BRANCH NEWS

4Kristian Thalai Pawl, Chanmari Branch buatsaihin ni 23 Dec. 2010 (Thur.) zan hian Chanmari kawnah Noel Night hman a ni dawn. Noel Night hi hun engemawchen kalta atang khan ni 24 Dec. (Urlawk zan) ah hman a ni thin a, rokhawlhna avangin nikum (2009) ah erawh hman a ni lo. Tun tum hian veng chhung zaithiamte hun an hmang dawn a, TKP leh SAY, Chanmari-te item nei tura beisei a ni bawk. Band, Solo, Grouop zai, Duet, Male Voice, Instrumental Music leh Worship Dance-te en/ngaihthlak a ni ang. Noel Night-a item nei tur zawng zawngte hian ni 21 Dec. 2010 (Tue.) zanah Kohhran Hall-ah rehearsal an nei ang.

4December thla Faith Promise atangin Rs. 40,760/- hmuh a ni.

4Dec. 13, 2010 thleng a Branch sum dinhmun :

Hmuh : Rs. 8,11,872/-

Hman : Rs. 7,03,010/-

Balance : Rs. 1,08,862/-

4Dec. 13, 2010 (Mon.) ah Branch kumtawp committee neih a ni a, committee kalkim mi 6 hnenah lawmman pek an ni.

4Branch KTP-in Chanmari Kawn a chei chuan veng hrang hrang atangin tlawhtu a ngahin a lun thin hle.

4Ni 20 Dec. (Mon.) zan inkhawmah Branch Committee member ni lai KTP-a kum over tur pathum Upa C.Vanlalvuana (Comtt. member), Pu Lalrinliana (Chairman, Refreshment Sub-Commtt.) leh Pu Vanlalhruaia Sailo (Editor, LOGOS)-te ngaihhruina hlan an ni dawn.

BRANCH HRUAITU (2011) THLAN A NI

Kristian Thalai Pawl, Chanmari Branch chuan ni 13 Dec. 2010 (Mon.) zanah kum 2011 Branch KTP hruaitu (Office Bearers) tur thlanna a nei. Inthlan hi Bialtu Pastor Rev. Dr. Lalbiakmawia'n a kaihruai a, Kohhran Comtt. atanga KTP Committee-a tel Upa V.Neihkunga leh Upa R.Lalsangzuala te bakah Pro. Pastor Lalngaihawma (Synod Inkhawmpuiin Pastor-a a nemngheh thar, Ambassa,Tripura-a thawk tur) leh Branch hruaitu nilai KTP atanga over tur Upa C.Vanlalvuana, Pu Lalrinliana leh Pu Vanlalhruaia Sailo ten inthlanna hun hi an hmanpui. Hemi zan hian member mi 157 an inkhawm a, inkhawm banah thingpui inhona neih a ni. Hruaitu thlan chhuahte hi Bialtu Pastor bakah Upa V.Neihkunga, Upa R.Lalsangzuala, Pro. Pastor Lalngaihawma leh T/Upa Zionparlawma (Bial KTP Leader) te nen post an insiamrem a, kum 2011 Chanmari Branch KTP Office Bearers atan thlan chhuah leh an post chu a hnuaia mi ang hi a ni -

Leader : Pu Lalsawmkima

Asst. Leader : Tv. Zoramthara

Secretary : Pu Zosangliana

Asst. Secretary : Nl. Ramdinliani

Treasurer : Pu Zomuanpuia

Fin. Secretary : Pu Vanlalpeka

O.B thlan chhuah Leader leh Asst. Leader tih loh chuan an post ngai vek an chelh leh a ni. Office Bearers thlan chhuah tharte hian ni 7 chhungin an thawhpui tur Committee Member an la ruat leh ang.

ZAIPAWL RETREAT THULH A NI

Vawiin ni 11 Dec. 2010 (Sat.) a Chanmari Kohhran Zaipawl Retreat neih tur a ruahman tawh chu zing lamah khua a that loh avangin thulh a ni. Tunlaiin khua a that loh avangin hun remchang dang dap leh a ni ang. Hemi atana Zaipawl member lo inbuatsaih tawh te hnenah Branch KTP Committee chuan an hriatthiamna a ngen e.

BRANCH NEWS

4 Ni 11 December, 2010 (Sat.) hian Kohhran Zaipawl Retreat neih a ni dawn. Zaipawl Retreat hi Pu Lianchungnunga huan, Sihhmui ah neih tur a ni a, zing dar 9:30-ah Kohhran Hall-ah innghahkhawm tur a ni. Zaipawl member a tam thei ang ber tel turin kan insawm.

4 Branch sum dinhmun (as on 26 Nov. 2010) :

Hmuh : Rs. 7,86,587

Hman : Rs. 6,59,352/-

Balance : Rs. 1,27,235/-

4 Ni 9 Dec. 2010 (Thur.) hian Tv. Lalrintluanga, Nehemia Group Treasurer & Bial Zaipawl member ni bawk leh Lalnunziri (d/o Rokunga, Nursery Veng) te Chanmari Kohhran Biak Inah an innei dawn.

4 Ni 23 Nov. 2010 (Thur.) zana Chanmari kawna Noel Night hman tur atan inbuatsaih chhoh tan a ni. Hetah hian Band/Solo/Duet/Instrumental Music-te neih tura ruahman a ni a, Veng chhung Kohhran dang atangin SAY leh TKP-te item nei tura sawm an ni bawk.

4 Branch Leader Tv. Zoramthara, accident avanga ke tliak chu a tha chho zel a, pawn la chhuak thei lovin inlamah a la inenkawl mek.

4 Ni 3 Dec. 2010 (Fri.) zanah Bial KTP Advance Christmas, Chanmari West Kohhran Hall-ah neih a ni a, hun hlimawm tak hman a ni.

BRANCH NEWS

Chanmari Branch KTP-in Branch hnuaia Group hrang hrangte inelna Drama Competition a buatsaih chu ni 25 Nov. 2010 (Thur.) zanah tluang taka neih a ni. He competition-ah hian Biak In hawnga nupui pasal nei an tam zawk theih na lam hawi mins. 15- 20 chhung chan a ni a, Judge-ah Upa Peter Zohmingthanga, Pu B.Lalbiakthuama leh Pu Lalhmingthanga (Vivala) te hman an ni. Results : 1st - Nehemia Group (Rs. 3000/-), 2nd - Joela Group (Rs. 2000/-), 3rd Group (Rs. 1000/-); Best Actor : Tv. Lallawmsanga (Hag.) Rs. 500/-, Best Actress - Nl. Vanlalhriatpuii Sailo (Joel.) Rs. 500/-. Group pathum (3) hnenah Consolation Prize Rs. 500/- theuh pek an ni bawk.

3Ni 11 Dec. 2010 (Sat.) ah Pu Lianchungnunga huan, Sihhmui-ah Kohhran Zaipawl Retreat neih tur a ni.
3Ni 13 Dec. 2010 (Mon.) zanah kum 2011 Branch hruaitu (Office Bearers) thlanna neih a ni ang. Hemi ni chawhhnu dar 1:00 atangin Branch kumtawp committee neih a ni bawk ang

3Ni 23 Dec. 2010 (Thur.) zanah Chanmari kawnah Noel Night hman a ni dawn. Heta hun hmang tur hian vengchhung zaithiam leh Band engemaw zat ruat an ni a, veng chhung Kohhran pawl dang atangin TKP leh SAY-te item nei tura sawm tum an ni bawk.

3Tv. Lalrinmawia (Hag. group) damlo chu Rs. 1000/- a kan a ni.

3Veng mipuiten hlim leh lawm taka Krismas an hman theih nan Chanmari kawn chei turin hmalak chhoh mek a ni a, kawn cheina bungraw hluite enfel tawh a niin bungrua engemaw zat lei a ni tawh bawk. Hemi atan hian Branch Comtt. chuan Rs. 20,000/- a ruahman a, veng chhung mi inphalten kawn cheina atan hian sum thawh theih reng a ni e.

