Ribhoi)

6. JS (Synod Sepngi)

7. JS (Synod Mihngi)

8. PYF (Zou)

9. KJS (Barak Area)

10. MPCN (Manipur)

11. KAGAA (Karbi Anglong)

12. PYF (Tripura).

PYF hian kum khat danah Inkhawmpui (Bienniel Conference) an nei thin a, Conference neih loh kumah Workshop, Youth Camp leh thildang an nei thin bawk. Conference hnuhnung ber (vawi 18-na) chu 2009 khan Haflong-ah CHT Synod in thlengin Moulhoih Presbyterian Biak Inah Hmar hnam ten an thleng a, vawi 19-na hi Mizoram thlen hun a nih avangin Chanmari Kohhran hian Mizoram Synod aiawhin he inkhawmpui hi a thleng dawn a ni.

Mizoram hian tun hma pawhin a lo thleng zeuh zeuh tawh a. Dawrpui, Ramhlun North, Durtlang, Zarkawt leh Serchhip Kawnpui ten an lo thleng tawh a ni. Chanmari Kohhran atangin tuna kan Pastor Rev. K.Lalhmingliana hi Comtt. Member a lo ni tawh a, Upa JH Ramnghinglova chu Secretary lo ni tawhin, Upa C.Vanlalvuana chu tunah hian Asst. Leader a ni mek bawk a ni.

Khawmpui thleng tur hian Chanmari Kohhran chuan Committee 10 zet a siam a, heng committee khaikhawm turin Kohhran Committee chu Organising Committee a ni nghal a ni.

Khawmpui thupui atan "Endure, and reign with Him" (II Tim. 2:12) a ni ang a, ni 1 May, 2011 (Sun.) zan inkhawm banah Kohhran Hall-ah Musical Night hman a ni ang.

PYF CONFERENCE-A ITEMS NEI TURTE

ZAIPAWL :
1. Chanmari Kohhran
2. Vaivakawn Kohhran
3. Leitan Kohhran
4. Ramhlun Venglai Kohhran
5. Zonuam Kohhran
6. Salem Veng Kohhran
7. Kulikawn Kohhran
8. Dawrpui Kohhran
9. Armed Veng Kohhran
10. Lily Veng Kohhran
11. Republic Veng Bial
12. Maubawk Bial
13. Zemabawk Bial
14. Durtlang Bial
15. Bethlehem Bial
16. Chanmari Bial
17. Mizoram Synod Choir
18. Presbyterian Choir, Lunglei
19. KJP Synod Sepngi Standing Choir
20. KJP Synod Mihngi Standing Choir
BAND :
1. Dr. Luke (Mizoram)
2. X-Strings (Mizoram)
SOLO :
1. Nl. Margaret Malsawmzuali (Mizoram)
2. Pro. Pastor Primingson Milik (KAGAAA)
MUSICAL DRAMA : Kulikawn Branch KTP
MALE VOICE : Bungkawn Male Voice
GROUP SONG :
1. KJP Synod Sepngi Standing Choir
2. Rev. WK Hujon & Friends (KJP Sepngi)
HAND MIME: Chanmari West Branch KTP

PYF CONFERENCE-A ZAI & ITEMS NEI TURTE

Kan Kohhranin ni 29 April - 1 May, 2011 chhunga PYA Bienniel Conference vawi 19-a a thlen tura Kohhran leh Bial Zaipawl zai turte :

1. Mizoram Synod Choir

2. Vaivakawn Kohhran

3. Republic Veng Bial

4. Leitan Kohhran

5. Maubawk Bial

6. Zemabawk Bial

7. Ramhlun Venglai KOhhran

8. Zonuam Kohhran

9. KJP Synod Sepngi Standing Choir

10. Presbyterian Choir, Lunglei

11. Durtlang Bial

12. Salem Veng Kohhran

13. Lily veng Kohhran

14. KJP Synod Mihngi Standing Choir

15. Bethlehem Bial

16. Kulikawn Kohhran

17. Dawrpui Kohhran

18. Chanmari Bial

19. Armed Veng South Kohhran

20. Chanmari Kohhran

ITEMS NEI TURTE :

