1.  Ni 22.11.2012 (Thur.) ah Branch Committee member Nl. Lalremtluangi chu BCM Kohhran Biak In, Ramhlun North-ah R.Lalbiakkima nen an innei. Chanmari Branch KTP in a lawmpui hle.

 

2.  Pu Vanlalpeka (Branch Treasurer) chu a fapa Vanlalmalsawmtluanga (3 months) chuan ni 20 Nov. 2012-ah a boral san a, Branch KTP chuan a tawrhpui hle.

 

3.  Synod Inkhawmpui 2012 Chanmari Kohhran Biak Ina neih tur inbuatsaihnan ni 24.11.2012 (Inrinni) nilengin Branch KTP Committee huaihawtin hnatlang neih a ni a. Hnatlangah hian Biak In chhung, Kohhran Hall leh bungraw hrang hrang tifaiin nilengin hnatlang neih  a ni. Member an thawkchhuak tha hle.

 

4.   Ni 28 Nov. 2012 (Wed.) ah Rev. Zoramsanga (Asangtea) S/o Pu Lalkhumtira, Chanmari Branch KTP Member a nih laia Pastor-a nemngheh, tuna Dongkamukam, Karbi Anglong Mission Field-a Missionary Pastor ni mek chuan Chanmari Kohhran Biak Inah nupui a nei dawn. An inneih hriatpui tur leh lawmpui turin Chanmari Branch KTP member-te sawm an ni.

BRANCH NEWS (11 November, 2012)

-  Branch KTP in Central KTP Film a chan mek chu scene 21 chan zawh tawh a ni a, film chang hian tum 17 thawhchhuah tawh a ni, scene 6 vel hmabak a la awm.

- Chanmari Pastor Bialin Chanmari Kohhran Biak Ina Synod Inkhawmpui vawi 89-na a thlen tur inbuatsaih nan ni 24 Nov. 2012 (Sat.) nilengin Biak In leh a vel tihfai hnatlang neih a ni ang.

- Kohhran Zaipawlin Synod Inkhawmpui a rem tur ngawrh takin hla an zir mek.

- Branch sum dinhmun (as on 31 Oct. 2012) :

Hmuh tawh zawng zawng : Rs. 10,24,607

Hman tawh zawng zawng : Rs. 8,13,351

Kuta la awm : Rs. 2,61,256

BRANCH NEWS

1. EVANGELICAL WEEK : Ni 22 Oct. 2012 atanga tanin Chanmari Branch KTP chuan Evangelical Week a hmang dawn. Week hi zanin (22 Oct. 2012) hian a hawnna inkhawm neih a ni ang a, Week chhung hian a hnuai ami ang hian hun hman a ni ang :-

22 Cct. 2012 (Mon.) : Week Hawnna
23 Oct. 2012 (Tue) : Home tlawh (T.N.T leh Tawngtai Bethel Camping Centre tlawh a ni ang)
24 Oct. 2012 (Wed.) : Zan inkhawm banah Veng chhung hmun hrang hrangah Hnehna kawngzawh a ni ang.
25 Oct. 2012 (Thu.): Veng chhunga damlote kan kual a ni ang.
26 Oct. 2012 (Fri.) : Tawngtai Tlaivara hun hman a ni ang.

2. Ni 24 Oct. 2012 (Wed.) hian kan member Tv. Lalchhuansanga leh R.Lalhmachhuani -te chu Kohhran Biak Inah an innei dawn.

SUNNA

SUNNA

Chanmari Branch KTP Member Nl. Malsawmsangi Khiangte (Kum 25) chuan ni 19 October, 2012 (Zirtawpni) chhun dar 12:15 khan Chantuan ram min pan san ta. Nl. Malsawmsangi Khiangte hi 19 Aug. 1987 ah unau paruk zinga a naupaung ber ni turin a lo piang a. Lehkha thiamthei tak niin M Com. 1st Division-ah a passed nghe nghe a ni.