BRANCH NEWS

r Chanmari Branch Kristian Thalai Pawl chuan ni 25 Nov. 2010 (Thurs.) zan hian Kohhran Hall-ah Drama Competition a buatsaih dawn. He Drama Competition hi Branch KTP hnuaia Group hrang hrangte inelna tur a ni a, Biak In hawnga nupui pasal innei an tam zawk theihna lam hawi chan tur a ni a, Group member-te ziah Drama script hmangin 15- 20 mins. chhung chan tur a ni a, a endiktu atan veng chhung mi pathum ruat an ni. Hetiang hian lawmman siam a ni -

1st Prize : Rs. 3,000

2nd Prize : Rs. 2,000

3rd Prize : Rs. 1,000

Consolation Prize : Rs. 500

Best Actor : Rs. 500

Best Actress : Rs. 500

Lawmman-te hi Bialtu Pastor Rev. Dr. R.Lalbiakmawia'n a sem ang.

r Tv. Zothanchama, Comtt. Member, Hagaia Group chuan BSI Aizawl Auxiliary-in Bible Quiz-a buatsaih a lawmman 1-na a dawn atangin Rs. 1000/- (sangkhat) Branch KTP-ah a pe a, a chungah Branch KTP Committtee-in lawmthu a sawi.

r Kristian Chhungkaw Film Competition atana shooting zawh tawh a ni a, scene thenkhat duhthusam loh deuhte shooting tih that leh a ni a, editing pawh engemzaw zat neih tawh a ni.

r Ni 21 Nov. 2010 (Sun.) chawhnu dar 3:00-ah kan member chantuan ram min pansan ta Pu J.Vanlalawmpuia (38) ralna neih a ni. KTP Member boral an awmin ralna'n Pathian Lehkhabu Thianghlim pek thin a ni.

Faith Promise (November) 2010

Branch News

x Ni 9 Nov. (Tue.) zanah Branch Committee, Group Committee leh Sub-Committee te tan Joint Meeting/Retreat neih a ni a, Resource Person-ah Rev. Remlalfaka, Bawngkawn hman a ni. Retreat-ah hian member 100 an tel a, hun hlawk taka hman a ni.

x SUNNA : Kan member Pu J.Vanlalawmpuia (38) chuan ni 12 Nov. 2010 (Fri.) zanah min boral san a, kan uiin khawhar chhungte kan tawrhpui hle.

x Branch Commtt. Member leh PYF Asst. Leader Upa C.Vanlalvuana chu PYF buatsaih 'Workshop on Ecology and Youth,' Nongpoh, Ribhoi Synod-a neihah a thang mek.

x Bible Society of India-in Bicentenary a lawmna puala Bible Quiz a buatsaihah Tv. Zothanchama (Comtt. Member, Hagaia Group) chu 1-na a ni a, kan lawmpuiin kan chhuang hle. A ni hian 2011 February thlaa India ram Auxilliary hrang hrangte Bible Quiz-ah Aizawl Auxilliary ai a awh ang.

x Branch Committee chuan 2010 Krismas vuakveta Chanmari kawn chei nan Rs. 20,000/- a ruahman.

x Branch bungrua atan Pitch Pipe leh Computer UPS lei thar a ni.

BRANCH NEWS

x Branch Leader Tv. Zoramthara, Bike-a a chetsual avanga ngal ruh tliak chu ni 2 Nov. 2010 (Tue.) zanah Newlife Hospital-ah zai a ni a, ni 5 Nov. 2010 (Fri.) ah in lama inenkawl turin a chhuak leh ta.

x Ni 9 Nov. 2010 (Tue.) zanah Branch Committee, Group Committee leh Sub-Committee te tan Joint Meeting/Retreat neih a ni dawn. Hun hmangtu atan Rev. Remlalfaka, Bawngkawn beisei a ni. Tin, hun remchang hmasa berah Kohhran Zaipawl Retreat neih tum a ni bawk.

x Chanmari Branch Kristian Thalai Pawl chuan 2010 Krismas denchhenin Chanmari Kawn a chei dawn. Chanmari kawn chei hi YMA/V.C/KTP ang te in kum engemawzat kalta atang khan kum tinin chei thin a ni a, nikum khan chei a nih loh avangin tun kum 2010 hian chei turin Branch KTP chuan hma a la dawn a ni. Tin, NOEL NIGHT pawh Chanmari kawn ah Krismas dawn hnaiah hman leh tum a ni a, a hun leh programme-te Programme Sub-Commtt. kutah dah a ni.

x Branch sum dinhmun (as on 2 Nov. 2010) :

Hmuh : Rs. 7,40,190/-

Hman : Rs. 6,26,567/-

Balance : Rs. 1,13,623/-

x Branch Property atan Microphone 4 nos. leh Combo 1 no. lei thar a ni.

EVANGELICAL WEEK HMAN ZAWH A NI

Chanmari Branch Kristian Thalai Pawlin Ni 25 - 30 Oct. 2010 chhunga Evangelical Week a hman chu tluang taka hman zawh a ni ta. Week hi ni 25 Oct. 2010 (Mon) zanah neih tan a ni a, hemi zan hian Branch Leader-in hawnna a nei a, short sermon, tawngtai rual leh zai hona a hun hman a ni a, member 175 an inkhawm. Ni 26 Oct. (Tue.) zanah veng chhungah kawngzawh a ni a, tawngtai rual, zai ho leh au rualin hun hman a ni a, member 100 vel an tel. Ni 27 Oct. (Wed.) zan inkhawm banah veng chhung hmun 5-ah thuziak tar a ni a, member 50 vel an thawk chhuak. Ni 28 Oct. (Thur.) zanah Kohhran Hall-ah tawngtai leh sharing-a hun hman leh a ni, member 70 vel an tel. Ni 29 Oct. (Fri.) zanah Kohhran Hall-ah Variety Programme neih a ni a, Group Zai, Duet, Instrumental Music, Short Play, Band, Male Voice-te enho leh ngaihthlak a ni a, member 107 an kal. Ni 30 Oct. (Sat.) ah Week kharnan Govt. HSS Filed-ah Sports kharna neih a ni a, zing dar 5:30-ah Marathon neih a ni a, member 99 lai an tlan. Zing dar 9:3o-ah Sports chhunzawm a ni a, member inchhiarna neih laiin 75 an kal a, a hnu ah member thahnem tak an kal belh. Running Events, Needle Race, Football, Volleyball, Dart Throw, LTP-te a infiamna neih a ni.

Evangelical Week hi kum dangah pawh neih a lo ni tawh thin a, Branch Committee chuan hlawk thlak a tih em avangin hman a ni leh ta a ni.

BRANCH NEWS

4 Ni 3 Nov. 2010 (Wed.) a Aizawl Municipal Council inthlan neih turah Chanmari MPF Local Forum-te ngen angin Chanmari Branch KTP ten Voters List an buaipui dawn a, Branch KTP Committee te an duty ang.

4Central KTP-in Krismas leh Kumthar vuakvet thianghlim zawka hman a nih theih nana Branch tin te thuziak/banner siam tura a ngen angin Chanmari Branch KTP chuan veng chhung lun lai hmun 3-ah Banner (15' x 4' size) a siam/tar dawn. Hemi atana thuziak tur pawh thlan fel a ni tawh.

4Chanmari Pastor Bial Zaipawl member 2-in pasal an neih tak avangin Chanmari Branch KTP member pahnih Nl. K.Vanlalzawngi d/o K.Vanlalchhawna leh Nl. R.Laltanpuii d/o Rev. CM Zalenthanga te Bial Zaipawl Member atan ruat thar an ni.

4Ni 24 Oct. 2010 (Sun.) Sunday School hunah Intermediate, Sakramen leh Senior Deptt. ah Branch hruaituten a hrang theuhin Ruihhlo chungchang Awareness Campaign an nei a, Powerpoint Presentation nen hun an hmang.

4Miharsate pual atangin veng chhung mi pahnih hnenah tanpuina Rs. 1000/-ve ve pek an ni.

4Ni 4 Nov. 2010 (Thur.)-ah kan member Lalnunpuia s/o Ramfangzauva chuan Lalthantluangi Lianhna D/o Lalrinmawia, Chaltlang chu Chanmari Kohhran Biak Inah 'tiam tlat e' a tihpui dawn.

4October thla Faith Promise atangin Rs. 31,945/- hmuh a ni.

