Fapa pekin a awm ta

Pu M.S Dawngkima fapa Ni 27.10.2009 a Aizawl Civil Hospital apiang Kg 3-a rit a ni e.

Lucknow Evangelistic Crusade

Lucknow Evangelistic Crusade chu The Billy Graham Evangelistic Association ho buatsaihin 23rd - 25th October, 2009 hian Christ Church College Grounds, Lucknow-ah neih a ni dawn a. Hetah hian Speaher tur chu Rev Dr.David Ruiz, Associate Evangelist, Billy Graham Evangelistic Association a ni ang.

Hemi huna zaipawl rawngbawlna nei turin Chanmari Pastor Bial Zaipawlte chu sawm a ni a. 22nd Oct 2009 zing dar 6:00 khan a hmun hi an thleng. Organising Committee chuan Bial Zaipawlte hi lo hmuakin an thlenna tur Rest House-ah an innghat a, 23rd Oct zan atangin rawngbawlna hi an nei tran ang. Member ten i trawngtaipui ang u.

CHANMARI GAMES

Ni 21st September 2009 (Thawhtanni) khan High Field-ah CHANMARI GAMES YMA buatsaih chu neih chhunzawm zel a ni a. Shot put, volleyball, football hmanga intihsiakna neih chhunzawm a ni. Hemi ni hian Branch YMA Executive Member leh Chanmari Branch KTP hruaituten football an khel! Pu Lalhmangaiha, YMA President leh Pu Zaiawnparlawma, KTP Leader te chuan thahnem an ngai thei hle a, chak lo zawk nih tum hauh lova an han innawr tak tak mai chu pui rem rem tak a ni. KTP lam hi 2-1 in an chak ta a ni.
He inkhel hmuhnawm tak hi minute 15 chhung khelh tur a ni a boruak a sang nghal em em a, YMA lamin Home Ground nihna an neih angin inkhel hi an thah(Start) a, tichuan inkhel hmuhnawm tak chu khelh tan a ni ta a ni. YMA lamah Team Captain Pu Rama(Makedonia) niin KTP lamah Tv. BJA a ni a, an pahnih hian Striker ve ve ni mahse inchibai thei tawk turin inkhelh chhung zawng hian an in hnaih a ni. Tichuan, Minute 6 velah KTP lamin ball changin Pu Lalhruaitluanga'n YMA Goalkeeper Pu Rina man hman loh in a pet goal a, a hnu rei vak lovah Tv. ZOramthara(Thartea, KTP Asst. Leader + YMA Exe.Committee) ni bawk chuan KTP golie dive phak lovah a pet lut bawk a, first half-ah 1-1 a ni a 2nd half an tran leh nghal. 2nd half tan atanga rei vak lovah KTP hian corner kick an hmu a, Pu Rina'n rawn thlawh pheiin Pu MS Dawngkima'n a lo head thla chu Tv. Lawmsanga'n nalh lutukin a lo pet goal a, tichuan YMA lam hian an siphurh sut zolovin 2-1 in KTP Branch Committee member-te an hlahthlem ta a ni.
He inkhel hi a hmuhnawmin a entu mipuite mit a tlai in pum na urh in an nui a ni awm e!!!

NAUPANG SUNDAY SCHOOL INKHAWMPUI

Chanmari Pastor Bial chuan Naupang Inkhawmpui chu kan zo fel thawkhat ta a. Naupang Sunday School Deptt. hrang hrang ten chawlhni hmasa khan inkhawmpuina neiin Bial chhunga Kohhran Biak Inah chawhma leh chawhnu inkhawmah thu leh hla hmanga intihsiakna neiin hun an hmang a ni.
Naupang Sunday School Inkhawmpui neih zawh takah Beginners Department atanga Sacrament Department thlengin he inkhawmpui intihsiakna hi an neih a ni a, Kan Kohhran Naupang Sunday School inkhawmpui neih taka kan dinhmun chu hetiang ang hi a ni:
Beginners Deptt. : Pahnihna
Primary Deptt.t : Pathumna
Junior Deptt. : Pahnihna
Intermediate Deptt. : Pathumna
Sacrament Deptt. : Pakhatna
Senior Deptt. : Pakhatna