 

 

 

A boral boral hma hian Chanmari Branch KTP hnuaia Amosa Group-ah Treasurer ni lai mek a ni a, Primary Deptt. ah Zirtirtu  a ni mek bawk. Hetiang nula fel leh chhuanawm, Kohhran leh khawtlang tana mi tangkai kan chan ta mai hi Chanmari Branch KTP chuan a ui  takzet a ni.

BRANCH NEWS

1. Aizawl Bethel Presbytery, Ramhlun North Kohhran Biak Ina neih zawh takah Chanmari Branch KTP O.B-te : Pu Zosangliana (Leader), Pu Lalsawmkima (Asst. Leader), Pu R.Vanlalneiha (Secretary) leh Pu Vanlalpeka (Treasurer) te an Palai.

 

2. Aizawl Bethel Presbytery neih zawh takah hian Kohhran Committee  atanga Branch KTP-a tel, Chanmari Pastor Bial KTP Leader ni bawk Pu Zionparlawma chu Upa atan nemngheh a ni. A rual hian Dr. T.Lalzoliana chu Upa atan nemngheh a ni bawk. 

BRANCH NEWS (OCTOBER, 2012)

1. 2012 KTP Gen. Conference, Thenzawl a neiha "Works Ethics, Value System leh Mental Health chung changa Mizoram pum a thalaite hnena zirtirna kawng dap ni rawh se" tia rel chu Central KTP chuan helam kawnga inzirtirna atan feature film siam ni se a ti a. Hemi  atana Chanmari Branch KTP-te Central KTP in a ruat angin Film hi buaipui mek a ni. Branch KTP chuan Script Writer atan Pu Vanneihtluanga a sawm angin film hi August 8, 2012 atang khan shooting neih tan a ni a, Scene 27-ah ah scene 14 chan zawh tawh a ni a, tum 12 shooting a thawh chhuah tawh a ni.

2. Branch KTP Office Bearers hetiang hian siamrem a ni -

Secretary : Pu  Vanlalneiha Ralte

Asst. Secretary : Tv. C.Lalchhandama

 

Branch Committee member atan Tv. K.Zoremsiama ruat thar a ni a, Amosa Group Leader a ni nghal ang.

 

3. Biak In sakna atana Branch Budget Rs. 50,000/- chu Kohhranah pek tlak a ni.

 

4. Tanpuina pual atangin Pi Muani, Saipum khua, Thin Cancer chu Rs. 2,000/- a tanpui a ni.

 

5. Brannch Sum dinhmun (upto September, 2012) :

 

Hmuh tawh : Rs. 9,73,056

Hman tawh : Rs. 7,69,051

Balance : Rs. 2,04,005

 

6. Bial KTP Advance Christmas chu Dec. 3, 2012-ah Chanmari Kohhran Biak Inah neih a ni ang.

 

7. Branch Committee Member leh Synod Revival Speaker ni bawk Tv. Henry Lalhmingthanga chuan Bungkawn Vengthar ah rawngbawlna hlawhtling tak a nih zawh hnuin Zemabawk Kohhnaah ni 8 Oct. 2012 atangin rawngbawlna a neih chhunzawm leh mek.

BRANCH NEWS

1. ZAI HRUAITU LEH HLA HRILTU PUAL TRAINING : Ni 15 Aug. 2012 (Wed.) dar 2:00 - 4:00 chhungin Kohhran Hall-ah Kohhran leh Thalai Inkhawma Hla hriltu leh zai hruaitute pualin training neih a ni. He hun hi Pu Zosangliana, Chairman, Music Committee leh Branch KTP Leader ni bawkin a kaihruai a, Reource Person Upa Peter Zohmingthanga'n training hi a pe a ni. He hunah hian Kohhran leh Thalai Inkhawma zai hruaitu leh hla hriltu a ruat mi 34 lai an kal thei a, hla lak hun, aw pek dan, thluk rei zawng leh thil tul dangte practical a neih a ni.

2. FAITH PROMISE : Tun thla (August) chhunga Group hrang hrang atanga Faith Promise lut zat chu Rs. 42,550/- a ni. An intianmna ti hlawhtlingtu member-te chungah Branch Committee-in lawmthu a sawi.