BRANCH NEWS

. November 25, 2010 (Thurs.) hian Branch hnuai a Group hrang hrangte tan Drama Competition buatsaih a ni dawn. Drama hi Biak In hawnga nupui pasal innei an tam zawk theih na lam hawi chan tur a ni a, script pawh group member-te ziah hman tur a ni ang. Hemi atan hian Group hrang hrangten hma an la tan mek a, hetiang hian lawmman siam a ni - 1st Rs. 3,000/-; 2nd Rs. 2,000/-; 3rd Rs 1,000/-. Hei bakah hian Best Actor, Best Actress leh Consolation Prize-ah Rs. 500/- theuh lawmman a awm bawk.

. SUNNA : Nl. Laldawngliani Varte (Kum 30), Hagaia Group member chu ni 15 Oct. 2010 (Fri.) zan ah a boral a, Chanmari Branch Kristian Thalai Pawl chuan a uiin khawhar lusun chhungte a tuarpui hle. Nl. Laldawngliani Varte-te hi Chanmari veng ah mi In luaha khawsa an ni a, a theih tawka KTP rawngbawlnaa inhmang thin a ni. A boral tuk ni 16 Oct. (Sat.)-ah an khua Khawzawl Vengthar panpui a niin vui liam nghal a ni.

. Ni 18 Oct. 2010 (Mon.) zan hian Branch hnuaia Group hrang hrangte puala programme siam chu hman a ni dawn. Inkhawm hi Joela Group Programme siam a hman tur a ni a, Dr. C.Lalhrekima, Mission Veng-in thuchah a sawi ang a, inkhawm banah thingpui in hona a awm ang. Group programme siam a inkhawm hi tun kum chhung hian group pahnih (2) siamin la hman leh tur a ni.

. Ni 3 Dec. 2010 (Fri.) zan khian Chanmari Pastor Bial KTP Advance Christmas chu Chanmari West Kohhran Hall-ah neih a ni dawn. Bial KTP Advance Christmas hi nikum 2009 khan Chanmari Branch-ah neih a ni.

BRANCH NEWS

aOctober 25 - 30, 2010 chhungin Evangelical Week hman tur a ni, week chhung hian kawngzawh/peniel/sharing/thuziak tar/variety programme/sports-te a hun hman a ni ang.

a24 Oct. 2010 (Sun.)-ah Naupang Sunday School (Intermediate, Sakrament leh Senior Deptt.) ah Bial KTP Conf. thurel bawhzui nan Drugs Awareness Campaign hun hman a ni dawn.

aJoela Group ten Branch KTP hmingin Nl. Lalbiakzuali Hnamte, Evegelist Teacher, Lunghauka, Bungtlang Pastor Bial a mi hnenah Solar Lamp an pe.

aNi 13 Oct. 2010 (Wed.) hian Nl. Esther Lalnunpuii (Branch Comtt. member, Nehemia Group Secretary leh Bial Zaipawl member) leh Tv. Hmingthanzuala, Chanmari-te chu Chanmari Kohhran Biak Inah an innei dawn.

aBranch sum dinhmun (as on 5 Oct. 2010) : Hmuh - Rs. 6,84,647/- Hman - Rs. 5,88,784/- Balance - Rs. 95,863/-.

BRANCH NEWS

aChanmari Branch KTP-in kumtir lama Budget-a a dah angin Biak In sakna Rs. 50,000 (singnga) leh Missionary 9 (pakua) chawmna Rs. 1,08,000 (nuaikhat sangriat) chu tlak fel a ni. CBKTP hian kum 2010 Budget-ah Rs. 7,30,000/- (nuai sarih singthum) a dah/ruahman a ni.

aKar hmasa (27 Sept. - 1 Oct. ) chhungin Kristian Chhungkaw Film Competition atan tum li (4) shooting neih a ni a, a chanve aia tam shooting hi zawh tawh a ni.

aTv. Lalmalsawma, Branch Comtt. Member leh Nehemia Group Leader ni bawk chu an chhungkuain Zemabawk lamah an insawn fel ta.

aChanmari Presbyterian Kohhranin Beihrual a hman zawh taka Upa Bial hrang hrang report atanga a lan danin kum dang zawng aiin Beihrual inkhawmah thalaite an tel tha a, a lawmawm hle. Kohhran Committee ruahman angin 27 Sept. (Mon.) zanah Branch KTP Programme siam hmangin beihrual inkhawm hi a hman a ni.

BRANCH NEWS

aMiharsate pual atangin damlo pahnih (2) hnenah Rs. 5,000/- (sangnga) Branch KTP hmingin pek a ni.

aKristian Chhungkua Drama Competition atan kan hmasa chhungin tum 3 shooting neih a ni.

aNi 27 Sept. 2010 (Mon.) zan Kohhran Beihrual Inkhawm chu Branch KTP-te Programme siam ang a hman tur a ni a, Kohhran Zaipawl-ten hla an rem bawk ang.

aBranch Member leh Synod Revival Speaker ni bawk Tv. Henry Lalhmingthanga leh a Team (Knight For Christ Ministry) te chuan Tuikual South Kohhranah rawngbawlna an nei mek.

Tihdikna

Sunday School inkhawmpuia Deptt. hrang hrang dinhnun tarlanah Intermediate Deptt. -te 2nd ni lovin 1st tih zawk tur a ni.

BRANCH NEWS

aOctober ni 18 - 24, 2010 chhungin Evangelical Week hman tur a ni. He week chhung hian Sports leh Variety Programme pawh hman nghal a ni ang.

aChanmari Branch KTP a din tirh atanga Committee Minute-te Softcopy siam tura hmalakna kal zelah computer-a chhu lut tura ruat mi 4-ten an chhu zo tep a, hemi atana software Kolkata-a siam tir pawh an zo dawn hnai.

aSeptember 2010 Faith Promise chu ni 19 Sept 2010 (Sun.) chawhnu inkhawm banah chhiar a ni a, group hrang hrang atanga sum lut belhkhawm chu Rs. 33,640/- a ni.

aKum 2010 Branch Budget-a Thawhtan zan inkhawm thawhlawm Rs. 60,000/- ruahman chu khum a ni tawh.

aChanmari Pastor Bial Naupang Sunday School Inkhawmpui-a Chanmari Kohhran dinhmun chu a hnuai mi ang hi a ni. Chanmari Bial hnuaiah hian Kohhran pali (Chanmari, Chanmari West, Edenthar leh Nepali/Himali-te an awm) -

Beginner Deptt. - 2nd

Primary Deptt. - 2nd

Junior Deptt. - 1st

Intermediate Deptt. - 2nd

Sacrament Deptt. - 2nd

Senior Deptt. - 2nd

FAITH PROMISE (SEPTEMBER) 2010

BRANCH NEWS

aKristian Chhungkaw Film Competition atan kar kalta chhung khan zan thum shooting neih a ni.

aBranch Committee Member leh Refreshment Sub-Committee Chairman Pu Lalrinliana chu hun engemaw chen training turin PTC-ah a lut.

aPathianni zan leh thawhtan inkhawm bana Kohhran Zaipawl hlazir thin chu Beihrual chhung chuan Pathianni zanah chauh zir thin a ni ang.

aBranch hruaitu, Group hruaitu leh Member engemawzat Naupang Sunday School Inkhawmpui turah thu leh hla naupangte zirtirin an buai hle.

aMalakia Group Member Tv. R.Vanlalchhandama chu a Nu Pi K.Lalthangpuii chuan ni 5 Sept. 2010 (Sun.) zan khan a boral san a, khawhar lusun chhungte kan tawrhpui hle.
aNi 10 Sept. 2010 (Fri.) ah Hagaia Group Member H.Lalrinliana leh Caroline Lalrinpuii (d/o H.L. Rinawma, Arhuan Salem Veng)te chu Chanmari Kohhran Biak Inah an innei dawn.

