GOLDEN JUBILEE A TIAK TA

GOLDEN JUBILEE SPECIAL EDITION HI TIH CHHUAH THUAI TUM A NI A, SPECIAL BULLETIN PAWH CHHIAR THEIHIN A AWM E

(See side bar)

(Hruaitu lo ni toh zawng zawng te thlalak)
Kan Branch Golden Jubilee a tiak ta, hun lawmawm leh hlimawm tak kan hmang tlangin he hun kan hman zawh tak hian rawngbawlnaah hmasawnna, mimalah leh Kohhranah hring chhuak mawlh rawh se.
(Jubilee chanchin leh picture-te duh ang kan la collect loh avangin Jubilee Special la tih chhuah a la nilova, blog tlawhtute hriatthiamna kan dil nghal a ni e)

JUBILEE NI A LO THLENG TA, JUBILEE CHIBAI VEK U LE

GOLDEN JUBILEE PUALIN THISEN PE

Golden Jubilee denchhenin ni 21.3.09 khan Presbyterian Hospital Durtlang tan thisen pek a ni a. Thisen pe zawng zawng hi 125 niin pek tuma lokal amaherawhchu taksa Fit tawk lohna avanga pe thei ta lo mi 55 lai an awm bawk. KTP Branch hminga pe tawh zawng zawng zingah tuna kan hriat dan chuan Branch mal a thisen la pe hnem ber kan ni.

JUBILEE PUAL A SPORTS KHARNA : CHAMPION JEREMIA GROUP

Golden Jubilee Sports chu ni 17.3.2009 khan a khar na nipah fawmin Quiz leh Extempore Speech hmanga inelna neih a ni a. Tichuan Golden Jubilee Sports-ah hian Jeremia Group te chuan Gold la hnem berin Champion nihna chu an chang ta. Runners up ah Ezekiela Group niin Isaia Group chu 1st runner up niin Daniela Group chuan a hnung an rawn dawl a ni.

Kan Leader Hmasaber (Requested by A_es, Dawrpui)

Pu P.C. Thandanga hi kan la hmelhriat loh mai thei a, a lem a kan hmuh hi kan Branch Leader hmasaber chu a ni e. Tin, a sir a kawr sen ha hi Tv. James-a a ni a, Chanmari Branch KTP chuan engtikah mah hemi te pahnih hi kan theihnghilh ngai tawh lovang.

JUBILEE.................Hei ha!!.. Thang kaw rai ri bob....Hap tru dai dri dad....Kodak...Kodak.......... Tang Ta Ra Raaaaaaaaa

GOLDEN JUBILEE HAWNNA INKHAWM

Golden Jubilee Chu ni 16.3.2009 thalai inkhawmah Upa Lalhrangluaia, kan Branch Leader hlui (Leader rei ber) chuan hawnna hun a nei ta a, kan Branch-a hruaitu lo ni tawh te, kohhran nu leh pa te leh veng pawn a kan sawmna ngai pawimawha lokal Zarkawt Branch(6 member)te nen hun hlimawm tak hman a ni. He Golden Jubilee hawnna inkhawmah hian Jubilee Zaipawl member 140 velin 'Halleluiah Chorus' an sa a. Tin, Golden Jubilee denchhena Audio CD Album 'Hmangaih Vangin' tih Central KTP General Secretary in tlangzarhna hun a nei bawk. Inkhawmbanah Jubilee Meichher chu kan veng Pastor lo ni tawh Rev. Lalrinawma'n tan kaiin member 50(thlanbik) ten in pe chhawng zelin kan Branch Leader hmasaber Pu P.C. Thandanga'n meichher hi a chhialh a ni.
(Kupter Pic hi i nei tha zawk lo maw, han post mai teh)

AN LUNG A LENG VE NGEI ANG

K.T.P member an nih hunlai te an ngaihtuah ang a, an lung a leng ve ngei ang. Keini zawng K.T.P member kan nih lai ngeia Golden Jubilee kan thleng hi kan chan bik hi kan vannei em a ni e.

Golden Jubilee inpuahchahna kal zel ah ni 14.2.2009 khan Laipuitlang Kross leh CBKTP 50 tih en hnatlang neih a ni a. Member thawkchhuakte an phurin an hlim hle. Tin, hemi ni vek hian Branch hnatlangpui neih a ni bawk.

Thank You

He kan member nula fel tak hian sawhthing zai chauh a thiam lo. Kan Jubilee Album Cover tur print tirin phai khawlumah a vir buai a, hman leh hman lovin Rikshaw/Taxi/Wheelbarrow a hire a, thlansa phul kaiin Press-ah a kal, a packed, a thawnna tur a zawng.. Kan va lawm tak em! Centenary kan lawm hunah album-ah a duh zat zat a zai thei ang. Kan lawm e!

Evenflow has Flown

(Evenflow)

Vawiin 8th March, 2009 (Sunday), Chawlhhmun Kohhran Biak In-a Central KTP Rorel Inkhawm Chawhnu Inkhawm ban Felowship-ah khan Evenflow chu ruat an nih angin an zai a. Rorel Inkhawm palaite beng a titlai hle. An Group member Pu Mangheta tel lo mahse Pu RD-a leh Tv Ben-a ten an pui a, an zai a mawi hle.
Anni Band hi Chanmari Branch KTP member vek an ni a, Branch KTP Golden Jubilee lawm turah pawh an buai hle.