1. Band - Dr. Luke (Mizoram)

2. Male Voice - Bungkawn Male Voice (Mizoram)

3. Band - X-Strings (Mizoram)

4. Solo - Pro. Pastor Primingson Milik (KAGAAA)

5. Musical Drama - Kulikawn Branch KTP

6. Group Singing - Rev. WK Hujon & Friends

7. Hand Mime - Chanmari West Branch KTP

8. Solo - Nl. Margaret Malsawmzuali (Mizoram)

9. Group Singing - KJP Synod Sepngi Standing Choir

BRANCH NEWS

4April, 29 - May 1, 2011 chhunga PYF Bienniel Conference kan Kohhran Biak Ina neih tur atan inbuatsaihna ngawrh taka neih mek zel a ni. Hemi pual hian ni 18 April, 2011 (Thur.)

zanah Branch pum huap hnatlang neih tur a ni.

4PYF khawmpui atan Kohhran Zaipawl hla zir leh Cheraw kan zir mek a ni. He khawmpui chhung atana Praise Group-te pawhin Upa Peter Zohmingthanga hovin hla zir an ngawrh hle.

4Branch Secretary Pu Zosangliana, Jeribam-a Good Friday hmanga kal chu dam takin

a lo haw leh ta a, Pu Vanlalpeka, Fin. Secretary, Greenwood Hospital-a awm

pawh dam takin a lo chhuak leh ta bawk.

4Ni 25 April, 2011 (Mon.) zan Thalai Inkhawmah Zakaria Group Night hman a ni ang a, inkhawm banah Kohhran Zaipawl hla zir nghal a ni ang.

4Ni 24 April, 2011 (Sun.) Easter Sunrise Service-ah mi 140 vel an tel.

KEYBOARD THAR

Chanmari Branch KTP chuan rawngbawlnaa tangkai tak tur, Keyboard thar YAMAHA PSR S-910 (Rs. 67000/- man) a lei thar. Keyboard thar features thenkhatte :- (1) 7"x7" Color Screen (2) MP3 Recording & Playback (3) USB Audio Recording (4) Broadband Internet Connectivity (5) 61 Key (6) 678 Voices (7) 28 Drum/SFX Kits (8) Video Output (9) Microphone Input etc.

EASTER SURISE SERVICE-A CHANVO CHANG TURTE

Ni 24 April, 2011 (Sun) zing dar 5:00-a Biak In kawta neih tur Easter Sunrise Service a chanvo hrang hrang chang turte :

Hla hruaitu : Pu JH Lallungmuana leh Tv. C.Lalchhandama

Thutthleng rem : Malakia, Joela leh Nehemia Group

Thutthleng seng : Hagaia, Amosa leh Zakaria Group

Refreshment : Refreshment Sub-Committee

EASTER SUNRISE SERVICE

Chanmari Branch Kristian Thalai Pawl chuan kum tina a neih thin angin kumin Easter Sunday hian zing karah Easter Sunrise Service a hmang leh dawn. Kum danga neih thin tawhah KTP Member chauh ni lo Kohhran nu leh pa te pawh an tel tha thin hle a, mi 100 chuang an tel ziah thin a ni. A hnuaia mi ang hian hun hman a ni ang -

A hun : 24 April, 2011 (Sunday), 5:00 a.m

A hmun : Biak In kawt

Chairman : Pu Zosangliana, Branch Secretary

Tantu : Nl. C.Lalrindiki, Branch comtt. member

Thusawitu : Rev. K.Lalhmingliana, Bialtu Pastor

# Inkhawm banah Refreshment Sub-Commtt.-te buatsaih thingpui in hona neih a ni ang.

Branch News

X Kohhranin Rawngbawltu Camp a buatsaih mek chhawng 1-na, ni 4 - 6 April, 2011 chhunga neihah campers mi 206 zingah Branch Committee atangin mi 11 an lut. Camping-ah hian Upa PC Lalhmachhuana leh a team (Holy Fire Team)-te rawngbawltu atan hman an ni a, ni 7 - 9 chhung hian chhawng 2-na neih leh a ni ang. Branch KTP Committee chuan Branch hnuaia Group leh Sub-Committee a awm zawng zawngte camp lut theuh turin a sawm.