PENIEL

Kan Kohhranin Camping a buatsaih

zawhtak, Follow-up Programme chu Branch KTP te ruahmanna siam angin hman chhunzawm zel a ni a. Nimin nileng khan kan Kohhran member a duh apiangte tana buatsaihin kan vengchhung mi Pi Thangliani te Huan, Zemabawkah ‘PENIEL’ hun hman a ni a. Zing dar 10:00 ah Kohhran Hall-ah innghakkhawmin dar 10:30 velah Bus 2-hmangin tawngtaina hmun tura ruat pana chhuah a ni. He hun hi Kohhran programme a nih angin thalai te mai bakah Kohhran nu leh pa thenkhatte, naupang deuhte thlengin he hun hmang tur hian an thawkchhuak a. Tin, a hmuna he hun kaihruai tur hian Kohhran Committee member Upa JH Ram-nghinglova chu ruat a ni.

He Peniel hun hmang tur hian Kohhran member mipa 28, hmeichhia 36 kalin avaiin mi 64 lai an thawkchhuak a ni. Group 6 a inthenin chawhma lamah vawi khat leh chawhnu lamah vawi khat tawngtaina hun an hmang. Nilenga hun hman a nih avangin he huna kal te hian mahni chawchhun (Tiffin) \heuh paiin a hmunah hian hun ruat siamin an eiho. Tichuan hlawk taka hun an hman hnuin dar 4:00 pm khan dam takin an lo haw leh ta a ni.
(Pic: Mobile Phone Picture from Zipo through MMS)

Hall sak mek

Kan Kohhran Hall chu sak mek a ni a, Presbytery (Oct 8-11) hmaa peih fel tum a ni. Tunah hian Ceiling zawh fel a ni thawkhat a. Light & Sound tih chhunzawm zel a ni ang. Tin Painting buaipui mek a ni bawk. Hall leh Verandah chhuat hi marble/tiles phah chhuah vek tur a ni dawn a, mahse hna a hautak deuh dawn avangin Presbytery inkhawmpui zawh lamah chhunzawm a ni ang.

BEIHRUAL

Beihrual thla kan lo thleng leh dawn ta, Ni 14 leh 21 September 2009 hi Kohhran Committee chuan KTP te Programme siama inkhawm turin a ruahman a, member ten ngaipawimawh ila, in lamah hman a nih hunah pawh member te mahni Upa bialah thahnemngai taka lo tel turin kan inngen e.

EVANGELICAL WEEK HMAN A NI

Ni 13-15 August 2009 chhung awh Week chu Dt.10.8.’09 (Thawhtan) zan khan a hawnna hun hman ani a. Member ten kan hlutin Pathian awmpuina leh kaihruaina kan chang a, a lawmawm hle a ni. Tin, he Week hi ni 16 August 2009 zan Kohhran Inkhawmah a kharna hun hman a ni bawk.

He Evangelical week hi Programme duan lawksa anga hman a ni a, Thawhtan zan inkhawmah Sharing leh zaihona neihni in vengchhung ah Poster(banner) tar leh Bible track intin leh vengchhunga hnamdang awmte hnenah vai(hindi) tawng sem tel a ni bawk. Tin, vengchhung kawtthlerah kawngzawhna neiin au rualna hun leh thusawitawi ngaihthlakna neih a ni a, zan dar 12 AM thleng tawngtai rualna leh Pathian fak a zaihona neiin hun hman a ni bawk.
(Details: LOGOS)

BIAL ZAIPAWL

Chanmari Pastor Bial Zaipawl te hi October ni 23-25 khian Billy Graham Evangelistic Associate Crusade, Lucknow-a neih turah zai tura sawm an ni a. Tunah hian inbuatsaihna pawh nasa zawka neih tan tuma hmalak mek a ni. Member-ten kan Bial Zaipawl te tan tawngtaiin i dilsak thin ang u.

Tin, tunkar lo awm tur ni 13 - 15 hian Bial Zaipawl te pualin Chanmari West Kohhran Hall-ah Retreat an nei dawn a, Resource Person-ah Upa Lalrinmuana Gen.Secy CKTP, Upa Zothanmawia Fin. Secy CK|P, Upa JH Ramnghinglova Bial Chairman leh Pastor C. Laltanliana Bialtu Pastor te an ni ang.