Golden Jubilee Inpuahchahna

Branch Golden Jubilee lawmna tura inpuahchahna chu ngawrh takin a kal zel a. Tunah hian Jubilee Committee hrang hrangten hma an la mek. Nimin chhunah khan Decoration committee te chuan Poster/Banner tarin hnatlang an nei a, Biak In leh a vel pawh flag-in an chei tawh bawk. Music Committee te pawhin Jubilee Concert buatsaihna turin Sound Check hnatlang an nei bawk. Ruai lam ngaihtuahtu Refreshment Committee chuan Ran an zawng fel thawkhat tawh a; Meichher & Monument Committee pawhin Meichher halna tur nimin khan an siam zo va, Monument pawh an peih fel tawh. Sawi tawh thin angin Jubilee Gospel Camping erawh Kohhran Comittee rel angin July-Aug thlaah neih a ni ang.

KTP ROREL INKHAWM

7th - 8th March, 2009 hian Chawlhhmun Presbyterian Kohhran Biak Inah Central KTP Rorel Inkhawm hman a ni. KTP Rorel Inkhawm hi kum khat danah, KTP Gen.Conference neih loh kumah zel Aizawl khawpui chhunga kohhran Biak In hrang hrangah neih thin a ni.
4
7th March Chawhmaah khan Report Inkhawm neih a ni a, chawhnu lamah Palai ten ro an rel. 7th March zan atanga 8th March zan thleng hian Pathian Biak Inkhawm neih a ni ang.
4
Report atanga a lan danin tunah hian Pastor Bial 151 atangin KTP Member 1,17,614 an awm. Tin KTP Branch hi 763 a awm bawk. 2008 chhunga member tamna ber Branch chu Ramhlun N Branch a ni a, a dawttu chu Mission Veng Branch a ni, Chanmari Branch chu pathumna a ni. Tin, kuminah hian kumpuan atan "Member hlate hnuh hnaih" thlan a ni bawk. 8th March Chawhnu inkhawm ban Fellowship-ah Chanmari Branch atangin Evenflow Band te an zai dawn a, Zan Inkhawmah Chanmari Branch KTP Ex-Officio member (CKTP Asst Secretary ni bawk) Upa C.Vanlalvuana chu Chairman a ni ang.

Chanmari Anthem

composed by C. Lalkhawliana
performed by Chanmari Branch YMA Jubilee Choir
Recorded at Hauhnar Rec Studio ©CBYMA 2008
4
Duh taka kan chawi i sakhming mawi,

Khuatin chhinga'n Chanmari kan hauh ang che,

I chawitu leh dintute kan chawimawi e.

I kiltu tlang thang bul thut leh pangpera'n,

Khuai ang lawina zirna kim run an rem,

Duh kim lamna i chhuahka reng a lun,

Zaleng khawmna runin han a nei lo.

Kan nihin i sakhming erawh chawi se,

Entawn hma kal ang sai lovin pen la,

Khawi khua tia chhal tinuama'n,

Thangthar lungfing nunze mawi rual,

Ram kalsiam tham chhertu lo ni ang che.

Thatin chawi zel ang aw,

Chanmari.........Chanmari

Aw vul zel ang che
Hetah hian a download theih e.

AUDIO CD ALBUM

Golden Jubilee puala Audio CD ALbum siam chu peih fel a ni thawkhat ta. He Album-ah hian Jubilee Zaipawlin he Album Title ni bawk 'Hmangaih Vangin' tih hla thunin veng chhung a zaithiam Mavuana, Rintei, Ruth-i, Mama, Rintluanga, Bs-i, Adama, Rc-i, Lungmuana leh Belinda-i te an zai bawk a. Tin, Musical Instrumental pakhat, Asangtea (Guitar) leh Rd-a (Harmonica) te an tel bawk. He Audi0 CD Album hi 16.3.2009 a released tur a ni.

KHUHHAWNNA NEIH A NI

Dt 2.3.2009 (Monday) Thalai inkhawmah Leader Pu Zionparlawma chuan Golden Jubilee Khuhhawnna nei in tunah chuan Golden Jubilee pawh rauthla in kan chang ta

WE SALUTE OUR FORMER LEADERS

Chanmari Branch Kristian Thalai Pawl a hruaitu lo ni tawh zawng zawng te Golden Jubilee Chibai kan buk vek a che u. Tin, zoram pawn leh veng pawn a awm te pawh he Golden Jubilee hming hian Chibai kan buk che.

Division of Labour

Tun hma deuh kha chuan Mizo mipate hi an inti pa thin khawp mai. Thuk bulah awm sela, an nupuite chawhmeh chhuan a liam pawhin buaipui mai tum ta lo chuan "Mama Nu, i bai chhuan a liam e,"an ti talh thin an ti. Chutiang deuh bawkin Mipa chuan inchhung khawsak rel buaipui a tum miah lova, chutih rualin hmeichhe lam pawhin hmeichhe tihawm tawk vel chauh tih an tum bawk thin.

Mahse ram a lo changkang zel a, chutianga hna bik insem a awm ta meuh lo. Hmeichhia hlei hlei hi sum dek lut thiam leh thahnemngai an ni ta mah zawk a, chutih laiin mipa te pawh inchhung khawsak relah a zei leh a chak hlei hlei an ni ta zawk zel. Pangpar te pawh a khawi nalh hlei hlei a ni ta chawk bawk.

Chuvangin hmeichhe hna leh mipa hna tia han sawi hran vak tur pawh hi a awm ta love.

Central KTP Brochure

Central KTP chuan KTP chanchin ziahna tawi brochure a buatsaih a, a layout leh thildang design hi Upa C.Vanlalvuana buaipui a ni. Hei hi a tul hunah khual thate pek tur atan a tih a ni. Mizo leh English-a siam a ni. Thil tangkai tak a nih a rinawm.