X Branch Committee Member leh Synod Revival Speaker ni bawk Tv. Henry Lalhmingthanga leh a team (Knight for Christ Ministry)-te chuan Thenzawl Kohhran-ah rawngbawlna an nei mek.

X Kan Kohhranin PYF (Presbyterian Youth Fellowship) Bienniel Conference vawi 19-na, April 29 - May 1, 2011 chhunga a thlen turah inbuatsaihna neih chhoh tan a ni.

BRANCH NEWS

a Chanmari Branch KTP chuan ni 21 Nov 2011 hian Group hrang hrangte zaipawl intihsiak a buatsaih dawn. Hemi atan hian lawmman tha tawk tak pakhatna atanga pathum thleng a pe dawn.

a Ni 23 May 2011 hian group hrang hrangte intihsiakna atan Bible Quiz a buatsaih dawn a, Tirhkohte Thiltih leh Rom Lehkhathawn atangte a neih a ni ang. Group titha pathumte hnenah lawmman pek an ni ang.

KTP chanmari

a Tunlai hian chanmari branch KTP chuan PYF Bienniel conference an kohhranin an thlen turah in puahchahna an kal pui mek.Hemi atan hian kohhran zaipawl te pawhin hla zir an ngawrh hle.Member 100 chuang zet in hla an zir thin. Tin Bial khawmpui atana rem tur hla zir thin a ni bawk.

a March ni 28.(mon.) zan inkhawm chu member inkhawm kim zan a hman a ni a.KTP member 394 zet an inkhawm.

a Chanmari kohhran chuan April ni 4 atanga tan turin Rawngbawltu Camp, Biakin ah a buatsaih dawn a. KTP ah pawh group hruaitu chin chu lut vek tur a tih an ni.

Leadership & Accounts Training

Ni 22 March, 2011-a Leadership & Accounts Training-ah Upa Lalrinmuana, General Secretary, CKTP leh Upa C.Vanlalnunga, Secretary, Chanmari Presbyterian Kohhran-ten hun an hmang. Leadership Training-ah hian Branch, Group leh Sub-Commmittee atangin mi 140 lai an tel. Member kalten an hlawkpui hle.

BRANCH NEWS

r Ni 19 March, 2011 (Inrinni) khan Chanmari Branch KTP chuan kum 52 a tlin champha pualin Presbyterian Hospital, Durtlang tan thisen Unit 64 a pe.

r Ni 22 March, 2011 (Thawhleh zan) ah Branch Committee, Group leh Sub-Committee hrang hranga hruaitute pualin Leadership Training leh Accounts Training neih a ni.

r Ni 24 March, 2011 (Ningani) dar 2:00 ah Branch Asst. Leader Tv. Zoramthara chuan nupui a nei ta. Kan lawmpui hle.

INNEIH SAWMNA

Ni 24 March, 2011 (Ningani) dar 2:00 pm hian Chanmari Presbyterian Kohhran Biak Inah Chanmari Branch KTP Asst. Leader Tv. Zoramthara (S/o Upa VL Ruata) leh

Nl. Malsawmtluangi (D/o Upa Lianchhunga, Ramhlun 'S')-te an innei

dawn a. Chanmari Branch KTP Committee chuan an inneih hriatpui

tur leh lawmpui turin Branch Member zawng zawngte a sawm e.

Joint Reception : Kohhran Hall

Mo lawmna ruai : Upa VL Ruata In (Dar 3:30 - 5:30 pm)

THISEN PEK A NI DAWN

Ni 19 March, 2011 (Inrinni) dar 10:00 am atang hian Kohhran Hall-ah Chanmari Branch Kristian Thalai Pawl chuan Presbyterian Hospital, Durtlang tan thisen pekna a nei dawn. He thisen pek tur hi Chanmari Branch KTP Rising Day vawi 52-na puala neih tur a ni a, member a tam thei ang ber thisen pe tur hian Branch Committee chuan a sawm a ni.

