1. Branch Week tluang taka hman zawh a ni. July ni 23 (Mon.) zanah a kharna hun hman a ni a, Group hrang hrang position  chu a hnuaia mi ang hi a ni -

1st - Hagaia Group & Nehemia Group - Point 139 each (Rs. 5,000/- each)

2nd -  Zakaria Group - Point 130 (Rs. 4,500/-)

3rd -  Joela Group - Point 128 (Rs. 4,000/-)

4th - Malakia Group - Point 104 (Consolation Prize)

5th - Amosa Group - Point 66 (Consolation Prize)

Intihsiakna hi point system a pek a ni a, lawmmante hi Chanmari Bialtu Pastor Rev. K.Lalhmingliana'n a sem.

2. Branch Commitee Member leh Synod Revival Speaker ni bawk, Tv. Henry Lalhmingthanga chu Saihaah rawngbawlin a thang mek.

3. Kohhranin Special  Camping a neih mekah Branch hruaitute duty-in an buai tlang hle.

4. Zanin (30 July, 2012) ah Amosa Group Night hman tur a ni a, inkhawm hi Tv. C.Lalchhandama (Group Leader) in a kaihruai ang a, inkhawm banah thingpui in ho tur buatsaih a ni ang.

BRANCH WEEK HMAN MEK A NI

Chanmari Branch KTP chuan ni 17 - 23 July, 2012 chhungin Branch Week a hmang mek. Week hi ni 17 July, 2012 (Tue.) zanah Kohhran Hall-ah hman tan a ni a, Pu Zosangliana, Branch Leader-in a kaihruai. Hemi zan hian "Hmanlai Zai" hman a ni a, Mister leh Miss thlan a ni. Week chhung hian Branch hnuaia Group  paruk (6) te tan inelna/intihsiakna hrang hrang - Extempore Speech, Infaifuksiak, Inaurinsiak, On the spot drama, Computer Games, Bottle inkhaisiak, On the spot drawing, Hla inphuahsiak, Badminton, Table Tennis, Carrom, Eating competition, Football, Throw ball, Dart throw, LTP, Inkawibah, Needle race, Sack race, Spoon race, Intlanmuansiak, Ups & downs-te hmangin inelna neih a ni. Week hi  zanin 23 July, 2012 (Mon.) zan hian a kharna hun hman a ni ang a, Bialtu Pastor Rev. K.Lalhmingliana'n lawmman semna a nei ang.

HLA KUTPUI NEIH A NI

Kohhran Committee - Male Voice

Chanmari Presbyterian Kohhran chuan ni 14 (Inrinni zan) leh  ni 15 (Pathianni chawhnu leh zan) ah te Hla Kupui a hmang. Hla Kutpui ah hian Solo, Duet, Band, Violin solo, Hawaiin Guitar solo, Zaipawl  leh Male Voice-te neih a ni a, chanvo changtuten an  chanvo tha takin hlen chhuakin an thiamna leh theihnate Pathian fak leh chawimawinan an hlan a ni. He Hla kutpui hi Kohhran mipuiten an hlut hle a, ni 15 (Pathianni) zan inkhawm banah Kohhran Hall-ah Zaikhawmna neih a ni bawk.

Young Hearts : (Pu Zoramthara - Drums, Pu David Lalmuankima - Keyboard,

Upa C.Vanlalvuana - Vocal & Guitar, Pu Lalhmachhuana Hauhnar - Guitar,

Pu Vanlalhruaia Sailo - Bass)

Violin Solo - Tv. BJ Zonunsanga

Hawaiin Guitar Solo - Pi Thanhmingi

BRANCH NEWS

1. Chanmari Branch KTP chuan ni 17 - 23 July, 2012 chhung hian Branch Week a hmang dawn. Week hi Kohhran Hall, GMHSS Field leh GMHSS Hall-ah te hman a ni ang.

2. Tanpuina pual atangin mipakhat hnenah Rs. 2,000/- pek a ni.

3.  Ni 14 (Inrinni zan) leh 15 (Pathianni chawhnu  leh zan) a Chanmari Presbyterian Kohhranin Hla Kutpui a hmahah Group 2 zela inkawpin  Group 6-ten zaipawl tha tak an nei.