Branch News

aSynod Social Front buatsaih 'Sex Video & Pornography Seminar-cum-Workshop' ni 26 Aug. 2010-a neihah Branch hmingin Nl. Lalremtluangi, Br. Commtt. Member a tel.

aNehemia Group-a chhungkaw pakhat chuan Chanmari Branch KTP-ten a tul a pianga an hman atan Rs. 13,000/- (singkhat sangthum) an rawn pe a, CBKTP chuan an chhungkaw chungah lawmthu a sawi tak meuh a ni.

aKum 2011 hian Chanmari Pastor Bial Zaipawl chuan kum 25 (Silver Jubilee) na a thleng dawn a, Bial KTP Conference 2011, Chanmari West Branch in an thlen turah a lawmna hun hi hman tura ruahman a ni. Chanmari Pastor Bial Zaipawl hi kum 1986 khan Electric Kohhrana Bial KTP Conference neiha din a ni a, hetih lai hian tuna Electric Pastor Bial chhunga Kohhran (Electric, Ramthar, Aizawl Venglai etc.)-te hi Chanmari Pastor Bial chhunga awm an ni thin a, tin, Bial Zaipawl din a nih laia Bial KTP Leader chu Upa JH Ramnghinglova, Chanmari a ni.
aNi 29 Aug. 2010 (Sun.) 5:00 p.m - 6:30 p.m chhungin Kohhran Hall-ah chawnghei tawngtaina neih a ni a, mi 25 an tel. Evangelism Sub-Committee kaihhruainain chawnghei tawngtai hun hi thlatin Pathianni hnuhnung berah neih thin a ni a, Inkhawm ban - thawhtan zan, nilai zan leh Pathianni zan-ah te tawngtaina hun hi 15 mins. chhung vel hman thin a ni bawk.

BRANCH NEWS

a16 Aug. 2010 (Mon.) zan inkhawmah mipat hmeichhiat chungchanga thianghlim tura intiamna neih a ni a, tlangval 55, nula 65 leh nupui nei tawh 19 ten thianghlim turin intiamna an nei.

aTv. Lalduhsaka (Hagaia Group) damlo kan nan Branch hmingin Rs. 3,000/- pek a ni.
aBranch chanchinbu LOGOS chu RNI (Registrar of Newspapers for India)-ah registration tih tur a hmalak mek a ni.

aBranch Comtt. Member leh Amosa Group Secretary Nl. K.Vanlalzawngi chu a nau damlo hruaiin Delhi-ah a thang mek.

aKTP Fellowship, Pathianni chawhma inkhawm ban (11:30AM) a neih thin chu NPSS Inkhawmpui inbuatsaih chhoh lai a nih avangin thulh rih a ni dawn.

aNi 29 Aug, 2010 (Sun.) chawhnu inkhawm banah Pu David Lalrinsanga (Malakia Group), ni 12 Aug. 2010 a boral ralna hun hman a ni dawn.

SPECIAL CAMPING NEIH ZAWH A NI TA

Kohhranin Special Camping a buatsaih, ni 9 - 21 Aug. 2010 chhunga neih chu tluang taka neih zawh a ni. Camping hi tum hnih neih a ni a, campers mi 100 chuang an ni. Tunkar chhung hian chhun lamah Follow-up leh zanah Crusade-a hun hman leh tur a ni ang. Follow-up ah hian Biak In leh a vel tihfai, Sports, Bethel, Sharing, thu zirho, zaiho leh Synod hmunpui fan te a hun hman a ni ang.

BRANCH NEWS

aKohhranin Special Camping a neih mekah a tum khatna (9- 13 Aug.) ah mi 54 (Mipa 50 leh hmeichhia 4) an lut a, ni 16 Aug. (Mon.) ah tum hnihna an lut leh ang.

aKTP Rorel Inkhawm 2009 thurel, "Central KTP in ruihhlo ngaite chhanchhuah leh invenna kawngah uar zawkin hma la rawh se," tih bawhzui nan Intermediate, Sakramen leh Senior Deptt. ah te Drugs Awareness Campaign hun hman tum a ni a, Kohhran Committee-ah dilna thlen mek a ni.

aKan member Pu David Lalrinsanga (32), Malakia Group a mi chuan ni 12 Aug. 2010 (Thur.) khan mitliam natna avangin min boralsan a, khawhar lusun chhungte kan tuarpui hle.

aKristian Chhungkaw Film Competition atan shooting neih chhoh mek zel a ni a, ni 30 July, ni 7,12 leh 14 Aug. ah te shooting neih a ni. Film-ah hian an a changtu leh buaipuitute nen an vaiin mi 43 an tel.

aTun kum chhungin Kohhran Zaipawlin Hla 40 an zir tawh a, vawi 20 hla rem a ni tawh bawk (as on 3 Aug. 2010).

FAITH PROMISE LUH DAN (AUGUST)

BRANCH NEWS

aKohhranin Special Camping (9 - 29 August, 2010) a neih tur atan ni 6 August, 2010 zan dar 7:00 atanga zing dar 5:30 thleng tawngtai tlaivar hun hman a ni dawn.

aTv. Amby Lalliantluanga (Malakia Group) chu Kohhran Committee in Sound Technician atan a la thar. A ni hian Kohhran Sound Systems-te enkawl ang a, Kohhran Inkhawm bakah Inneih/Function/Seminar etc. te a awmin Sound lam a buaipui thin ang. Thlatin hlawh pek a ni ang a, August 2010 atangin a hna hi a thawk tan ang.

aUpa C.Vanlalvuana, Branch Committee Member chu PYF Committee-a tel turin tunkar hian Shillong-ah a zin dawn.

aNl. Lalrinsiami, Branch Committee Member chu Zorun Cultural Club, Chanmari te hruaiin Secunderabad-ah Hnamlam entirin a thang mek.

aKTP Thawhtan zan inkhawma inchhiar dan hman mek (Branch OB, Branch Committee, Group Committee, Group Member tiin Branch Secretary in a chhiar thin) chu inkhawm kan that/tam zawk theih nan tihdanglam tum a ni a, Branch Committee in a ngaihtuah/pass veleh inchhiar dan thar hi hman a ni ang.

SPECIAL CAMPING PUALIN TAWNGTAI TLAIVAR HUN HMAN A NI DAWN

Kristian Thalai Pawl, Chanmari Branch in kum 2010-a Project a neih zing a mi 'Special Camping' neih nise a tih chu Kohhran Committee ruahman angin ni 9 - 29 August, 2010 chhungin Chanmari Kohhran Biak Inah neih a ni dawn. He Camping hi chhawng hnih (9-14 Aug. & 16-21 Aug.) neih tura ruahman a ni a, 23-29 Aug. chhun lamah Follow-up leh zan lamah Crusade anga hun hman a ni ang. He Special Camping-ah hian Pu Lalsanglura Ralte (Speaker, Sons of God Ministry) leh a rawngbawlpuite chu rawngbawltu tura tihfel an ni tawh a ni.
He Special Camping neih tur pual hian Chanmari Branch Kristian Thalai Pawl chuan ni 6 August, 2010 (Zirtawp) zan hian Tawngtai Tlaivar hun a hmang dawn. Tawngtai Tlaivar hi zan dar 7:00 atanga zing dar 5:30 thleng neih tur a ni a, Branch hnuaia Group 6 zinga Group 3-te darkar khat chhung an tawngtai laiin Group 3 dangte chuan Kohhran Hall-ah Zaikhawm/Sharing etc. neiin hun an lo hmang ve thung dawn a, hetiang hian darkar 1 chhung zel inchhawka hun hman tura ruahmanna siam a ni a, zan dar 12:00 atanga 12:30 thleng tea-break neih a ni ang. Special Camping puala tawngtai tlaivar hun atan hian tawngtai thupui tur 16 siam a ni.

BRANCH NEWS

aNi 23 - 25 July, 2010 chhunga Synod Revival Team Retreat neih zawh taka Sub-Committee hrang hrangah member-te an chanvo tha takin an hlenchhuak.

aSynod hnuaia Family Guidance & Counselling Centre in Kristian Chhungkaw Film intihsiak a buatsaih tura mawhphur tura ruatten hma an la chho tan a, tunkar chhung hian shooting neih tan tum a ni.

aBranch Committee Member Upa C.Vanlalvuana chu ni 29 & 30 July, 2010 chhunga Vaivakawn Pastor Bial Zaipawl Retreat, Hunthar Kohhran Hall-a neih turah Resource Person atan hman a ni dawn.