CAMPING

Camping chhawng thumna chu kar hmasa ni 25.7.09 khan lutin ni ni 30.7.09 khan rawn chhuak lehin Campers lut zai hi mi 200 chuang an ni. (Logos-ah a detail in a awm) Tin, ni 31.7.09 khan nilengin Naupang Lang Camp Kohhran Hall-ah neih a niin Dt. 3.8.09 - 4.8.09 ah tleirawl pual (i.e. Intermediate Deptt. - Senior Deptt.) in camping hi buatsaih a ni a, hemi chhung hian Biak In lamah Camping Follow-up Programme a awm bawk ang. Tin, nilai zan (5.8.09) atangin Crusade neih chhunzawm a ni anga, chhun leh zan in he Crusade hi hman tur a ni.

CAMPING CHHAWNG HNIHNA

Kohhran in a Camping a buatsaih tum hnihna chu ni 21. 7.2009 (Thawhlehni) tlai lam khan zanriah eiin Agape Camping Centre-ah neih tan a ni.

Camp-ah luh dan chu hetiang hi ani:
Mipa - 97
Hmeichhia - 59
Rawngbawltu - 33
Team member - 8
Veng pawn leh Kohhran dang - 22
Tin, Kohhran Committee Member pakhat leh Kohhran Hmeichhe member 8, Branch KTP Committee member 1 tel bawk in KTPmember nilai mi 98 an lut bawk. Camping tum thumna chu 27th July, 2009 (Thawhlehni) hian neih tan leh a ni ang. Camping puipate chu :-
Director: Upa Liansailova
Secretary: Tv.Vanlalpeka (B-6)
Manager : Pu A.Lallungmuana (B-6)
Asst Manager: Pu A.Zohmangaiha (B-11)
Cook Leader : Pu C. Mawizuala (B-10)
Security Commander : Pu JH Lianchungunga (B-7)
Medical Duty Leader: Dr. C. Lallunghnema (B-3)
Light & Sound Leader: Tv. R. Vanlalchhandama (B-4)

INVITATION FOR GOSPEL CAMPING

Kohhran in Gospel Camping a buatsaih mek hi Chanmari Branch K.T.P Golden Jubilee puala buatsaih a ni a, Chanmari Branch K.T.P member a tam thei ang ber lut turin ngen leh sawm kan ni e. Branch Committee Member chin phei chu lut ngei ngei tura ngaih kan ni.

Chhungtin Kantu

KTP, Chanmari Blog atang hian Kohhran Chanhinbu 'Chungtin Kantu' chu tih chhuah thin a ni tawh dawn a, LOGOS Column hnuai chiah ah hian chhiar theih in dah a ni e

GOSPEL CAMPING - AGAPE CENTRE

Kan Kohhran in a Gospel Camping a buatsaih Chhawngkhatna chu tunkar thawhlehni khan neih tan a ni a. Campers 144 lutin Camping hi tum dan chuan chhawng 3-na thleng neih tura ruahmanna neih a ni

(Pic- From Zipo through MMS)

GOSPEL CAMPING NEIH A NI DAWN

Kohhran Committee in a lo rel tawh angin leh KTP Golden Jubilee Organising Committee-in a a lo rel tawh bawhzuina ni pah fawmin Chhandamna Camping chu ni 14 July 2009 atanga 1st August 2009 chhung neih tura ruahman a ni a. Camping chhawng thum nei turin inbuatsaihna peih fel a ni. He Camping-a rawngbawl tur hian Tv Zairemmawia, Dintharlehna Team te chu rawih an ni dawn.

Director : Rev CM Zalenthanga
Secretary : Tual Upa Zionparlawma
Manager : Pu C.Laltanpuia (11)
Speaker : Tv C. Zairemmawia

Camping hi Agape Camping Centre, Durtlang ah neih a ni dawn a, camping chhawng khatna chu ni 14 July 2009 chhunga neih tur a ni ang. Thawhlehni tlaiah camping neihna hmuna chaw ei tura luh nghal tur a ni.

Half Yearly Meet Pics chu

Kha u le.. Pic hi kan chhuang lem lo. Hetah hian click mai teh u ..

BIAL HALF YEARLY MEET

Kumin Half Yearly Meet chu Chanmari West Kohhran Biak Inah 27.6.2009 (Sat) zan atanga tanin a tuk 28.6.2009 (Sun) Chawlhni chawhnu ah chhunzawmin hemi zan inkhawm hian Half Yearly Meet 2009 hlimawm tak chu a tiak ta a ni.
Kan thalai pawhin mi engemaw zat in he meet hi chhimin Chawlhni chawnhnuah Kohhran Zaipawl pawhin Pathian fakna hla an sa a. Tin, Fellowship leh inkhawm pangngaiah item nei te pawhin tha taka ti hlawhtingin hun hlim awm tak hman a ni.
(N.B: Picture chu Pezo kutah kadah e)

BEAT CONTEST-A BAND ZAI TE

GOSPEL BEAT CONTEST

Kan Branch buatsaih Bial huap a Gospel Beat Contest 2009 chu tluang takin zawh a ni ta.