BRANCH NEWS

. KTP Rorel Inkhawm neih zawh takah Pu Zosangliana, Branch Secretary a palai.

. Central KTP Report (2010 - 2011) Report-ah kan Branch chu member 1107 niin member tam lamah 3-na kan ni .

. Branch Comtt. Member leh Synod Revival Speaker ni bawk Tv. Henry Lalhmingthanga leh a team (Knight for Christ Ministry)-te chuan Ruallung Kohhranah rawngbawlna an nei mek.

. Branch KTP Rising Day pualin ni 19 March 2011 (Sat.) hian Presbyterian Hospital, Durtlang tan thisen pek a ni dawn. Member a tam thei ang ber thisen pe turin kan inngen.

. Ni 18 March 2011 (Fri.) ah kan member R.Lalremmawia d/o R.Lalbeiseia leh Lalhmangaihzuali, d/o Zamliana, Laipuitlang-te Chanmari Kohhran Biak Inah an innei dawn.

. Branch Asst. Leader Tv. Zoramthara, nikum lama ke tliak chu a dam chho zel. Tunah chuan tiang hawlin a kal thei tawh a, a dam that zel kan duhsak.

BRANCH NEWS

x Kum 2011 Branch Budget atan Rs. 8,40,000 ruahman a ni a, heta tang hian tun thlengin Opening Balance nen Rs. 2,40,738/- hmuh tawh a ni. Budget hi kum 2010-ah Rs. 7,30,000/- a ni a, 15.06% in a pung a ni.

x May, 2011 hian Group hrang hrangte inelnan Bible Quiz neih tura ruahman a ni a, Tirhkohte Thiltih, Rom, Galatia leh Matthaia atangin Quiz hi neih tur a ni.

x Branch KTP Rising Day ni 23 March, 2011-a thleng tur chu ni 21 March (Mon.) zanah lawmna hun hman tura ruahman a ni a, hetah hian thusawi bakah Short Play, Costume Parade leh Group Zaipawl-te item a awm ang.

Branch Rising Day pual hian ni 19 March (Sat.) ah Thisen pek neih tum a ni. Kum 2009 Branch KTP Golden Jubilee lawm tuma thisen Unit 125 kan pek chu hemi kum hian Religious Group-ah Mizoramah pe tam ber kan niin lawmman tha tak kan lo dawng tawh.

x Ni 11 March (Fri) hian kan member PC Lalremtluanga (d/o Upa PC Liankunga) leh PC Lalremmawii (Khawzawl Vengthar) te chu Kohhran Biak Inah an innei dawn a, kan lawmpui hle.

KTP DAY CHIBAI

Vawiin ni 22 Feb. hi 'KTP Day' vawi 58-na a ni a, Chanmari Branch KTP chuan Mizoram chhung leh pawn a Branch hrang hranga KTP Member zawng zawngte leh veng chhung leh pawna Chanmari Branch KTP Member zawng zawngte KTP DAY chibai a buk e. Nizan (21 Feb. 2011) khan Chanmari Branch KTP chuan KTP Day pual hian inkhawm a buatsaih a, Chanmari Branch atanga Central KTP hruaitu lo ni tawhte biangbiakna/kawmna hun hman a ni a, KTP Documentary enho a ni bawk. Inkhawmah hian Branch hruaitu Pu JH Lallungmuana leh Tv. Freddie Lalremruata (Electric veng) ten an zai bawk.