Synod Revival Team Retreat neih zawh a ni

Ni 23 - 25 July, 2010 chhung khan Chanmari Kohhran Biak Inah Synod Revival Team Retreat chu tluang taka neih a ni. Retreat-ah hian Synod Revival Speaker 70 leh Team Member 6 theuh palai tura ruat an niin mi 490 vel tel tura ngaih an ni a, mi 485 an tel thei a ni. Retreat-ah hian Thupui atan 'Thianghlimna' (Johana 17:19) hman a niin Rev. Vanlalzuata, Exe. Secretary i/c Revival chu Speaker atan hman a ni. Palaite hi Kohhran Hall leh Sunday School room hrang hrangah te riahkhawm tir an ni a, ni 23 zanriah leh ni 24 tukthuan leh zanriah te Chanmari Kohhranin a buatsaih sak a ni.

JULY, 2010-A FAITH PROMISE LUH DAN

Ni 12 July, 2010 (Mon.) zan inkhawmah July, 2010 chhunga Faith Promise lakkhawm leh hlanna neih a ni a, inkhawm banah Group hruaituten chhiarna an nei nghal. July thla hian Faith Promise tiamtu 917 atangin 811 a lut a, percentage chu 88.44% a ni a, lut lo 106 a awm a ni.

SYNOD REVIVAL TEAM RETREAT

Mizoram Synod hnuaia Revival Team Retreat chu ni 23 - 25 July, 2010 chhung hian Chanmari Presbyterian Kohhran Biak Inah neih a ni dawn a, thupui atan 'Speaker-te a mamawh' tih hman a ni ang. He hunah hian Mizoram chhunga Synod Revival Team 70 atangin palai turin Speaker pakhat theuh bakah Team member 6 zel ruat an ni a, a kal kim thei a nih chuan mi 490 vel tel thei tura ngaih a ni. He Retreat-ah hian Chanmari Branch Kristian Thalai Pawl te chuan Reception & Ushering kan buaipui ang.

BRANCH NEWS

a July ni 12, 2010 (Mon.) zan hian Central KTP hruaituten Branch hrang hrang tlawh an kalpui mek ah Chanmari Branch-te min rawn tlawh dawn a, a hnuai a mi ang hian hun hman a ni ang -

Chairman : Tv. Zoramthara, Leader

Tantu : Nl. Maggie Lalremruati (Hag.)

Sermon : Pu Vanlalfinga, Fin. Secretary, Central KTP

Faith Promise lakkhawm leh hlan

Hlantu : Tv. Lalrintluanga (Fin. Secy., Neh.)

Solo : Nl. K.Lalrampani (Amos.) & Tv. H.Lalchhanchhaha (Mizo Idol)

Inkhawm banah inpawlhona neih tur a ni a, Branch Committee leh Group Committee-te tel vek tur a ni ang.

a Rawngbawlna kawng a tangkai zawk a nih beiseiin Branch Committee, Group Committee leh Sub-Committee zawng zawngte chhan turin Questionaire siam chu sem chhuah tan a ni a, ni 19 July, 2010-ah thehluh kim tur a ni.

a Branch chanchinbu LOGOS leh Kristian Thalai chanchinbu man khawn fel a ni.

BRANCH SUM DINHMUN (February 2010 to 10th July 2010)

BRANCH NEWS

aChanmari Presbyterian Kohhran sponsor a Music zirtur a thlan Tv. Lalrintluanga (Neh. Group) leh Tv. K.Rohmingthanga (Neh. Group) te chuan ni 7 , 2010 (Wed.) atangin class an kal tan ang.

aPu Lalruatfela (Neh. Group), Allahabad-a B.D zir tur chu ni 1 July, 2010 (Thur.) ah a zirna hmun tur panin a liam ta. Chanmari Branch KTP Member pali (4), 2010 a theology zir te Branch KTP chuan duhsakna a hlan.

aBranch sum dinhmun (as on 6 July, 2010) :

Hmuh tawh : Rs. 5,31,467.00

Hman tawh : Rs. 3,85,821.00

Balance : Rs. 1,45,646.00

aHetiang ang hian Budget atangin sum pekchhuah tur a ruahman fel a ni -

* Biak In sakna Rs. 50,000/- atangin Rs. 25,000/-

* Bial KTP Budget Rs. 55,000/- atanga Rs. 20,000/- pek tawh, Rs.35,000/- a pek tlak.

* Gospel Camping Rs. 40,000/- pek tlak.

aNi 24 & 25 July, 2010 chhunga kan Kohhranin Synod Revival Team Retreat a thlen turah 25 July (Sun.) zanah Kohhran Zaipawlin hla an rem ang.

BRANCH NEWS

a28 June, 2010 (Mon.) zan khan Chanmari Branch KTP leh Durtlang Branch KTP-te chuan Durtlang Presbyterian Kohhran Biak Inah Joint Fellowship an nei. He hunah hian Chanmari Branch member mi 178 an tel a, Durtlang Branch atangin member 207, an vaiin mi 385 zet Joint Fellowship-ah hian an tel a ni. Pathian Biak Inkhawmah Tv. Zoramthara, Chanmari Branch

KTP Leader chuan Pathian thuchah sawiin Branch Secretary ve ve hnen atangin report ngaihthlak a ni a, Chanmari Kohhran Zaipawl ten hla mawi takin an rem bawk. Inkhawm ban fellowship-ah Branch pahnih Asst. Secretary-te hnen atangin inhmelhriattirna hun neih a ni a, items tha tak tak en leh ngaihthlak ho a ni h hnuah dar 11:00 p.m thleng fellowship hi kham lo tak a neih a ni.

aZoram huap Kristian Chhungkaw Film Competition, Family Guidance and Counselling Centre-in a buatsaih tur ah Kohhran Committee in min ngen angin tel a ni dawn. Hemi atan hian inbuatsaih chhoh tan a ni a, Branch Committee chuan mawhphur turin a hnuai mi te hi a ruat -

Convener : Pu Lalsawmkima, Asst. Leader

Script Writer : Pu Vanneihtluanga

Members : (1) Tv. Zoramthara, Leader (2) Pu Vanlalpeka, Fin. Secretary (3) Pu Lalhruaitluanga Sailo, Commtt. Member.

aPu Lalruatfela (Nehemia Group) chuan Allahabad-ah BD a zir dawn a, lawmpui nan ni 30 June, 2010 (Wed.) zan inkhawmah thilpek hlan a ni. Kum 2010 chhungin Chanmari Branch KTP Member mi 4 (pali) in thoelogy an zir dawn ta a, kan lawmpui hle.

aKohhranin ni 9 - 29 Aug. 2010 chhunga Synod Revival Camping Centre-a Gospel Camping a buatsaih turah Chanmari Branch KTP chuan campers tur sawm hna a buaipui dawn.

BRANCH NEWS

aChanmari Branch KTP leh Durtlang Branch KTP-te chuan ni 28 June, 2010 (Mon.) zan hian Durtlang Presbyterian Kohhran Biak Inah Joint Fellowship an nei dawn. Chanmari Branch KTP Committee in kum tir lama Project hrang hrang a siam zingah Branch dang tlawh hi a dah tel a, Durtlang Branch-te nen indawrin Joint Fellowship hi tih puitlin a ni dawn ta a ni. Programme hetiang hian hman a ni ang -

Chairman : Pu Lalnunsanga Ralte, Leader, Durtlang Branch KTP

Tantu : Nl. K.Vanlalzawngi, Chanmari Branch

Reports : Branch Secretary-te atangin

Thuchah : Tv. Zoramthara, Leader, Chanmari Branch

Zaipawl : Chanmari Kohhran Zaipawl

Inkhawm ban Fellowship :

Chairman : Pu Lalsawmkima, Asst. Leader, Chanmari Branch

Introduction : Branch Asst. Secretary-te atangin

Special Items :

(1) Male Voice - Branch Committee Male Voice - Chanmari Branch

(2) Spl. Items -Pu Lalhruaitluanga Sailo & friends - Chanmari Branch

(3) Instrumental Music - Durtlang Branch

(4) Trio - Durtlang Branch

aBial KTP Half Yearly Meet hman zawh tak a chanvo hrang hrang ti hlawhtling tu te chungah Branch Committee in lawmthu a sawi.

aBial KTP Half Yearly Meet inbuatsaih nan ni 26 June, 2010 (Inrinni) ah nilengin Branch hnatlang neih a ni.

aJune 2010 Faith Promise atangin Rs. 35,970/- (singthum sangnga zakua sawmsarih) hmuh a ni.

aBranch Commtt. Member Nl. Baby Lalthanpuii chu damlohna avangin in lamah a inenkawl mek a, Pu K. Vanlalrinchhana, Branch Commtt. Member pawh eizawnna avangin a zin bo mek.