Kan bial chhung ah member rimawi lama tui ten he contest hi ngaihluin. Band 11 in hming an pe a.Chung zinga pakua te chuan hun an rawn hmang. Minute 10 chhungin hla 2 (Mizo leh Sap) sa in rimawi ngaihnawm tak kal khawm te min rawn hluih ani. Kan member te music a hma an sawnna a rawn lang a, Rimawi an tum thiam zia pawh kan hmuh hmaih lo. Stigmata(CW), Arms nailed down(C), Neuhof School (C&CW) zai te chuan beng an ti tlai in Undying Faith (C&CW), Colligate Collapse (C), Youth Ministry (C) te chu mipui lawm hlawh pawl an ni. Flower in the rain, 11 Hours, te music in judge te beng a ti tlai mipui au thawm ti ring tu an ni.
Lawmman
1st - Stigmata, Chanmari West. Rs.5,000/-,Trophy & Certificate
2nd - Arms Nailed Down, Chanmari. Rs.3,000/- & Certificate
3rd - Neuhof School Band. Rs.2,000/- & Certificate

Category hrang hrangah hetiang hian a ti tha zual te hnenah lawmman Rs. 500/- theuh pek an ni bawk

Best Vocal : LRS Tluangpuii, Stigmata (Chanmari West)
Best Guitarist : Lalnuntluanga, Stigmata (Chanmari West)
Best Bass Guitarist : JH Vanlalngheta, Neuhof School Band (Chanmari)
Best Drummer : Lalmuansanga, Stigmata (Chanmari West)
Tin, a tel zawng zawng hnenah Participation prize Rs. 500/- theuh pek an ni bawk.

Judge kan chhuang: Upa Peter.Zohminghanga (C), Upa Zothanmawia (Khatla), Pu Hmingpuia (Zarkawt), Tv. Lalremliana (Mission Veng) ten uluk takin endikna an kalpui a, tunlai KTP huang chhungah Music lama ril leh thiam an nih angin dik leh felfai takin he hun hi min hmanpui ani.

GOSPEL BEAT CONTEST

Chanmari Branch KTP chuan Bial huap in Gospel Beat Contest a buatsaih dawn a, 12th June 2009 khian YMA Hall ah he Beat Contest hi neih a ni ang. Tuna hriat theih chinah chuan Beat Group 11 in hming an rawn theh lut tawh a, Branch pawn atangin Band 3 lai rawn tel tura ngaih a ni.
Band tel turte : Kan bial chhung ah member rimawi lama tui ten he contest hi ngaihluin. Zirna pawh ngawrh taka kalpui chhoh mek ani a, tlai lam leh zan lam ah te practice niin Band tel tur ten minute 10 chhungin hla 2 (Mizo leh Sap) an sa ang. Chanmari Branch KTP chuan contestant te chungah lawmthu sawiin.Duhsakna he Contest atan hian a hlan mawlh mawlh ani. Band tel tur te:
1. Stigmata, (CW)
2. Undying Faith, (C&CW)
3. Neuhof School, (C&CW)
4. Colligate Collapse, (C)
5. Youth Ministry, (C)
6. Flower in the rain, (C)
7. Arms nailed down (C)
8. The Daps (C)
9. 11 Hours (CW)
10. Revelation, (C)
Trophy & Prize Money: Kohran member leh vengchhung a mi in phal te zarah Trophy mawi tak leh sum fai he contest ah hian pek ani dawn a, .
1st - Rs.5,000/- + Trophy + Certificate
2nd - Rs.3,000/- + Certificate
3rd - Rs.2,000/- + Certificate
Category hrang hrangah Bassist, Guitarist, Drummer & Vocal ah a tha ber thlan a ni ang a, Rs.500/- + Certificate pek \t tur a ni. Tin, a tel zawng zawng hnenah Participation prize Rs. 500/- \t pek a ni bawk ang.
Judge te : Branch KTP chuan endik tu tur atan hian Zoram Rimawi khawvel ah pawh a technical lama kan mi thiam ber te zinga mi ruatin, ani hnen atang hian an theih vek tur thu pawh dawn ani tawh a an chungah branch chuan lawmthu a sawi a.