Kristian Thalai Pawl hi Feb 22, 1954 atang khan mumal taka din tan a ni a, a din tirh laia hruaitu hmasa ber te chu heng mi te hi an ni -
Chairman : Rev O.W. Owen (Pu Awna)
Vice Chairman : Pu Lalthankhuma
Org. Secretary : Nl .Zokhumi (Mission Veng)
Asst. Secretary : Tv. Luka
Treasurer : Pi Oweni (Pi Awni)

Committee members :
1) Pu Vanlalkunga, Dawrpui
2) Pu Thanhnuna (Ztu.), Venghlui

BRANCH NEWS

aNi 19 Feb. 2011 (Sat.) ah KTP Day pualin Biak in leh a vel tihfai hnatlang neih a ni a, member thawkchhuak an tha hle.

aNi 14 Feb. 2011 (Mon.) ah kan member Rebecca Lalzarzoliani (K-18), Zakaria Group a mi chuan min boral san a, kan uiin khawhar lusun chhungte kan tawrhpui hle.

aNi 29 April - 1 May, 2011 chhunga kan Kohhranin PYF (Presbyterian Youth Fellowship) Conference vawi 19-na a thlen turah inbuatsaih chhoh tan a ni. Hemi atan hian Kohhran Committee chuan Committee/incharge hrang hrang pakua (9) a siam.

aFebruary thla Faith Promise atangin Rs. 52,300/- (singnga sanghnih zathum) hmuh a ni a, intiamna ti hlawhtlingtute chungah Branch Committee chuan lawmthu a sawi.

aBSI (Bible Society of India) in BSI Bi-centenary lawmna puala Bible Quiz a buatsaihah BSI, Aizawl Auxilliary aiawhin kan member leh Zakaria Group Treasurer nilai Tv. Zothanchama, B Th. B.D chu Gungoor, A.P-ah a thang mek a, Branch Committee chuan duhsakna a hlan.

KTP DAY PUALIN BRANCH HNATLANG

Naktuk ni 19 February, 2011 (Inrinni) dar 10:00 a.m-ah tanin Chanmari Branch KTP chuan KTP Day pualin nilengin Biak In leh a vel tihfai hnatlang a nei dawn. He hunah hian Branch KTP member zawng zawngte a tam thei ang ber thawkchhuak turin kan insawmin kan inngen.

KTP din a nih laia Office Bearers hmasaberte : Chairman - Rev RW Owens; Vice Chairman - Lalthankima; Organising Secretary - Zokhumi, Asst. Secretary - Luka; Treasurer - Mrs. Owen te an ni.

BRANCH NEWS

aApril 29 - May 1, 2011 chhunga Presbyterian Youth Fellowship (PYF) Biennial Conference, Chanmari Kohhran Biak Ina neih tur atan Chanmari Kohhran Committee, Central KTP O.B leh Branch KTP O.B-ten Feb. 8 (Tue.) zing karah Kohhran Committee Room-ah Joint Meeting an nei.

aFeb. 22, 2011 (Tue.)-a KTP Day lo thleng tur pualin ni 19 Feb. 2011 (Sat.) ah Biak In leh a vel tifaiin Branch pum huap hnatlang neih tum a ni.

aBible Society of India (Aizawl Auxilliary) in min ngen angin BSI Bicentenary Banner siam a ni a, hei hi Chanmari kawn atanga langsar lai, Biak In hungna ah tar a ni.

aBranch Leader Pu Lalsawmkima chu Chanmari Pastor Bial Hmeichhe Inkhawmpui-ah Bial KTP aiawhin a palai.

aKan Member damlo mi pathum - Nl. Zomuani Khiangte leh Nl. Malsawmtluangi-te chu Rs. 3,000/- ve ve a kan an ni a, Nl. Melinda Lalhmangaihi pawh Rs. 1,000/-a kan a ni bawk.

aNi 20 Feb. 2011 (Sun.) zanah Zaipawl member Hla zir kim zan hman a ni dawn.

aKan member Nl. Belinda Lalparmawii Sailo (d/o Kapmawia Sailo) leh PC Biakmuanpuia (D/o PC Hmangaihzauva, Model Veng) te chu ni 19 Feb. 2011 (Fri.) hian Model Veng Kohhran Biak Inah an innei dawn.

aAdvertisement : Chanmari Presbyterian Kohhranin Office Assistant - 1 No. (Rs. 6,000/- p.m), Chowkider - 1 No. (Rs. 5,500/- p.m) leh Cleaner -1 No. (Rs. 4,000/- p.m) a la dawn a, Kohhran pawn lam mi tan Kohhran lehkha thil tel tur a ni a, ni 25 Feb. 2011 (Fri.) thleng dilna thehluh theih a ni. Heng hnate hi KTP Member-te tan pawh dil theih a ni.