BIAL KTP HALF YEARLY MEET HMAN ZAWH A NI

Kristian Thalai Pawl, Chanmari Pastor Bial Half Yearly Meet chu ni 26 June (Inrinni zan), 27 June (Pathianni chawhnu leh zan)-ah te Chanmari Kohhran Biak Inah tluang taka neih zawh a ni. Chanmari Pastor Bial KTP hnuaiah hian Branch 4 (Chanmari, Chanmari West Edenthar leh Himaly)-te an . Half Yearly Meet hi hun engemaw zat kal ta atang khan kum tin a neih thin a niin bial chhunga member-ten an hlut thin hle a, tun tumah pawh hian World Cup Football khelh lai nimahse Biak In leh Fellowship-ah Member inkhawm an thahnem thin hle. A tan zan hi 'Fakna Inkhawm' a hman a ni a, T/Upa Zothangzuala Chhangte, Bial KTP Asst. Leader leh Central KTP Commtt. Member ni bawk hnen atangin thuchah tawi ngaihthlak a. Pathianni chawhnu ah Pro. Pastor Lalngaihawma leh zan inkhawmah Bialtu Pastor Rev. Dr. R.Lalbiakmawia te hnen atangin thuchah ngaihthlak a ni a, Pathian biak inkhawm apiangin Bial Zaipawl leh Kohhran zaipawl hrang hrangte zai ngaihthlak thin a ni bawk. Inkhawm ban Fellowship (Pathianni chawhnu leh zan inkhawm ban)-ah hian mipat hmeichhiat/inneih chung changa inzirtirna ngaihthlak thin a ni a, Branch tin atangin items tha tak en leh ngaihthlak a ni bawk.

Heng a hnuai a mite hi Chanmari Pastor Bial KTP hruaitu (O.B)-te an ni :-

Leader : T/Upa Zionparlawma, Chanmari

Asst. Leader : T/Upa Zothangzuala Chhangte, Chanmari West

Secretary : Tv. Zoramthara, Chanmari

Asst. Secretary : Pu Lalremruata, Chanmari West

Treasurer : Pu Chhawnsanga, Edenthar

Fin. Secretary : Pu Zosangliana, Chanmari

BRANCH NEWS

aNi 26 (Inrinni zan) leh 27 (Pathianni chawhnu leh zan), June 2010 chhungin Chanmari Kohhran Biak Inah Chanmari Pastor Bial KTP Half Yeary Meet kan thleng dawn. A tan zan hi Fakna Inkhawm-a hman a ni ang a, Pathianni chawhnu leh zanah Pathian thuchah ngaihthlak a ni ang a, inkhawm banah fellowship neih a ni ang. Inkhawm ah te hian Kohhran Zaipawl leh Bial Zaipawl-te an zai thin bawk ang.

aPu Vanlalneiha Ralte (Branch Comtt. Member, Amosa Group Leader leh LOGOS Jt. Editor) chuan June 17, 2010 (Thur.) khan Fapa duhawm tak a nei a, kan lawmpui hle.

aChanmari Kohhran sponsor-a Music (Keyboard) zir turin Tv. Lalrintluanga (Bial Zaipawl Member tanglai) leh Tv. K.Rohmingthanga-te thlan an ni. An ni hian July 2010 atangin thla 7 (sarih) chhung Crescendo School of Music, Chanmari ah an zir ang.

aNi 23 June, 2010 (Nilaini) chawhnu dar 2:00 hian Tv. Lalduhawma (Nehemia Group) leh Nl. J.Zosangzuali (Malakia Group)-te chuan Chanmari Kohhran Biak Inah 'tiam tlat e' an ti dawn a, kan lawmpui hle. An pahnih hian Group lamah hruaitu lo ni tawh thin an ni a, Tv. Lalduhawma hi Chanmari Branch YMA-ah Fin. Secretary a ni mek bawk.

aMissionary 9 (pakua) kan chawmna Rs. 1,08,000/- atangin a chanve Rs. 54,000/- pek a ni.

aSynod Family Guidance & Counselling Centre (FG&CC) in Kristian Chhungkaw Film Competition a buatsaih tur ah Kohhran Committee in min ngen angin KTP hmalaknain intihsiaknaah hian tel a ni dawn. Branch Committee chuan heta mawhphur turte a ruat fel tawh.

- Mizoram State AIDS Control Society (MSACS)-a 'Mahni Inhriatchian' Film channa hlawh Rs. 50,000/- dawn fel a ni.

BRANCH NEWS

~ Kum 2009-a Central KTP in Short Film Competition a siam a Chanmari Branch Kristian Thalai Pawl in lawmman 1-na a dawn lawmpuinan Kohhran Committee chuan Branch KTP hnenah Rs. 20,000/- a pe.

~ Tv. Lalrinzuala, Allahabad-a BTh. zir tur leh Tv. Vanramthanga, Vishakapatnam-a BD zir turte lawmpuinan ni 14 June, 2010 (Mon.) KTP inkhawmah lawmpuina thilpek 'Bible Dictionary' hlan an ni. Tv. Vanramthanga hian a tuk ni 15 June (Tue.) ah a zirna hmun tur a pan a, Tv. Lalrinzuala hian 2nd July, 2010-ah a zirna hmun tur a pan bawk ang.

~ Branch hruaituten Member tlawh chhuah hun an hman chu kalpui mek zel a ni a, June thla chhungin zawh hman tum a ni.

TAWRHPUINA

Chanmari Pastor Bial vawngtu Rev. Dr. R.Lalbiakmawia nu Pi Khuanghnuni chu nizan (9 June, 2010) 11:30 p.m khan kum 85 mi niin a boral a, vawiin hian Chanmari thlanmual ah vui a ni ang. Chanmari Branch Kristian Thalai Pawl chuan khawhar lusun chhungte a tuarpui hle.

DRAMA COMPETITION

Chanmari Branch Kristian Thalai Pawl chuan kum 2010 chhunga Project hrang hrang a duan zing a mi Drama Competition chu October thla khian neih turin a ruahman. He Drama Competition hi Branch hnuaia Group hrang hrangte inelna tur a ni a, Drama hi minute 20 aia rei lo, Biak In hawng a nupui pasal innei an tam zawk theih na lam hawi chan tur a ni ang. A script hi mahni Group Member ziah ngei hman tur a ni a, Branch Committee-te chu anmahni awmna Group-ah an tel thei ang.

MUSIC ZIR TUR MAMAWH A NI

Chanmari Presbyterian Kohhran Music (Keyboard) zirtur Chanmari Presbyterian Kohhran member mi pahnih (2) a sponsor dawn. Kohhran Committee chuan Biak Ina Keyboard tum tur a a ruat thinte indaih tawk lohna hria in hemi chung chang hi KTP kutah dahin an nin an bawhzui ta a ni (Kum engemaw zat kal ta atangin Music Committee hi Branch KTP kutah Kohhran Committee in a dah). Music zir atan hian veng chhung a mi Crescendo School of Music chu thlan fel a ni tawhin thla 7 chhung zir tur a ni ang a, hemi atan hian Rs. 10,000/- ruahman a ni. July ni 18, 2010 (Fri.) thleng dil theih a ni a, July ni 19, 2010 (Sat.) 11:00 a.m-ah Kohhran Committee Room-ah interview neih a ni ang.

BRANCH NEWS

4Branch Member pahnih Tv. Lalrinzuala (Hagaia Group) chu Allahabad -ah BTh. zir turin a inbuatsaih mek a, Tv. Vanramthanga (Comtt. Member, Malakia Group) pawh Vishakapatnam-ah BD zir turin a inbuatsaih mek bawk. An pahnih hian karleh lam khian an zirna hmun tur an pan ang. June 2, 2010 khan Tv. Lalduhawma (Comtt. Member, Hagaia Gr.) chu BD zir turin ATC-ah a lut chho tawh bawk a ni. Kumin hian theology zir tur member pathum lai kan nei a, a ropuiin kan member-te hi kan chhuang hle.

4Tv. Chawnghmingthanga (Comtt. member, Evangelism Sub-Comtt.) chuan accident a tawh avangin Rs. 2000/- (Sanghnih) a kan a ni.