Zaipawl Retreat

Nimin, 30th May, 2009 khan Kohhran Committee remtihnain Chanmari Kohhran Zaipawlte chuan Park Eden (Zemabawk, Falkland veng)-ah Retreat hlimawm tak an hmang. He hunah hian Zaipawl member 70 chuang zet an kal a. Tisa lama intihlimna hun an hmang. Chawhnu lamah inkhawmna neiin zaipawl hmasawnna chungchanga hmalak zel dan tur Director hovin an sawi a, Pathian hnenah zaipawl rawngbawlna atan tawngtairualna hun an hmang a, chawhlui an kilho nghal.

ANGELS AND DEMONS by Dan Brown

Film lamah Dan Brown a lehkhabuziah 'Angels & Demons' chuan tunlai hian hmun a chang sang hle mai a, Dan Brown a lehkhabuziah tho 'Da Vinci Code' film-a an siam 2007 a an tih chhuah ang em em kha chuan tun tumah he film 'Angels & Demons' hi chuan Catholic Kohhran emaw, Kohhran dang dang sawiselna atawk meuh lo.
Amaherawh chu he thawnthu hi bih chian chuan Pathian ai a mihring thiamna (Science & Technology) thu nung zawk leh chungnung zawk ang in a ngaihtheih a. Catholic Kohhran ni kher lo Kohhran hrim hrim inrelbawldan te leh thil chi hrang hrang Kohhran dan leh dun hi science leh technology hian a kai her thei a a kai her mek a ni tih ngaihdan he thawnthu atang hian 'Christian Review Site' ah kan hmu a ni.
Tin, Dan Brown hian a thusawi pakhat ah chuan "Science hian Pathian mi zia, nungchang leh a nihna a la hmu chhuak ang a, khawvel leh van thengreng a thil awm zawng zawng hi science in a hriatfai vek hun hi a nghahhlelh awm" tiin a sawi a ni. Chuvang chuan he film hi kan lo en tawh emaw la en lo emaw, en kan tum a nih pawhin fimkhur takin kan ngaihdan leh rinna tibuai zawng emaw a kan rilru pe lo turin 'Christian Science Monitor' website ah chuan a inziak a ni.

NO TE THAR NEI

Kan Branch Fin. Secretary Pu Vanlalhruaia Sailo chuan dt. 6th May 2009 tlai dar thum vel bawr khan fapa (kg 3.400) duhawm tak Civil Hospital ah an nei, an lawmpui awm hle in an nu Pi Zualtei pawh a tha e tih thu kan dawng. (Felfeli leh a nau Lalrinawma Sailo)

Pu ROKUNGA

Counselling Centre Hlanna

Vawiin dar 11:00 AM khan Family Guidance & Counselling Centre, Chanmari Branch chu Rev H.Lalchhanhima, Moderator, Mizoram Synod chuan Pathian hnenah hlanin he Counselling Centre hi hawn a ni. He Centre hi Chanmari Presbyterian Kohhran Hall-a room pakhat (Pastor Qtr hlui) chu hemi atan hian chei that a ni.

He Centre hi Counsellor pakhat leh IVth Grade pakhatin an thutchilh ang a, kawng hrang hranga harsatna tawk - Nupa inkar, chhungkua, fanau enkawl, nupui pasal/ngaihzawng chungchang, ruihhlo laka harsatna leh kawng hrang hranga harsatna neite tan pan theih a ni ang. Office kal ni, Office Hours chhungin eng hunah pawh dawr theih reng a ni.

Easter Sunrise Service - (Requested by Asanga)

BIAL LEADER LAM LAI

Thlarau thawh avanga lam nise kan van ti em!!!! Amaherawhchu he thlalak lai hian an hla saka ban phar angaih vang chauhva ban phar a ni.

TUAL UPA THLAN A NI

Chanmari Pastor Bial Khawmpui in a lo pawmpuitawh ang in ni 19 April 2009 (Sun) Sunday Chawhma Inkhawm khan Tual Upa thar thlanna neih a ni a Pu Zionparlawma kan Branch Leader leh Dr. T. Zoliana te chu Tual Upa thar atan thaln tlin an ni.

