BRANCH NEWS

a July ni 12, 2010 (Mon.) zan hian Central KTP hruaituten Branch hrang hrang tlawh an kalpui mek ah Chanmari Branch-te min rawn tlawh dawn a, a hnuai a mi ang hian hun hman a ni ang -

Chairman : Tv. Zoramthara, Leader

Tantu : Nl. Maggie Lalremruati (Hag.)

Sermon : Pu Vanlalfinga, Fin. Secretary, Central KTP

Faith Promise lakkhawm leh hlan

Hlantu : Tv. Lalrintluanga (Fin. Secy., Neh.)

Solo : Nl. K.Lalrampani (Amos.) & Tv. H.Lalchhanchhaha (Mizo Idol)

Inkhawm banah inpawlhona neih tur a ni a, Branch Committee leh Group Committee-te tel vek tur a ni ang.

a Rawngbawlna kawng a tangkai zawk a nih beiseiin Branch Committee, Group Committee leh Sub-Committee zawng zawngte chhan turin Questionaire siam chu sem chhuah tan a ni a, ni 19 July, 2010-ah thehluh kim tur a ni.

a Branch chanchinbu LOGOS leh Kristian Thalai chanchinbu man khawn fel a ni.

EASTER SUNRISE SERVICE HMAN A NI

Chanmari Branch Kristian Thalai Pawl buatsaihin ni 4 April, 2010 (Sun.) zing dar 5:00 ah "Easter Sunrise Service" hun hman a ni. Hetiang ang hun hi Chanmari Branch KTP a din tirh atangin kumtin hman thin a ni a, tun tumah hian Rev. Dr. R.Lalbiakmawia, Bialtu Pastor-in Pathian thuchah sawiin Branch Committee 'Female Voice' te an zai. Inkhawm banah thlalak hona leh thingpui in hona neih a ni a, he hunah hian mi 118 an tel a ni.

TV. LALRUATSANGA TLABUNG HOSPITAL ATANGIN A CHHUAK LEH TA

Chanmari Branch KTP-a Committee Member a nih laia Missionary-a chhuak, tuna Tuikawi (Home Mission South) a thawk mek Tv. Lalruatsanga chu Malaria avanga Tlabung Hospital-a a awm hnuin ni April ni 6, 2010 (Tue.) ah damdawiin atangin a chhuak leh ta. Tv. Lalruatsanga hi rawngbawlna kawnga inpe leh taima tak a ni a, hun engmemaw chen phai lamah Cricket Coach zira a thang bo hnuah hlawhtling takin a zir zo a, hemi hnu hian Chanmari Branch KTP-ah Committee Member niin, Group Secretary leh Evangelism Sub-Committee ah Secretary a ni tawh bawk. Member-ten tawngtaina ah i dil sak zui zel ang u.

KTP Gen. Conference 2010

KTP Gen. Conference vawi 53-na Ni 4 - 7 March, 2010 a Mamit-a neih chu tluang taka zawh a ni ta. He Conference-ah hian Chanmari Branch KTP Member 100 chuang zet kalin ni 5 (Fri) chawhnu Variety Programme-ah leh ni 7 (Sun) zan Fellowship-ah te Drama "Jeriko Kulh" chu hlawhtling taka entir a ni a, Conference palai ten an lawm hle.

Nakum 2011 KTP Rorel Inkhawm chu Bethlehem BiakInah neih a ni ang a, 2012 KTP Gen. Conference vawi 54-na chu Thenzawl ah nghah a ni.

Mizoram Synod Choir Music Video Shooting

21st leh 28th January, 2010 zanah khan Mizoram Synod Choir chuan kan Kohhran Biakin leh Kohhran Hall-ah Music Video tur shooting an nei. He an Music video hi kumin Central KTP Gen Conference-ah tlangzarh hman an tum. Mizoram Synod Choir te hi Branch KTP hruaituten an lo tawiawm a ni.

KTP Gen.Conference I kal dawn em?

