August 5th, Thalai Inkhawm Programme

Chairman          : Tv. K. Zoremsiama, Ldr. Joh

|antu                : Tv.Vanlalruata, Mat

Sermon             : Pu J.H Lallungmuana, Comm.

|anpuina Pual bawm dawh a ni ang.

Vawiin Thufing

Rinna chu hmalam hun lo thleng tur hriatna ni lovin,
Hmalam hun Chelhtu hriatna hi a ni zawk. 

Group pual Inkhawm a hlawhtling

Branch Committee-in a lo rel tawh angin kumina a tum hnihna atan Group pual inkhawm chu ni 29th July (Mon) zan khan hlawhtling taka neih a ni.
    Tarlan tawh angin tuntum Group pual inkhawm hi hmun hnihah inthenin Group pahnih ve ve inpawlha hun hman a ni a, Matthaia leh Luka Group-te Kohhran Hall-ah inkhawmin Marka leh Johana Group te Y.M.A Hall-ah an inkhawm thung a, hun tha tak tak hman a ni. He hunah hian Special Item mit leh beng titlai tak tak hmuh tur a awm bawk a, tin member-ten an hlutin mi thahnem tak an thawkchhuak nghe nghe a ni.  

Branch Report

@ August ni 6, Thawhleh zan hian Branch Committee a \hu dawn a, thu thehluh duh nei chuan Secretary-te hnenah ziaka thehluh tur a ni.

@ Hruaitu \henkhatte Y.M.A zaipawl intihsiakna turah telin hla   an zir ngawrh tawh hle.  

Sunday School Naupang ten Inkhawmpui Rehearsal nei

 Kumina Naupang Sunday School Inkhawmpui Intihsiak lo awm tura inbuatsaihna atan ni 4,August, Pathianni Chawhnu inkhawmah khan Primary - Senior department ten rehearsal an nei. Bial Inkhawmpuiin a lo rel tawh angin kuminah hian Sunday School Inkhawmpui hi sawn hma niin July leh August thla chhunga neih fel tura ruahman a ni a, Beginner dept. Inkhawmpui chu July thla khan zawh fel a lo ni tawh a ni.

      Kuminah hian \umdang ang lovin Beginner dept. leh Senior dept. te chu intihsiakna a ni lovang a, dept. dangte erawh chu an intihsiak thung dawn a ni.

      He rehearsal programme hi hetiang hian hman a ni.

A hmun     : Biakin

Chairman  : Upa Peter Zohmingthanga, Asst. Supt. NPSS

|antu        : Nl. Rebecca V.L. Thangi, Ziritrtu, Junior Dept.

Khuangpu : Pu J.H. Lallungmuana, Zirtirtu, Senior Dept.

Keyboard  : Tv. Lalchhanhima, Zirtirtu, Beginner Dept.

Ushers      : Primary Dept. Zirtirtute.

          Dept. tin a\angin Hla, Chang leh Thu inchhang bakah Special Item te neih a ni.

Group Reports

MATTHAIA

- Luka group nen nakzan Kohhran Hall-a group pual inkhawm an neih turah memberte tel \heuh turin an in sawm.

MARKA

- An secretary Nl.C Lalrindiki, mimal hna \ul thila Kolkatta lama hun engemaw chen  zin  pawh dam takin a lo haw leh ta.

- An group chhunga member exam nei zawng zawngten \ha taka an tih theih nan duhsakna an hlan. 

LUKA

- Nakzan a Matthaia group nen group pual inkhawm an neih ho turah memberte \hahnemngai taka tel \heuh turin an in sawm.

- Member exam mekte \ha taka an tih theih nan leh an hlawhtlin ngei theih nan duhsakna an hlan.

JOHANA

- Ni 29 zan hian Y.M.A Hall-ah Marka group-te nen group pual programme an hmang ho dawn a member zawng zawng inkhawm \heuh turin an in sawm.

- Group sumtuak nan tunkar hun remchangah Voice dubbing neih tur a ni a, chanvo neitute hun remchang lo insiam turin an inhriattir.

- An hruaitu Nl. Rebecca VL. Thangi pawh Imphal lamah a zin mek.

Inkhawm Stats

Vawiin Thufing

Kan thil neihte avang hian (a tam emaw a tlem emaw) Pathian hnenah lawmthu sawi \hin ila. Kan neih loh lam ringawt kan thlir reng chuan lungawi ni a awm dawn lo.  

                                                                         ~Oprah Winfrey      

August thla Rawngbawltu tur list

Article 2

 Lalpa-ah chuan ka lawm zel ang

      Bible a chang lar tak pakhat kan chhiar fo \hin, Habakuka 3:17 thu,  “Theipui thing pâr vul dawn lovin, grêp hrui rah dawn hek suh seng, Olive thing pawh rah lovin, Lovin eitûr chhuah dawn lo seng. Huang ata ran rual tibovin, ran inah ran awm lo mah se. Ka lawm zel ang LALPA-ah chuan, ka chhandamna Pathianah chuan ka lâwm cheu dawn.”  tih chang hi heti zawng hian i lo thlir chhin teh ang.

      Heng a hnuaia mi ang hi tawng dawn ta ila, Lalpaah hian kan lawm zel thei ang em mahni in enchhin ang.

”Ka lawm zel ang Lalpa ah chuan...…

*     Kan hna a\angin ban hial tawk mah ila....

*     Kan chhungte zawng zawngin min boralsan vek mahse...

*     Kan thlatin hlawhte kum tam la thei dawn ta lo ila....

*     Nupui/Pasal kawppui tur nei ve dawn ta lo ila....

*     Mite angin rila rah fanau ro chante nei ve dawn lo mah ila.

*     Eizawnna mumal pawh nei ve lo mah ila....

*     Kan in leh lo zawng zawngte hi chan ngai pawh ni sela...

*     Ka Bank account ruak reng mahse la....

*     Thlarau lam nunah ‘ro’ ngawih ngawih reng mah ila....

      Mihring lam a\ang chuan dinhmun chhiat ber lai leh mangan vawrtawp lai a, ”Ka lawm zel ang Lalpaah chuan…” tih chu a atthlak hle zawkah kan ngai ngei ang. Nimahsela mihringten thiltihtheihloh a kan ngaih hi Habakuka chuan a ti thei tlat si a ni. Chu a tih theihna pawh chu, a ran, a grape te leh malsawmna tam taka vura pe tu, lei leh van siamtu, Lalpa hnen a\anga a neih tih a chian em vang a ni.

      Chuvangin keini ringtu intite pawh hian Malsawmtuah nge, a malsawmna-ah hian kan innghah zawk? Engkim pe theitu kan Pathian-ah nge a thil min pek-ah kan rilru kan nghah len zawk? Eng dinhmun a kan din laiin nge A hnenah lawmthu kan sawi \hin? He lei leh van thil zawng zawng hi keimahni lam ni lovin kan Pathian chungchang thil zawk a lo ni asin.