MP Inthlanah Branch KTP

MP inthlan 16 April 2009-ah MPF ho ngenna angin Branch KTP chuan Voters Number leh Boot Number vote thlak turte lo en sakin hemi ni hian ni lengin MPF Office-ah an duty.

HAPPY EASTER

Happy Easter!!!!

GOOD FRIDAY

Good Friday chu kan lo thleng leh ta, nizan (i.e Thursday) zanah Pastor-in Lalpa Zanriah Sacrament a buatsaih a, Good Friday ni hian Sermon Thupui nei ngaihthlak a ni ang a, Kohhran Zaipawl bakah Kohhran Hmeichhe Standing Choir leh Pavalai Zaipawl ten inkhawmah hla an rem thin ang

CHANMARI PASTOR BIAL KHAWMPUI VAWI - 34 NA

Chanmari Pastor Bial Khawmpui Vawi-34 na chu Edenthar Kohhran Biak Inah ni 3rd April 2009 - 5th April 2009 chhung neih tur a ni. Thupuiah "Inthawina nung leh thianghlim" Rom 12:1 hmangin sawitu turin Pro Pastor Lalngaihawma a ni ang.
3rd April '09 zanah Bial Khawmpui hi tan in hemi zan hian Report (Bial, Bial chhung Kohhran) pek leh Palai lawmna inkhawm neih a ni a. 4th April '09 dar 10:00 AM atangin Rorel Inkhawm neih a ni a, hemi zan hian kan Kohhran Zaipawl in "Ram zawng zawngte u" tih hla an rem bawk.
Pathianni chawhma inkhawmah thupui ngaihthlak a ni anga, chawhnuah Lalpa Zanriah Sakramen buatsaih a ni anga, zan inkhawmah Bial Chairman kal chhuakta in thusawina (Sermon) a nei ang.

GOLDEN JUBILEE A TIAK TA

GOLDEN JUBILEE SPECIAL EDITION HI TIH CHHUAH THUAI TUM A NI A, SPECIAL BULLETIN PAWH CHHIAR THEIHIN A AWM E

(See side bar)

(Hruaitu lo ni toh zawng zawng te thlalak)
Kan Branch Golden Jubilee a tiak ta, hun lawmawm leh hlimawm tak kan hmang tlangin he hun kan hman zawh tak hian rawngbawlnaah hmasawnna, mimalah leh Kohhranah hring chhuak mawlh rawh se.
(Jubilee chanchin leh picture-te duh ang kan la collect loh avangin Jubilee Special la tih chhuah a la nilova, blog tlawhtute hriatthiamna kan dil nghal a ni e)

JUBILEE NI A LO THLENG TA, JUBILEE CHIBAI VEK U LE

GOLDEN JUBILEE PUALIN THISEN PE

Golden Jubilee denchhenin ni 21.3.09 khan Presbyterian Hospital Durtlang tan thisen pek a ni a. Thisen pe zawng zawng hi 125 niin pek tuma lokal amaherawhchu taksa Fit tawk lohna avanga pe thei ta lo mi 55 lai an awm bawk. KTP Branch hminga pe tawh zawng zawng zingah tuna kan hriat dan chuan Branch mal a thisen la pe hnem ber kan ni.

JUBILEE PUAL A SPORTS KHARNA : CHAMPION JEREMIA GROUP

Golden Jubilee Sports chu ni 17.3.2009 khan a khar na nipah fawmin Quiz leh Extempore Speech hmanga inelna neih a ni a. Tichuan Golden Jubilee Sports-ah hian Jeremia Group te chuan Gold la hnem berin Champion nihna chu an chang ta. Runners up ah Ezekiela Group niin Isaia Group chu 1st runner up niin Daniela Group chuan a hnung an rawn dawl a ni.

Kan Leader Hmasaber (Requested by A_es, Dawrpui)

Pu P.C. Thandanga hi kan la hmelhriat loh mai thei a, a lem a kan hmuh hi kan Branch Leader hmasaber chu a ni e. Tin, a sir a kawr sen ha hi Tv. James-a a ni a, Chanmari Branch KTP chuan engtikah mah hemi te pahnih hi kan theihnghilh ngai tawh lovang.

JUBILEE.................Hei ha!!.. Thang kaw rai ri bob....Hap tru dai dri dad....Kodak...Kodak.......... Tang Ta Ra Raaaaaaaaa