KUM 2009 OFFICE BEARERS THLAN A NI

Dt. 15th December '08 (Mon) zan khan nakum 2009 a kan Brnach Office Bearers tur thlanna neih a ni in Nomination atangin mi paruk thlan chhuah an ni a, chung mi paruk thlan chhuahte chuan an Post(Nihna) hi insiam rem in heng mi te hi nakum a kan hruaitu thar tur te chu an ni.

Leader: Pu Zionparlawma
Asst. Leader: Tv. Zoramthara
Secretary: Tv. Vanlalpeka
Asst. Secretary: Pu Zosangliana
Treasurer: Pu Lalsawmkim
Fin. Secretary: Pu Vanlalhruaia Sailo

Synod Inkhawmpui

Mizoram Presbyterian Church Synod Inkhawmpui vawi 85-na chu 10th December, 2008 atang khan Ramhlun North Kohhran Biakin ah tan a ni a. 14th December, 2008 zan hian he inkhawmpui hi a tiak ang. Synod-ah hian Rorel palai 1701 zet an kal.
He Synod-ah hian puipate chu -
Moderator- Rev. H. Lalchhanhima
Secretaries- Upa C. Lalmuankima (Sr.); Rev. C. Laltanliana (Jr.) (Chanmari Pastor)
Finance Officers - Rev. Dr. R. Lalbiakmawia, Rev. C. Rosiama
Statistician - Upa Dr. L.N. Tluanga
Executive Secretaries - Rev. Dr. Lalhmangaiha, Rev. Zosangliana Colney te an ni.
14th December chawmhma inkhawmah khan Pro Pastor thar tur dahnghehna leh Pro Pastor tanglai engemaw zat nemngheh an ni . Pro Pastor nemngheh tur zingah hian Chanmari Branch KTP Member - Tv Zoramsanga s/o Lalkhumtira, Daniela Group (Tuna Hliappui Pro-Pastor ni mek) chu a tel ve. Nemngheh a nih hnu hian Dokamukam, Karbi Anglong Pastor Bial a vawng ang.

Drummer tha tak kan lo nei reng a lawm le

JUBILEE CONCERT

Jubilee denchhena 'A Winter Night Unplugged' chu nuam tak leh pui tak a hmang in nizan 4th December 2008 khan neih a ni ta. Zofaten Concert na a an la tih ngai loh ang in Projector chu announcer(host) atan hman a ni a. Vanapa Hall inchung (chhungah) ah Sponsor tu te leh Lyrics projector hmang tho a tih lan a ni bawk. Tin, sawi tawh ang khan he Concert-ah hian Hollow Guitar, Drums, Bass Guitar leh Keyboards (a chang chang in) hmana a zai hi rem a ni a, tunlai zaithiam kan Gospel Artists neih te chu an tel kim vek tih theih tur a ni.

MLA Election Branch KTP-in buaipui

Vawiin, 2nd December, 2008 hian MLA Election chu neih a ni a, Kan veng chhungah pawh boruak a tha hle a, Govt HSS-ah Polling booth awmin veng mipuiten kan bialtu MLA tur kan thlang.
He inthlanah hian MPF chuan inthlan boruak tha neih a nih theihna turin theihtawpin tan a la a. Vawiina voter te lo tanpui turin Branch KTP chu MPF chuan a beisei a. A beisei angin Branch hruaitu leh Group hruaitute chuan Polling Duty hi an buaipui a ni.

Thlalak en duh tan a link click mai tur - Inthlan Thlalak Album

GOLDEN JUBILEE CONCERT

December 4th a neih tur Golden Jubilee Concert chu chak tak a hma lak mek zel a ni a. Hla pawh ngawrh tak in Artiste leh Musician ten an zir thin a, he Concert hi a hmingah Winter Unplugged tih a ni dawn a, unplugged a hla zawng zawng hi remin Praise and Worship service ang a hman tum a ni a, Session hnih a then a ni anga, 1st session-ah artiste ten an mahni hla sa in 2nd session erawh chu christmas lengkhawm ang a hman tur a buatsaih tum a ni. He concert hi Gan-Sabra (HIV +ve naupang) pual a siam a ni a, a hlawk na zawng zawng pawh he Home hian chang vek tur a ruahhman a ni.

Fanu nei thar

Pu C.Lalthanmawia (Mawitea), Asst.Leader, CBKTP chuan 17th Nov, 2008 chhun dar 11:30 velah khan fanu thar duhawm tak, 3.3 Kgs chu Presbyterian Hospital, Durtlang-ah an nei. Heti hian Pu Mawitea hian fanu 5 a nei ta. Kan lawmpui em em e.