BRANCH NEWS

4Kum 2011 chhungin Chanmari Branch KTP hnuaiah member 1107 (Mipa - 636, Hmeichhia - 471) an inziaklut.

4Kum 2011 chhungin Faith Promise tiamtu 921 an awm a, 83.20% in FP hi an intiam. Branch chanchinbu 'LOGOS' la tu 424 an awm a, Kristian Thalai chanchinbu mi 222 in an la bawk.

4Chanmari Branch KTP chuan heng a hnuaia tarlante hi kum 2011 Project atan a ruahman -

1. Ramthar zin

2. Laipuitlang Kraws chei that

3. Branch dang tlawh

4. Branch Sports

5. Group huap Bible Quiz

6. Group Zaipawl Intihsiak

7. Member hlate hnuhhnaih

8. Keyboard thar lei

4Branch KTP-in kum Missionary 9 a chawm thin chu 1-a chawmbelhin 10 (sawm) chawm a ni dawn. Kum 1986 atanga 2008 thlengin Missionary 7 (pasarih) chawm thin a ni a, kum 2010-ah 9 chawm a ni a, kumin hian Missionary 10 (sawm) chawm a ni dawn ta a ni.

4Kumin chhungin thlatinin Group inkhawm tha hnenah lawmman Rs. 500/- pek thin a ni dawn. Inkhawm zat hi a lu nunga chhiar thin a ni ang a, thawhtan zan, nilai zan leh Pathianni chawhnu inkhawm chhiar tel a ni ang.

4Ni 11 - 13, March, 2011-a KTP Rorel Inkhawm neih turah Branch palai turin Pu Zosangliana, Branch Secretary ruat a ni.

4Kan member Tv. Lalmuanpuia (S/o Zosiamliani) leh K.Vanlalhruaii (d/o K.Lianzama, Chanmari 'W') te chu ni 10 Feb. 2011 (Thur.) ah Chanmari Kohhran Biak Inah an innei dawn.

BRANCH NEWS

CHANMARI PASTOR BIAL KTP OFFICE BEARERS

Chanmari Pastor Bial KTP Office Bearers (2011 - 2012) thlan tharte :

(L to R ) : 1. Pu Lalsawmkima, Finance Secretay (Chanmari), 2. Pu Chhawnsanga, Treasurer (Edenthar) 3. Pu Rodingliana Tochhawng, Asst. Secretary (Chanmari 'W'), 4. Pu Zosangliana, Secretary, (Chanmari), 5. Pu Vanlabera, Asst. Leader (Chanamri 'W'), 6. T/Upa Zionparlawma, Leader (Chanmari).

BRANCH NEWS

4Ni 23 Jan. 2011 (Sun.) zing dar 4:35 ah Branch Finance Secretary Pu Vanlalpeka chu a nupui Pi Lalhruaikimi chuan fanu duhawm tak, NewLife Hospital-ah a hrin sak. An naute hi 3.450 kgs. a rit a ni a, naute leh a nu pawh an tha e.

4Chanmari Branch atangin heng mite hi Bial KTP Committee Member atan ruat an ni -

(1) Tv. Zoramthara (2) Pu Zomuanpuia (3) Pu Vanlalpeka (4) Pu Vanlalneiha Ralte (4) Tv. Lallawmsawnga (5) Nl. Baby Lalthanpuii.

4Ni 28 Jan. 2011 (Fri) zanah Branch chanchinbu LOGOS Editorial Board hlui leh tharten Pu Vanlalhruaia Sailo (Editor, 2010) te inah charge an inhlan dawn.