Chanmari Pastor Bial KTP Half Yearly Meet chu July ni 7 - 8, 2012 khan Chanmari Kohhran Biak Inah tluang taka neih a ni. Meet tan zan hian Speaker Rev. Zothansanga, Luangmual Bialtu Pastor chuan mipat hmeichhiatna hmankhawlohna laka thianghlimna chungchang thuchah ropui tak a sawi a. Pu Zosangliana (Bial Secretary) leh Pu HVL Zarzoenga (Bial Secretary Sr.) te hnen atangin Meet chhung hian thuchah ngaihthlak a ni bawk. Kohhran Zaipawl, Bial Zaipawl, Solo, Duet leh Male Voice-te meet chhung hian ngaihthlak a ni bawk. Bial Bible Exam result semah Chanmari Branch atangin Tv. C.Lalchhanhima (1st) leh Tv. Ramengmawia (1st) te hnenah Upa R.Lalhmangaiha (Bial  Chairman) in lawmman a hlan.

Zaipawl Retreat neih a ni

Ni 6 July, 2012 (Fri.) ah Kohhran Zaipawl Retreat chu Liando Picnic Spot, Sakawrtuichhunah tluang tak leh hlawk taka neih a ni. Retreat-ah  hian Zaipawl member mi 80 vel an tel thei a, Bus 2 leh motor dang engemaw zat hman a ni a,  zaipawl member ten hlim takin hun an hmang. Tlai lam dar 3:00 ah hunserh hman a niin Pu Zosangliana, Branch KTP Leader in thusawina hun a hmang a, infuih tharna leh tawngtai rualna neih a nih hnuah ruai tuihnai tak kil ho a ni. Retreat-ah  hian Branch KTP O.B hlui Pu Zoramthara (Ex- Leader), Pu C.Lalthanmawia (Ex-Asst. Leader), Pu Vanlalhruaia Sailo  (Ex-Fin.Secretary) leh Pu Lalrinliana (Ex-Comtt. member) te Fatu atan sawm an nih angin ei leh in tuihnai tak an siamsak a ni.

Zaipawl Retreat hi kum engemaw zat kalta atangin kumtinin neih a ni thin a, zaipawl rawngbawlna atan thil tha tak leh hlawk tak a nih bakah, zaipawl member ten hlawk an tih thin avangin tun tumah hian khaw nuam tak leh hmun nuam takah hlawhtling taka hman a ni leh ta a ni. Kohhran Music Committee enkawltu Branch KTP Committee chuan he Retreat a tel zawng zawngte chungah lawmthu a sawi.

Branch News

1. July ni 7, 2012 (Inrinni) hian Synod Hospital, Durtlang tan Kohhran Hall-ah Thisen  pek a ni dawn. He hunah hian damlote tan member a tam thei ang ber thisen pe turin Branch Committee chuan a sawm.

2. July ni 7, 2012 (Inrinni) zan atanga tan turin Chanmari Branch chuan Chanmari Pastor Bial KTP Half Yearly Meet a thleng dawn. Chanmari Kohhran Biak Inah neih tur Half Yearly Meet hi a tuk ni 8, July 2012 (Pathianni) chawhnu leh zan ah neih chhunzawm  a ni bawk ang. Meet atan hian Branch Committee chuan chanvo hrang hrang chang turte a ruat fel tawh a ni.

3. July ni 6, 2012 (Zirtawpni) hian Kohhran Zaipawl Retreat neih a ni dawn. Retreat hi Liando Picnic  Spot, Sakawrtuichhun ah neih a ni ang a, Kohhran Zaipawl Retreat-ah hian KTP member zawng zawng tel turin Branch Committee chuan a sawm a ni. Dar 10:00 am-ah Kohhran Hall atangin a huhovin chhuah tur a ni a, dar 2:30 pm-ah huserh hman a ni ang a, Pu Zosangliana, Branch Leader in a kaihruai ang.