4 Branch Committee Member, Joela Group Leader leh Bial Zaipawl Conductor ni bawk Tv. C.Lalchhandama chuan Presbyterian Hospital, Durtlangah Office Assistant hna a hmu thar a, kan lawmpui hle.

- Mizoram State AIDS Control Society hnuaia inhlawhna Short Film 'Mahni inhriatchian' tih chu hun engemawchen buaipui a nih hnu ah ni May 31, 2010 (Mon.) khan MSACS-ah thehluh fel a ni ta.

4Branch sum dinhmun (As on June 1, 2010) :

Hmuh tawh zat : Rs. 3,52,759.00

Hman tawh zat : Rs. 2,97,001.00

Balance : Rs. 55,758.00

PAVALAI REVIVAL MEET A TIAK TA

Mizoram pum huap Pavalai Revival Meet vawi 5-na Chanmari Presbyterian Kohhran Biak Ina neih chu ni 30 May, 2010 (Sun.) zan khan a tiak ta. He Meet-ah hian Rev. C.Chanchinmawia chu Speaker niin, thupui atan 'Pathian thiltihtheihna' I Kor. 4:20 hman a ni. He Meet tan zan (May ni 29) atangin Biak In lenglo khawpin inkhawm an tha nghal a, a tawp zanah hian mi 2000 bawr vel an inkhawm a ni. Revival Meet hi Khatla Kohhran (2005), Chawnpui Kohhran (2007), Electric Kohhran (2008) leh Bungkawn Kohhran (2009)-ah te neih a lo ni tawh a, 2006-ah erawh chuan Advance Christmas anga hman a ni thung a ni. Tun dinhmunah Aizawl khawpui chhungah Kohhran 72 leh zokhaw lamah Kohhran 105-ah Pavalai Pawl hi a ding mek a ni.
Pavalai Revival Meet-ah hian Chanmari Branch Kristian Thalai Pawl chuan Reception, Accomodation leh Ushering-te a buaipui a, Senior Deptt. zirlaiten mikhualte an thlenin ah hruaiin an tangkai hle bawk.

TAWNGTAINA

DIK LEH RIL : Pi Cobley-i chuan pangpar kengin Leicester damdawiin chu a tlawh fo thin a. Vawikhat chu Doctor tlangval hian fiamthuin, 'Ka pi, i Pathian hian tawngtai a hre thin i ti em ni khah?' a ti a. Pi Cobley-i chuan, 'Ka pa chuan a mi te au thawm chu a hre thin alawm!' a ti a. 'A tihzia nasat chu, hei vawiin chu pawisa ka mamawh hle mai a, i Pathian chu pound 5 dil ta ila min pe ang em?' a ti a. Pitar chu a ngawi vang vang a, 'Aw' leh 'Aih' tia chhan chi a ni der si lo; nakinah chuan, 'A nih leh ka pu vawiin ah hian Prince of Wales hnenah hmelhriat tir ta che ila, in inhriat hmasak ber niah pound 5 i dil mai ang em?' tiin a zawt let a. A ni chuan, 'Aih, kan innel viau hma chu dil chi a ni hauh lo vang le,' a ti a. Pi Cobley-i chuan, 'A ni reng dawn a sin; ka pa chu pound 5 i dil hmain i hriatchian viau phawt a ngai ang,' a ti ve khauh mai a.

BRANCH NEWS

= Nl. Ruth MS Dawngliani (Asst. Leader, Zakaria Group) chu 2010 - 2012 Mizoram Synod Choir Member atan Contralto part sa tur a ruat thar a ni a, kan lawmpui hle. Nl. Ruth-i hi term hmasa ah pawh Synod Choir-ah hian a lo tel tawh a ni.

= Central KTP Special Budget Rs. 5,875/- (2009 Member 1175 x Rs. 5) chu Bial KTP kaltlang a pek a ni.

= Branch Property atan Soundbox (Full range) 2 Nos., Rs. 28,960/- man lei thar a ni.

= Branch Member pahnih Nl. Zothansangi (Comtt. Member, Hagaia Group) leh Tv. Lalmuanpuia (Zakaria Group Member)-te chu MPSC kaltlanga SDO/AE tur a lak an nih hnu ah Asst. Engineer turin E-in-C's Office, PWD-ah post ve ve an ni a, kan lawmpui hle.

= Malakia Group Member Tv. Lalhmachhuana (S/o Sapmawithanga) chuan ni 3 June, 2010 (Thurs.) hian Lianchhungi (D/o Taimama, Electric Veng) chu Kohhran Biak In ah 'tiam tlat e' a tih pui dawn a, kan lawmpui hle.

LAWRKHAWM

~ May ni 17, 2010 (Mon.) zanah Chanmari Pastor Bial KTP hruaituten Chanmari Branch min rawn tlawh a, Bial hruaitute hi Bial Zaipawl ten an tawiawm.

~ May ni 17, 2010 (M0n.) zanah kan member leh Hagaia Group Committee Member ni bawk Tv. Lalduhawma S/o Upa Rolungmuana, Aizawl Theological College-a BD zir tur lawmpui nan thilpek (Bible Dictionary) hlan a ni.

~ June 26 & 27, 2010 hian Chanmari Pastor Bial KTP Haf Yearly Meet kan thleng dawn.

~ Tunlai hian Branch hruaituten Member tlawh chhuah hun an hmang mek.

SMS HMAN TANGKAI A NI

Chanmari Branch Kristian Thalai Pawl chuan nupui pasal Biak In hawnga innei an tam zawk theih nana inzirtir na SMS hmang a hma a lakna chu Member-te hnenah a thawn chhuak tan ta. SMS hi May thla chhung hian kar khatah vawi khat zel thawn chhuah tawh a ni a, member 800 atanga 900 vel ah SMS hi thawn chhuah a ni. SMS-ah hian Bible chang hrang hrang leh hetiang lam hawi inzirtirna thu thawn thin a ni.

PAVALAI REVIVAL MEET

Ni 29 - 30 May 2010 hian Chanmari Presbyterian Kohhran chuan Mizoram pum huap Pavalai Revival Meet a thleng dawn. He Meet hman tur hi a vawi 5-na tur a ni a, thupui atan "Pathian thiltihtheihna" I Kor. 4:20 niin Speaker atan Rev. C.Chanchinmawia a ni ang. Chanmari Branch Kristian Thalai Pawl chuan he meet-ah hian Reception & Accomodation a buaipui dawn a, palai/mikhual buaipui turin ni 29 May, 2010 (Inrinni) zing dar 7:0o atangin KTP Member-te Kohhran Hall-ah chhuak khawm tura ngen leh hriattir kan ni e.

RAMTHAR PROJECT

Chanmari Branch Kristian Thalai Pawl-in Ramthar Project (2010) atana Budget-a a dah chu a hnuai a mi ang hian hman tura ruahman a ni -
1. Karbi Anglong Mission Field-a Jengkha (Dongkamukam Bial) Biak In sak zawm nan Rs. 30,000/-

2. Barak Area-a Jiribam Bial Uchhathol Nurse Quarter sak nan Rs. 35,000/-

2010 MUSIC BUDGET

Kum 2010 chhunga Music Committee Budget atana ruahman Rs. 48,000/- chu pawm a ni. Music Committee hi hun engemaw chen atangin Kohhran Committee chuan KTP-te kutah a lo dah tawh thin a, chu mawhphurhna chu KTP ten la chang zelin Kohhran Zaipawl mai bakah Kohhran Inkhawma zai hruai tura ruatte pualin training-te buatsaih thin a ni.

Kumin hian Kohhran Inkhawma hla hruaitu (Keyboard tumtu) indaih lohna tih ziaawm nan kum danga la tih ngai loh Music zir tur mi pahnih emaw thlan chhuah a chung mite sponsor tur chuan ruahmanna siam a ni a, tin, kum dang ang bawkin Zaipawl Member-te intuaithar (retreat) pawh neih leh ngei tum a ni bawk.