4Bial KTP Conference neih zawh takah Chanmari Branch atanga Bial KTP Committee-a tel Upa C.Vanlalvuana leh Pu Vanlalhruaia Sailo-te chu KTP-ah an kum a over tak avangin ngaihhruina thuziak hlan an ni.

4Kan member Nl. PC Lalmuanpuii chu Synod Mission Board-in Evangelist Teacher turin a la a, Diphu, Karbi Anglong-ah a thawk ang. Chanmari Branch KTP chuan a chhuangin duhsakna a hlan.

BIAL KTP CONFERENCE A TIAK TA

Chanmari Pastor Bial KTP Conference vawi 36-na chu ni 21 - 23 Jan. 2011 chhungin Chanmari West Kohhran Biak Inah Pathian hruainain tluang taka neih zawh a ni. Conference thupui, 'Tunlai thil awmzia' chu Speaker Rev. Lalchungnunga, Lecturer, ATC hnen atangin ngaihthlak a ni. Kum 2011-2012 chhunga Chanmari Pastor Bial KTP hruaitu (Office Bearers) atan heng mite thlan an ni -

Leader : T/Upa Zionparlawma, Chanmari

Asst. Leader : Pu Vanlabera, Chanmari West

Secretary : Pu Zosangliana, Chanmari

Asst. Secretary : Pu Rodingliana Tochhawng, Chanmari West

Treasurer : Pu Chhawnsanga, Edenthar

Fin. Secretary : Pu Lalsawmkima, Chanmari

Kum 2012 Bial KTP Conference vawi 37-na chu a hnuaia a mi ang hian hman a ni ang -

A hun : Ni 20 - 22, January, 2012

A hmun : Chanmari Kohhran Biak In

Thupui : 'Thlarau Thianghlim'

Speaker : Rev. R.Lalrosiama, Lecturer, ATC

CHANMARI PASTOR BIAL KTP CONFERENCE

Chanmari Pastor Bial KTP Conference vawi 36-na chu ni 21 - 23 Jan. 2011 chhungin Chanmari West Kohhran Biak Inah neih a ni dawn. Conference-ah hian thupui atan 'Tunlai thil awmzia' hman a ni dawn a , Speaker-ah Rev. Lalchungnunga, Lecturer, ATC a ni ang. Bial KTP Conference-ah hian Bial Zaipawl Silver Jubilee lawmna hman nghal tur a ni a, a lawmna hi ni 22 Jan. (Sat.) zan inkhawmah hman a ni ang. Hemi zan hian Bial Zaipawl Conductor lo ni tawh zawng zawngte chawimawina hlan a ni ang a, Zaipawl Audio Album (Bial Zaipawl zai lo record tawhte CD-a dahkhawm) leh Music Video release a ni bawk ang. Hemi zan hian Bial Zaipawl member lo ni tawh zawng zawngten 'Halleluiah Chorus' an rem ang a, Ex-Conductor Pu Lalrammawia, Ramhlun 'S' in a hruai ang.

Tuna Chanmari Pastor Bial KTP Office Bearers ni mekte :-

Leader - Tual Upa Zionparlawma, Chanmari

Asst. Leader - Tual Upa Zothangzuala Chhangte, Chanmari 'W'

Secretary - Tv. Zoramthara, Chanmari

Asst. Secretary - Pu Lalremruata, Chanmari 'W'

Treasurer - Pu Chhawnsanga, Edenthar

Fin. Secretary - Pu Zosangliana, Chanmari

Chanmari Bial chhungah hian Kohhran pali (4), Chanmari, Chanmari West, Edenthar leh Himali Kohhrante an awm mek a ni.

BRNCH NEWS

. Kum 2011 Chanmari Kohhran Zaipawl enkawtu tur atana Branch KTP Committee-in a ruat te :-

Director : Pu Lalsawmkima

Asst. Director : Tv. Zoramthara

Conductors : (1) Pu Vanlalpeka (2) Pu JH Lallungmuana

(3) Pu Lalrintluanga (4) Tv. C.Lalchhandama

. Vawiin ni 10 Jan. 2011 (Mon.) zan hian Chanmari Branch KTP hnuaia Group hrang hrang paruk (6) hruaitu (Office Bearers) thlanna neih a ni dawn. Branch Comtt. chuan Leader leh Secretary a ruat fel tawh a, OB ang pali (4) thlan tur a ni.