Kristian Thalai Pawl General Conference chu 4th - 7th March, 2010 hian Mamit GSA Field-ah neih a ni dawn ta. Hemi atana inbuatsaihna pawh hi a kal chho mek zel a. Tunah hian Conference Pandal pawh sak tan mek a ni. Pandal hi a dung Ft. 332 asei Ft. 165 zau leh Stage Ft 60x32-a zauva sak tur niin mihring 15000 thleng leng thei turin ruahmanna siam a ni bawk.

Mamit hi Aizawl atangin a hla vak lova, darkar 3 vel bawra thlen mai theih a ni. Kuminah phei chuan Central KTP buatsaih, Short Film competition-a pakhatna kan nih zar zovin Drama kan entir dawn a nih kha. Chuvangin KTP Member a tam thei ang ber kum khat dana Conference kan neih thinah hian tel thei ila a tha hle ang.

For more details Log on to Mamit KTP Conference Website

Bial KTP Conference

22nd - 24th January, 2010 chhung hian Edenthar Kohhran Biak Inah Chanmari Pastor Bial KTP Conference vawi 35-na chu hman a ni. He Bial KTP Conference-ah hian Thupui "Nun Fimkhur" tih chu Speaker Rev Chuauthuama chuan Pathian thuchah vawi 3-ah a sawi ang a, 24th January zanah Leader-in thuchah a sawi thung ang.

Kumina Bial KTP hruaitute chu :-

Leader - Upa Peter Zohmingthanga (C)

A/Leader - T/Upa Zionparlawma (C)

Secretary - T/Upa Zothangzuala Chhangte (CW)

A/Secy - Pu Lalremruata (CW)

Treasurer - Upa JH Vanlalhuma (Ed)

Fin.Secy - Upa Lalsangzuala Hauhnar (CW) te an ni.

22nd January, 2009 chawhnu dar 2:00 khan conference committee neia tan a ni a, zan inkhawm chu Palai lawm leh Report Inkhawm atana hman a ni. 23rd January, 2009 khan nilengin ROREL Inkhawm neih a ni a, hengte hi passed an ni :-

1. CKTP hian Branch KTP Jubilee pawimawh thlengte hnenah lawmpuia thuziak pe thin rawh se.

2. CKTP Leader tur hian kum naupang lam deuh Synod-in ruat thin rawh se.

3. CKTP hian Website changtlung tak buatsaih rawh se.

4. KTP memberte Thalai Inkhawm leh Kohhran Inkhamah tun aia kan that zawk theih nan Bial KTP-in hma la rawh se.

5. Bial KTP-in mi harsate hnenah tanpuina hlan leh rawh se.

6. Mipat hmeichhiat hman khawlohna chungchanga inzirtirna kawngah Bial KTP-in hma la rawh

se.

7. Bial KTP hminga missionary 4 kan chawm mek hi pakhata tipungin 5 chawm ni ve tawh rawh se.

23rd january chawhnu rorel inkhawm zawhah 2010-2011 chhunga Chanmari Pastor Bial KTP hruaitu turte hetiang hian thlan an ni :

Leader - T/Upa Zionparlawma (C)

A/Leader - T/Upa Zothangzuala Chhangte (CW)

Secretary - Tv Zoramthara (C)

A/Secretary - Pu Lalremruata (CW)

Treasurer - Pu Chhawnsanga (Ed)

Fin.Secretary - Pu Zosangliana (C)

Tin, kumina Bial hruaitu ni mek lai mi 5 te kum Over avangin Bial KTP chuan thlahna hun a hmang bawk ang. Chu'ngte chu :-