Mizoram Inthlanpui chu kan hma lawk 2nd December hian kan lo thleng dawn ta reng mai. Hemi ah hian kan veng chhung a mi mihlun tak pahnih KTP a kan Branch Leader lo ni tawh ve ve, Pu Rosiamngheta(1998-1999) leh Pu Chawngroliana (2000-2001)te chuan he Inthlanah hian an ding ve dawn a ni.

Pu Rosiamngheta (Siata) hi Aizawl North III (i.e Chanmari, Chanmari West, Electric, Zarkawt, Hunthar & Edenthar) ah United Democratic Alliance ,UDA(MPC) Ticket hming in a ding dawn a.




Pu Chawngroliana (Patea) North-I (Durtlang, Selesih, Bawngkawn, Chaltlang, etc)-ah National Congress Party (NCP) ticket-in a ding dawn bawk.

Thalai te leh veng chhung a mi ten tling ngei se kan duhsak in tawngtaina ah pawh theihnghilhlo i la, he inthlan lo awm turah hian kan ram hruaitu tur midik leh rinawm, Pathian tih mi kan thlan ngei theihnan Pathian hnenah kan dil in inthlan hun chhung a boruak muanawm tak kan neih theih nan i tawngtai ang u.

Mobile Handset

Ka handset (Samsung zawk hi) hi ka hman tirh kha chuan a configuration hi a ho ka ti angreng viau a, a chhan chu - Mp3 players a awm lova, camera (VGA/Mp4 tec) a nei lova, application a dah belh theih loh va, external memory card a nei lova, Bluetooth te chu sawi loh law law chi. SMS a thawn ve theih a, phonebook (500 entries) a nei ve a, chu zawng chu a ni mai.

Mahse ka hman tak tak hnu chuan handset changkang ve deuh hlek ka hman lai ai khan hunawl ka ngah phah ta daih mai tih ka hre chhuak a. A chhan chu Mobile handset hi tunlai hian a tua pawh mai hian kan lo khal nasa hle a, Games, SMS, Music player, Camera, Picture viewing, etc etc atan hian kan hun kan lo seng nasa hle mai. Tunlai changkannain a hrin chhuah ni bawk mahse, kan time table tidang dawrh khawpa hmasawnna kan dawn a nih avang hian hetiang hman chungchangah ngaihtuahna kan sen thiam a pawimawh hle.

GOLDEN JUBILEE SPORTS Contd.

Golden Jubilee Sports neih mek chu tluang taka chhunzawm zel a la ni a, tunkar 13th leh 15th Nov. 08 ah Basket Ball, Volley ball, Kawikah, Football Final, Throwing events(shot put, discuss & Javelin) te leh Inhruipawh te a group hrang hrang in el na neih a ni in hun hlim awm tak, tang tak leh nuam tak mahse thianghlim taka hman a ni. Tin, ni 18th Nov.08 zanah Computer Games leh Debate hmanga intihsiakna neih leh tur a ni a, Computer Games ah hian mipa in Fifa 2008 an khel anga hmeichhia in Tumble Bugs an khel bawk ang. (Medal lak zat te hi Logos lamah rawn tarlan a nih ang in lo chhiar mai tur in kan in hriattir a ni e)

GOLDEN JUBILEE SPORT

Golden Jubilee denchhen a Golden Jubilee Sport chu dt. 8th Nov. 2008 khan tan a ni ta a, Sports item hrang hrang bakah Games chi hrang hrang te a Group intihsiak ni pah fawmin intihhlimna neih tur a ruahmanna lo awm tawh chu tan a lo ni ta. He Golden Jubilee Sport hian tun thla chhung awh tur a ruahmanna siam a ni. Tuna Group tin ten medal an dawn zat chu:
Daniela Group - 3 Gold
Ezekiela - 4 Gold
Jeremia - 7 Gold
Isaia - NIL
(Nakinah chanchin kimchang leh chiang zawk a rawn tarlan a ni ang)

He thlalak hlui tawh tak hi Chanmari Veng Football Tournament (kum ka chiang tawh lo) a Pakhatna kan nih thlalak a ni a, he thlalak ah hian KTP Branch Secretary Tv. Thartea a tel ve a, han zawng chhin teh le, i ring dik a nih chuan Ramdini dawr ah Coffee a thlawn in i in thei ang, tin Mizoram pawn a awm tan Airtel i hmang a nih chuan Rs.20/- man TOP UP sak i ni bawk ang.