1. Bial KTP Missionary Night : Chanmari Pastor Bial KTP Conference 2012-in a rel angin zanin (Dt. 6 Aug. 2012) hian Chanmari West Kohhran Biak Inah Missionary Night  hman a ni dawn. He hun hmang tur hian Missionary Training Centre (MTC) a mite sawm an ni. Hetiang hian hun hman a ni ang -

Chairman : T/Upa Zionparlawma, Bial KTP Leader
Reports : Bial KTP Secretary

Thusawi : Rev. Lalthankhuma, Lecturer, MTC

Introduction & MTC Report : Rev. Dr. K.Lalrinkima, Principal, MTC

Rawngbawlna Report & Testimony : Nl. J.H Lalramhluni & Tv. F.Lalpiantluanga, Missionary

Solo : Tv. Lalawmpuia Lungen

Zaipawl : Bial Zaipawl, Chanmari KZP, Edenthar KZP & Himali KZP

2. Chanmari Presbyterian Kohhranin Special Camping a buatsaih chu ni  4 Aug. 2012-ah neih zawh a ni a, hetah hian Branch Committee-te duty in an buai hle. Campers chhuakte hi vawiin (6 Aug. 2012) hian Falkland Venga Park Eden-ah Bethel pui an ni ang.

3. Branch Committee member leh Synod Revival Speaker ni bawk Tv. Henry Lalhmingthanga leh a team-te chuan Saiha Vengpui ECM Kohhranah camping chhawg 4 lai an neih zawh hnuah vawiin atangin Saiha College Veng Kohhraah rawngbawlna an nei zui leh ang.

1. Branch Week tluang taka hman zawh a ni. July ni 23 (Mon.) zanah a kharna hun hman a ni a, Group hrang hrang position  chu a hnuaia mi ang hi a ni -

1st - Hagaia Group & Nehemia Group - Point 139 each (Rs. 5,000/- each)

2nd -  Zakaria Group - Point 130 (Rs. 4,500/-)

3rd -  Joela Group - Point 128 (Rs. 4,000/-)

4th - Malakia Group - Point 104 (Consolation Prize)

5th - Amosa Group - Point 66 (Consolation Prize)

Intihsiakna hi point system a pek a ni a, lawmmante hi Chanmari Bialtu Pastor Rev. K.Lalhmingliana'n a sem.

2. Branch Commitee Member leh Synod Revival Speaker ni bawk, Tv. Henry Lalhmingthanga chu Saihaah rawngbawlin a thang mek.

3. Kohhranin Special  Camping a neih mekah Branch hruaitute duty-in an buai tlang hle.

4. Zanin (30 July, 2012) ah Amosa Group Night hman tur a ni a, inkhawm hi Tv. C.Lalchhandama (Group Leader) in a kaihruai ang a, inkhawm banah thingpui in ho tur buatsaih a ni ang.

BRANCH WEEK HMAN MEK A NI

Chanmari Branch KTP chuan ni 17 - 23 July, 2012 chhungin Branch Week a hmang mek. Week hi ni 17 July, 2012 (Tue.) zanah Kohhran Hall-ah hman tan a ni a, Pu Zosangliana, Branch Leader-in a kaihruai. Hemi zan hian "Hmanlai Zai" hman a ni a, Mister leh Miss thlan a ni. Week chhung hian Branch hnuaia Group  paruk (6) te tan inelna/intihsiakna hrang hrang - Extempore Speech, Infaifuksiak, Inaurinsiak, On the spot drama, Computer Games, Bottle inkhaisiak, On the spot drawing, Hla inphuahsiak, Badminton, Table Tennis, Carrom, Eating competition, Football, Throw ball, Dart throw, LTP, Inkawibah, Needle race, Sack race, Spoon race, Intlanmuansiak, Ups & downs-te hmangin inelna neih a ni. Week hi  zanin 23 July, 2012 (Mon.) zan hian a kharna hun hman a ni ang a, Bialtu Pastor Rev. K.Lalhmingliana'n lawmman semna a nei ang.