1. Upa Peter Zohmingthanga (Leader, Chanmari)

2. Upa JH Vanlalhuma (Treasurer, Edenthar)

3. Upa Lalsangzuala Hauhnar (Fin.Secy, Chanmari W)

4. Pu H.Lalhmingthanga (Com Member, Chanmari)

5. Pu Lalfela (Com Member, Chanmari W)

Branch hrang hrang Reports

Thisen pe

Chanmari Branch KTP chuan kumina Project hmasa ber atan 16th January 2010 (Inrinni) khan Aizawl Civil Hospital-a a tul ang anga hman tangkai atan Thisen a pe. He huna thisen pe te hi member 55 zet an ni. Chanmari Branch KTP hian hun remchang a neih angin thisen pek hi a kalpui fo tawh thin. Nikum, 2009 khan Golden Jubilee denchhenin member 100 chuang fein thisen an lo pe tawh a, Nikum phei kha chuan pawl anga thisen pe tam ber Award pawh a lo dawng tawh nghe nghe a ni.

Thisen pe tute zawng zawng chungah Chanmari Branch KTP chuan lawmthu a sawi.

At Last!

Nimin, 14th January, 2009 kha Chanmari Branch KTP tan chuan hun chhinchhiahtlak tak a ni. A chhan chu, Branch hruaitu hlun, Vanlalpeka (Fin Secretary, 2010) chuan a kawppui atan Hruaikimi d/o Dr.R.Zokhuma chu Pathian leh Kohhranho hmaah Inneih thu a tiampui ta.

He thil thleng avang hian Branch KTP memberte leh hruaitute kan lawm a, Kohhran mipui kan hlim a, Inneih lawmpuia hriatpuitute pawh kan pung tam hle mai. Kan Biak In hnuai zawng khatin kan inkhawm a, a chung lama thute pawh an awm. Inneihtirtu Pastor C.Laltanliana pawh a phur hle.

Inneihnaah hian Zaipawl pahnih, Bial Zaipawl leh Kohhran Zaipawlte an zai. Tin, Kohhran Hall-ah a lawmna inkhawm hman a ni a, Joint Reception hi Branch KTP Leader, Tv Zoramtharan a kaihruai thung. Tlai lamah Mipa lam leh Hmeichhe lamah mo lawmna ruai kilho a ni.

Fore more Photos Click HERE

CHANMARI BRANCH K.T.P OFFICER BEARES

Tv.Zoramthar(Leader), Pu Lalsawmkima(Asst.Leader), Pu Zosangliana(Secretary), Nl.Ramdinliani(Asst.Secretary), Pu Zomuanpuia(Treasurer), Tv.Vanlalpeka(Fin.Secretary)

Kan Hruaitu kalchhuak ta te!!!!!!

Upa Peter Zohmingthanga, Pu H.Lalhmingthanga, Pu Lalremruata, Pu Lalhruailiana

Fapa pekin a awm ta

Pu M.S Dawngkima fapa Ni 27.10.2009 a Aizawl Civil Hospital apiang Kg 3-a rit a ni e.

Half Yearly Meet Pics chu

Kha u le.. Pic hi kan chhuang lem lo. Hetah hian click mai teh u ..

BIAL HALF YEARLY MEET

Kumin Half Yearly Meet chu Chanmari West Kohhran Biak Inah 27.6.2009 (Sat) zan atanga tanin a tuk 28.6.2009 (Sun) Chawlhni chawhnu ah chhunzawmin hemi zan inkhawm hian Half Yearly Meet 2009 hlimawm tak chu a tiak ta a ni.
Kan thalai pawhin mi engemaw zat in he meet hi chhimin Chawlhni chawnhnuah Kohhran Zaipawl pawhin Pathian fakna hla an sa a. Tin, Fellowship leh inkhawm pangngaiah item nei te pawhin tha taka ti hlawhtingin hun hlim awm tak hman a ni.
(N.B: Picture chu Pezo kutah kadah e)