(Chhang dik pakhat a awm a, mahse a chhang dik tu hi ANALYZE chian a nih hnuah pawmsak a ni dawn em tih thuneihna sang zawk ah ngaihtuah mek a ni. A chhan niawm a lang chu a mah hian he thlalak hi a neih ve vang ni ngei a hriat a ni)

PROTEST DAY

September 29th 2008 khanMizoram pumah Protest Day neih a ni a, Orissa a Kristian te tih duh dahna an tawrh tuarpuina leh hemi duh lova India ram hi Freedom of Religion a ni tih Central Sorkar a tlangaupui nan a hmangin kawngzawhna neih a ni a, Aizawl ah chuan hmun hnih atangin kawng hi zawh a ni. Mipui kawngzawh a pungkhawm chu nuaikhat (1 lakh) approx. ni in Assam Rifles Lammualah hun hman chhunzawm a ni a, tawngtairualna te neiih he ni hi hman a ni. (Tlai tawh viau mahse kan hriat ve hrim hrim atan leh a picture hi a nalh em a kan rawn chhuah a ni e)

LOGOS 28th Sept 2008

Kan notupa hi a buai deuh aniang. Hei Vawiin LOGOS (Dt 28th Sept 2008) chu lo chhiar teh u. Follow the link..
http://www.scribd.com/full/6256816?access_key=key-2ngnwfde8u44yxo9dveu

SENIOR DEPARTMENT INKHAWMPUI

Kan Kohhran Senior Department te chuan tun chawlhni lo awm ta dt. 21.9.08 khan Chanmari West Biak In ah Inkhawmpui nei in hun an zuk hmang a, tunkum kan veng naupang inkhawmpui a pakhatna awm chhun ni tur in PAKHATNA an zuk ni a, kan lawmpui inkan chhuang tak zet zet a, zirtirtute leh naupangte inpekna a ropuiin fak an phu hle a ni.

Naupang Inkhawmpui

Tun Pathianni kalta (14th Sept, 2008) khan Kan Bial-ah chuan Naupang Sunday School Inkhawmpui kan hmang a; a hlimawm hle. Chanmari Biakinah Beginner Dept (chawhma) leh Intermediate Dept (Chawhnu) te an intihsiak a. Chanmari West Biakinah Primary (Chawhma) leh Junior (Chawhnu) te an intihsiak. Edenthar Biakinah Sacrament Dept.

Beginner Dept-ah hian 1st-Edenthar; 2nd-Chanmari, 3rd-Chanmari West; Primary Dept-ah 1st-Chanmari West, 2nd-Chanmari, 3rd-Edenthar. Junior Dept ah 1st-Chanmari West, 2nd-Chanmari, 3rd-Edenthar; Intermediate Dept-ah 1st-Chanmari West, 2nd-Chanmari, 3rd-Edenthar. Sacrament Dept-ah 1st-Chanmari West, 2nd Chanmari, 3rd-Edenthar.(Result dik lo a awm chuan comment-ah sawilan nise)

Kumin chu Chanmari Kohhrana Department hrang hrangten kohhran dangte an hlahthlem(?) hlawm a ni.

Karleh Pathianni (21st Sept) hian Chanmari West Kohhran Biakinah Senior Department ten inkhawmpui an nei ve leh ang.

Naupangho hian inkhawmpui hi thawmhnaw thar nen an hmang a, nuam an ti kher mai.

Kan Branch chuan Radio ah contract "Discussion" kan hmu a, "Thalaite hian politics ah mawhphurhna lian tak kan nei a ni" tih thu hmang in Estheri, Chhantea, Pu Zosanga leh Bj-a te chuan recording an nei a, dt 5th Sept 2008 zan dar 6:40 PM khan tih chhuah a ni.
(Kan BRANCH PASALTHATE)........... :)

Naupang Inkhawmpui a lo hnai leh ta a, naupangte tang tak in tlai lamah chang, hla leh thuinchhang an zir thin a, veng tin ah naupang chang zir thawm hriattur a awm a ni. Vawiin lamah kan Kohhran pawh in Rehearsal kan nei a, primary naupang te pawh an tang hle mai, an chang sawi lai a nih khi (Pic. L-R. Op-a, Hriatpuia, Chhana)

LOGOS CHUNGCHANG

LOGOS chu duh ang leh tum ang in kan rawn update tha lova, chhiartute min hriatthiam kan ngai e. Khawlthluak nei ah hian Motor Neuron a chhia a, Adobe file chiangkuang lo in min vel a ni ber mai, tun atang chuan Ek Dom Phars Siklass in kan rawn update ang e. In ngaih dan dan ni teh se

RAMTHAR NI HMAN A NI

Ramthar-ni 31(Sunday) August 2008 chu kan Kohhran in programme duan lawk ang in tluang tak a hman a ni a, chawhnu leh zanah he programme hi hman a ni. Tin, Kohhran zaipawl (Hardcore :)) pawh in hla an rem a ni.