A hnuaia mi hi 2010 Music Committee Budget ruahman chu a ni -

1. Refreshment - Rs. 15,000/-

2. Transportation - Rs. 6,000/-

3. Hla copy, Music track - Rs. 5,500/-

4. Hla hruaitu Training - Rs. 1,500/-

5. Music zirna - Rs. 10,000/-

6. Zaipawl Retreat - Rs. 10,000

SOUND TRAINING NEIH A NI

Chanmari Branch Kristian Thalai Pawl buatsaihin ni 29 & 30, April, 2010 zan ah te Sound Training neih a ni. He Sound Training hi Kohhran leh Thalai inkhawma Sound Incharge-te leh Property Sub-Committee Member-te tana buatsaih a ni. Ni 29 (Thur.) zanah mi 27 leh veng pawn lam mi chhhimtu 8 an tel a, a zan hnihna ah mi 26 leh chhimtu 1 an tel.

Training hi Practical leh Theory a neih a ni a, Pu Vanlelpeka (Branch Fin. Secy.) leh Tv. Amby Lalliantluanga (Comtt. member, Property Sub-Comtt.) ten hun an hmang. Training a tel ten an hlawkpui thu an sawi.

SOUND TRAINING NEIH A NI DAWN

Chanmari Branch Kristian Thalai Pawl chuan kumina Kohhran leh Thalai inkhawma Sound Incharge-te pualin 'Sound Training' a buatsaih dawn. Training pe tur hian Branch chhunga hetiang lam a mithiam kan neih Pu Vanlalpeka (Branch Finance Secretary) leh Tv. Amby Lalliantluanga (Commtt. Member, Property Sub-Committee) te ruat an ni. Kum dangah pawh hetiang hun hi hman a ni tawh thin a, a tel ten hlawk pui thin avang leh a tangkaina hria in Branch Committee chuan neih leh turin a rel a ni. Training hi ni 29 (Thur.) leh 30 (Fri.), April 2010 zanah Kohhran Hall-ah a kim chang thei ang berin Theory leh Practical a neih a ni ang.

Pu Vanlalpeka hi kum 2008-a Central KTP in Branch tin te tana VCD a buatsaih 'Sound Training Video Clip' siamtu a ni a, tunah hian Sound system hawh chhuah, install leh leih theihin 'Extreme Sound' tiin sumdawnna a kalpui mek a, Tv. Amby Lalliantluanga hi 'Active Sound'-a an khaipa leh rinrawl ber a ni bawk.

KAN TUAR PUI E

Kan Branch Committee Member leh Hagaia Group Leader ni bawk Tv.Lallawmsanga nu Pi Ngurbiaki(Kum 60)chuan hun reitak Cancer natna a tawrh hnuin Ni 22.5.2010 zing dar 4:10 khan chatuan ram panin a kal ta, hemi ni vek hian vuiliam a ni. Khawhar chhungte kan tuarpui takzet e. Tv.Lawmsanga U te Nl.Lalnuntluangi leh Pu Lalthlamuana te pawh hi Branch Committee Member lo ni tawh anni.
Tunah inthen rih mah ila, van nuam ah kan intawk leh ang.

SMS hman tangkai a ni dawn

Chanmari Branch Kristian Thalai Pawl chuan May thla atang hian SMS hman tangkai tumin hma a la mek. Nikum atang khan 'SMS Gupshup' chu tangkai taka hman a ni tawh a, hmalakna thar hi Gupshup anga join ngai kher a ngai dawn lova, Pathian thu leh Branch KTP hmalakna mai bakah Bial KTP thurel bawhzui ngaite chu Member tinte hnenah a thawnchhuak thin dawn a ni. Tunah hian Group hruaituten Member-te Mobile phone number an la khawm mek a, May thla tir lam hian hman tan tum a ni.

Commiitee Minute Soft Copy siam a ni dawn

Chanmari Branch Kristian Thalai Pawl chuan a din tirh atanga Committee Minute zawng zawngte mumal zawka enkawl a nih theih nan leh vawn that a nih theih nan Soft copy a siam dawn. Hemi atan hian hma lak mek a ni. Committee Minute zawng zawngte chhut luhna tur Software hi phai lamah siamtir mek a ni a, hun reiloteah peih fel a nih a beisei awm. Chanmari Branch KTP a din tirh atanga Minute Bu-te hi kum 1960 - 1970 inkara mi hmuh zawh tawh loh bak chu la vawn that vek a ni a, hengte hi Software-ah dah luh a ni ang. Tunah hian a chhu lut tu tur te pawh ruat fel tawh an ni a, Software peih a nih veleh hna tan nghal mai theih a ni ang.

Branch KTP chuan nakin hun thlirin Branch KTP sulhnu vawn that a, mamawh hun a awlsam zawk a chhui kir a nih theih nan he ruahmanna hi a siam a ni.

EASTER SUNRISE SERVICE HMAN A NI

Chanmari Branch Kristian Thalai Pawl buatsaihin ni 4 April, 2010 (Sun.) zing dar 5:00 ah "Easter Sunrise Service" hun hman a ni. Hetiang ang hun hi Chanmari Branch KTP a din tirh atangin kumtin hman thin a ni a, tun tumah hian Rev. Dr. R.Lalbiakmawia, Bialtu Pastor-in Pathian thuchah sawiin Branch Committee 'Female Voice' te an zai. Inkhawm banah thlalak hona leh thingpui in hona neih a ni a, he hunah hian mi 118 an tel a ni.

TV. LALRUATSANGA TLABUNG HOSPITAL ATANGIN A CHHUAK LEH TA

Chanmari Branch KTP-a Committee Member a nih laia Missionary-a chhuak, tuna Tuikawi (Home Mission South) a thawk mek Tv. Lalruatsanga chu Malaria avanga Tlabung Hospital-a a awm hnuin ni April ni 6, 2010 (Tue.) ah damdawiin atangin a chhuak leh ta. Tv. Lalruatsanga hi rawngbawlna kawnga inpe leh taima tak a ni a, hun engmemaw chen phai lamah Cricket Coach zira a thang bo hnuah hlawhtling takin a zir zo a, hemi hnu hian Chanmari Branch KTP-ah Committee Member niin, Group Secretary leh Evangelism Sub-Committee ah Secretary a ni tawh bawk. Member-ten tawngtaina ah i dil sak zui zel ang u.

Branch Budget 2010

Kristian Thalai Pawl, Chanmari Branch chuan kum 2010 atana Branch KTP Budget a duang fel ta. Budget hi nikum 2009 aiin Rs. 60,000/- (8.96%) laiin a pung a ni. Kumin hian Missionary 7 chawm thin chu 9 chawm a ni dawn a, Branch hmalakna, Property leh Ramthar-ah kum hmasa aiin Budget tam zawk ruahman a ni bawk.

Tumkau Ni Chibai

Kan blog tlawh thintute Chanmari Branch Kristian Thalai Pawl chuan 'Tumkau Ni' chibai a buk a che/u. He ni-ah hian kan thinlungah Lal Isua Krista lo Lal thar leh se la, heng Bible chang te hi lo chhiar turin kan ngen che a ni.

1. Matthaia 21:1-11

2. Marka 11:1-11

3. Luka 19:28-44

4. Johana 12:12-19

Short Film Competition-a Pakhatna lawm a ni dawn

Ni 22 March 2010 (Mon.) zan hian Chanmari Branch Kristian Thalai Pawl chuan Kum 51 (Rising Day, 23rd March) a tlin champha leh Central KTP-in kum 2009 a Short Film Competition a buatsaiha Pakhatna a nih chu a lawm dawn. He hunah hian Central KTP hruaitute leh Film Competition-a endiktute sawm an ni a, Film changtute hnenah leh Script ziaktu Pu Vanneihtluanga te hnenah lawmthu sawina thuziak hlan a ni ang.

PROGRAMME

A hmun : Kohhran Hall

A hun : 22 March 2010 (Mon.) dar 7:00 p.m

Chairman : Tv. Zoramthara (Leader)

Tantu : Nl. Malsawmsangi (Amosa Group)

Report : Pu Lalhruaitluanga Sailo (Chairman, Media Sub-Comtt. 2009)

Lawmthu sawi tawngtai rual

Special Items :

(1) Male Voice - Branch Committee

(2) Solo - Pu Lalremruata (Khatla)

(3) Thusawi tawi - Mi sawm bikte atangin

(4) Group Zai - Film changtute

Film enho : Chanmari Branch KTP Documentary Film

Lawmthu sawi : Pu Lalsawmkima (Asst. Leader)

(Inkhawm banah thingpui leh a hmeh tui tak a awm ang)