BEAT CONTEST-A BAND ZAI TE

GOSPEL BEAT CONTEST

Chanmari Branch KTP chuan Bial huap in Gospel Beat Contest a buatsaih dawn a, 12th June 2009 khian YMA Hall ah he Beat Contest hi neih a ni ang. Tuna hriat theih chinah chuan Beat Group 11 in hming an rawn theh lut tawh a, Branch pawn atangin Band 3 lai rawn tel tura ngaih a ni.
Band tel turte : Kan bial chhung ah member rimawi lama tui ten he contest hi ngaihluin. Zirna pawh ngawrh taka kalpui chhoh mek ani a, tlai lam leh zan lam ah te practice niin Band tel tur ten minute 10 chhungin hla 2 (Mizo leh Sap) an sa ang. Chanmari Branch KTP chuan contestant te chungah lawmthu sawiin.Duhsakna he Contest atan hian a hlan mawlh mawlh ani. Band tel tur te:
1. Stigmata, (CW)
2. Undying Faith, (C&CW)
3. Neuhof School, (C&CW)
4. Colligate Collapse, (C)
5. Youth Ministry, (C)
6. Flower in the rain, (C)
7. Arms nailed down (C)
8. The Daps (C)
9. 11 Hours (CW)
10. Revelation, (C)
Trophy & Prize Money: Kohran member leh vengchhung a mi in phal te zarah Trophy mawi tak leh sum fai he contest ah hian pek ani dawn a, .
1st - Rs.5,000/- + Trophy + Certificate
2nd - Rs.3,000/- + Certificate
3rd - Rs.2,000/- + Certificate
Category hrang hrangah Bassist, Guitarist, Drummer & Vocal ah a tha ber thlan a ni ang a, Rs.500/- + Certificate pek \t tur a ni. Tin, a tel zawng zawng hnenah Participation prize Rs. 500/- \t pek a ni bawk ang.
Judge te : Branch KTP chuan endik tu tur atan hian Zoram Rimawi khawvel ah pawh a technical lama kan mi thiam ber te zinga mi ruatin, ani hnen atang hian an theih vek tur thu pawh dawn ani tawh a an chungah branch chuan lawmthu a sawi a.

ANGELS AND DEMONS by Dan Brown

Film lamah Dan Brown a lehkhabuziah 'Angels & Demons' chuan tunlai hian hmun a chang sang hle mai a, Dan Brown a lehkhabuziah tho 'Da Vinci Code' film-a an siam 2007 a an tih chhuah ang em em kha chuan tun tumah he film 'Angels & Demons' hi chuan Catholic Kohhran emaw, Kohhran dang dang sawiselna atawk meuh lo.
Amaherawh chu he thawnthu hi bih chian chuan Pathian ai a mihring thiamna (Science & Technology) thu nung zawk leh chungnung zawk ang in a ngaihtheih a. Catholic Kohhran ni kher lo Kohhran hrim hrim inrelbawldan te leh thil chi hrang hrang Kohhran dan leh dun hi science leh technology hian a kai her thei a a kai her mek a ni tih ngaihdan he thawnthu atang hian 'Christian Review Site' ah kan hmu a ni.
Tin, Dan Brown hian a thusawi pakhat ah chuan "Science hian Pathian mi zia, nungchang leh a nihna a la hmu chhuak ang a, khawvel leh van thengreng a thil awm zawng zawng hi science in a hriatfai vek hun hi a nghahhlelh awm" tiin a sawi a ni. Chuvang chuan he film hi kan lo en tawh emaw la en lo emaw, en kan tum a nih pawhin fimkhur takin kan ngaihdan leh rinna tibuai zawng emaw a kan rilru pe lo turin 'Christian Science Monitor' website ah chuan a inziak a ni.

BIAL LEADER LAM LAI

Thlarau thawh avanga lam nise kan van ti em!!!! Amaherawhchu he thlalak lai hian an hla saka ban phar angaih vang chauhva ban phar a ni.

MP Inthlanah Branch KTP

MP inthlan 16 April 2009-ah MPF ho ngenna angin Branch KTP chuan Voters Number leh Boot Number vote thlak turte lo en sakin hemi ni hian ni lengin MPF Office-ah an duty.