YMA GOLDEN JUBILEE

Chanmari Young Mizo Association chuan Kum 50-na Golden Jubilee a lo thleng dawn ta reng mai, Kristian Thalai Pawl ten kan lawmpui in Khawtlang tana an tangkainate, an hnathawh a Pathian hruaina an dawn zawng zawngah te leh Hruaitu lo ni tawh te tun a ni mek te leh he mi atana tha leh zung lo seng tawh zawng zawng te Pathianin malsawmna tam tak in vur sela, he Golden Jubillee hi lawmtak leh thinlung thar pu chung a hmalam hun thlir zel tur in duhsakna kan hlan e.
- For More details http://chanmari-yma.blogspot.com/

Bethel

Nimin 9th August 2008 khan Kohhranin Camping Follow-up Programme ni pah fawminBethel" a buatsaih. Hetah hian mi 120 vel an kal. A hmun hi TNT Centre a ni a. Bethel-a kalten hlawk an inti hle. Bethel neih hma hian TNT Centre-a hmun hrang hrangte tlawh kual a ni a, chumi hnuah TNT Biakinah tawngtai rualna hun hman a nih hnuin TNT Ram chhungah Bethel hi neih a ni.

HRIATTHIAM NA

Logos Chanchinbu chu KTP Computer a chiang kuan loh avangin a File export a corrupt zel a, siam mek a ni in update kan rawn la dah hman lova, khawngaiha min lo hrethiam turin kan in ngen e, 13th Aug hma ngei in kan rawn post ang

HMUNDANG A AWM TE TAN

(2007 Krismas)

He site hi hriat theuh angin hmundang a awm (State dang) te tan liau liau a buatsaih a ni in Orkut a KTP chanchin ziak ringawt lova a changtlung zawk leh thuthar in hrilhnan te, tin, Golden Jubilee lo thleng tur in buatsaihnan te a siam a nih ang in in mi puihna kan mamawh thin dawn a, chuvang chuan visit ringawt lova comments emaw min lo pek sak thin tur in kan sawm che u a ni.

Missionary Pi Thaliankimi kan chan ta

Kan veng atanga Missionary tang lai, Pi Thaliankimi 60yrs, chuan 26th July 2008 khan chatuan ram min pansan ta a, Tripura Mission Field a thawk lai mek a niin nakum khian rawn Pension tur a ni. Veng chhung mipuite, Kohhran leh a rawngbawlpui ten kan ui hle a, 27th July 2008 tlai dar thum khan vui liam niin Synod Mission Board in a vui na hun hi an rawnhmang a ni. Kohhran Hmeichhhia in a kuang an tuamsak a, KTP in pangpar a kuang chung ah dah in thlanmual thleng Branch Committee Member in zawnin a thlan pawh an vur nghal a ni. A mah hi Khawtlang leh Kohhran mipuiten kan ui in a chhungte leh a rawngbawlpuite(Mission Field) a awsm mek te kan tuarpui tak zet a ni.

"A mithianghlim thihna chu Lalpa ngaih chuan ropui tak a ni si a"

Conference

KTP conference kal hi a nuam khawp mai. A kalte chu an inchhir ngai lo

Campers Thlalak (Test)

Hei camping thlalak ka rawn post e.... Camp chhang 1-naah mi 125 an lut a, chhang 2-naah engzat tak lut ang mo? Camping hlawhtling tak kan neih theihna turin i tawngtai ang u.

He Blog hian hmasawn zel rawh se

Hei tlangval idea nei takin a han design ta a nia. He Blog hi KTP member-te hian i tlawh tam ang u. Suggestion te siamin hmasawn zel dan tur kan ngaihtuah tlang dawn nia.

CAMPING TAN A NI TA

Gospel Camping chu vawiin atangin tan a ni ta a, camp a lut zawng zawng te leh TNT team leh Speaker Pu Sangthankima i tawngtai sak ang u

GOSPEL CAMPING

Gospel Camping neih a ni dawn a, Speaker ah Pu Sangthankima (TNT) rawih a ni ang. Tunkar chho atangin Camping chhawngkhatna newih tan a ni ang