. Branch Comtt. member pahnih, Pu K.Vanlalrinchhana leh Nl. Baby Lalthanpuii te chu an pa-te ve ve Hospital-ah enkawl mek an ni a, Nl. K.Vanlalzawngi pawh a nau damlo awmpuiin AIIMS, Delhi-ah a la cham mek. An dam that leh thuai kan duhsak.

. Ni 2 Jan. 2011 (Sun.) a Kohhranin kan Pastor Rev. Dr. R.Lalbiakmawia leh Pro. Pastor Lalngaihawma te a thlahah Branch KTP chuan thuziak leh Rs. 5,000/- ve ve a hlan. Rev. Dr. R.Lalbiakmawia hi pension-in a chhuak a, Venghlui-a an insak tharah an insuan lut tawh a, Pro. Pastor hi Synod Inkhawmpuiin Pastor atan nemnghetin Ambassa, Tripura-ah a awm ang.

. Branch KTP chuan Group hrang hrangte bul tan nan Rs. 1,500/- theuh a pe dawn.

. Ni 3 - 6 Jan. 2011 chhunga Chanmari West Branch KTP-in Silver Jubilee an lawm lawmpui nan Rs. 1,000/- leh thuziak hlan a ni.

. Ni 6 Jan. (Thur.) ah Pastor hlui bungrua thiarchhuahpui hnatlang neih a ni a, a tuk ni 7 Jan. (Fri.) ah Rev. K.Lalhmingliana, Pastor thar tur bungrua thiarpui a ni bawk.

BRANCH NEWS

n Jan. 1, 2011 (Sat.) chawhma inkhawm banah Tv. Zoramthara (Asst. Leader) te inah 2010 leh 2011 Branch O.B ten Charge an inhlan a, Branch committee-te an tel tha hle.

n Chanmari Pastor Bial Zaipawl-te chuan tunlai hian Bial Zaipawl Silver Jubilee pualin Music Video atan shooting an nei mek. Chanmari Pastor Bial Zaipawl hian 2011 Bial KTP Conf. January thlaaa neih turah Silver Jubilee a lawm dawn a ni.

n Ni 7 Jan. 2011 hian kan member Tv. Reuben Lalchhandama leh Nl. Joy Malsawmtluangi Khiangte (d/o Hmingdailova Khiangte, Lily Veng) te chu Chanmari Kohhran Biak Inah an innei dawn.

BRANCH COMMITTEE MEMBERS 2011

Kristian Thalai Pawl, Chanmari Branch O.B Meeting chuan heng a hnuaia mite hi kum 2010 chhunga Committee Member atan a ruat -

(1) Pu Vanlalneiha Ralte (2) Pu JH Lallungmuana (3) Pu K.Vanlalrinchhana (4) Pu MS Dawngkima (5) Pu Remsanguia (6) Pu Lalsangliana (7) Tv. Lallawmsanga (8) Tv. C.Lalchhanama (9) Tv. Vanlalnghaka Hauhnar (10) Tv. Henry Lalhmingthanga (11) Tv. Zothanmawia (12) Tv. Sailianpuia Sailo (13) Tv. Lalfakzuala Rawihte (14) Nl. K.Vanlalzawngi (15) Nl. Lalrinsiami (16) Nl. Baby Lalthanpuii (17) Nl. Lalremtluangi (18) Nl. Vanneisangi (19) Nl. C.Lalrindiki.

Heng bakah hian Upa B.Lalthanliana leh Upa Peter Zohmingthanga-te Kohhran Committee aiawhin turin Kohhran comtt., chuan a ruat a, Bialtu Pastor Rev. K.Lalhmingliana, Pro. Pastor R.Lalfakawma leh T/Upa Zionparlawma (Bial KTP Leader) te Ex-Officio an ni bawk.