Hmailai kan mizo pi pu te hun ah chuan Zawlbuk hi naupang, tleirawl, nula leh tlangval ten thil tha leh awmdan tur an zirna hmun a ni. Tunlaia kan Zawlbuk chu Biak In hi a ni ta, khawi hmunah nge i tam zawk le???
Happy K.T.P Golden Jubilee.

2006 SILIGURI FIELD TLAWH

Tun hma chuan tihian thla an la thin, he thlalak zing ami hi a then chu an bo leh tawh a, a then an over a, a tam zawk hi chuan pasal an la hmu chuang lo.
ज्क्स्द्क्ल्ज्फ्ड्स ल्क्ज्द स्ल्क्ज्द क्ल्ज्स कद लक डी लक्ज क्ल्द्स्ज दशक दशक स्द्क्ज्द्क्द ल्क्फ्द्ज स्द्क्स्द.

K.T.P GOLDEN JUBILEE

K.T.P Golden Jubilee lo thleng tur hi sawi sawi ang u, kan sawi avanga Jubilee nilo mahse Jubilee anih avang tal hian sawi sawi a phu a ni. Keini zawng kan chan bik hi kan vannei em mai!!!

MIBO

A mah hi a hmel en ai a zaithiam, aw tliang thawp thum tak nei, Bial Zaipawl Member ni lai mek a ni a, tin, World Vision-a thawk lai a ni a, tunlai tak hian veng chhungah a tlem hle a ni tih report dawn a ni a, a awmna chin hria in awm chuan min hrilh thei ula kan lawm hle ang

PARSAWNALHITI

Tunlai khawvelah Mahni mimal private personal individual a thil tih duhna leh mahni tanghma chauh in hai vur duhna a lo lian ta telh telh a, chu chuan 'GENERATION ME' an tih chu a rawn her chhuahpui ta a ni an ti a, tichuan Generation Me chuan 'Generation X' ah a in upgrade a, chu chuan midangte harsatna thlen poh poi a ti lo nimai lovin a chhung leh khatte, a thenrual te pawh awm lo mahse pawitihlohna a rawn hring chhuak thin a ni an ti.

KTP DAY

Vawiin, February 22 (Pathianni) hi KTP din champha vawi 55-na a ni a. KTP, Central Committee chuan kumin hi Pathianni a nih avangin ruahmanna hranpa a siam lova. Kum hmasa lama hman dan tur Circular a lo siam tawh angin Social Work, Blood Donation leh midangte tana tangkai thei tura hmang turin CKTP Leader Rev. C. Lalsanglianan Thuchah a siam a, Local Cable hrang hrangah tihchhuah a ni.

Kristian Thalai Pawl din tanna chiah hi hriat chian a har hle a. Kum 1953 November 27-ah Teachers’ Training School, Aijal-ah khawpui chhung mi pawimawh deuh deuhte leh thingtlang Middle School zirtirtute inhmuhkhawm atanga din chhoh a ni a, Provisional Committee din phawt a ni a, Synod Standing Committee-in a pawmpui hnuah mumal deuh zawka kalpui chhoh a ni ta a, February 22 hi KTP Day atan hman zui a ni ta bawk.

KTP dinnaa hnarkaitute chu:-

Chairman - Rev. O.W. Owen (Pu Awna)

Vice Chairman - Pu Lalthankima

Organising Secretary - Nl Zokhumi (Mission Veng)

Asst. Secretary - Tv Luka

Treasurer - Mrs. Owen (Pi Awni)
Committee Members - Pu Vanlalkunga (Dawrpui) leh Pu Thanhnuna (Venghlui) te an ni.

Kum 2004 khan KTP kum 50 tlinna (Golden Jubilee) chu Vaivakawn YMA Field-ah General Conference neih pahin ropui taka lawm a ni nghe nghe. KTP General Conference kum tina neih thin chu 2004 atang khan kum khat dana neih a ni ta a. KTP General Conference neih loh kumah hian Rorel Inkhawm neih thin a ni a, Bial tin atangin Palai an inruat thin a ni. Nikum 2008 khan KTP General Conference, Bilkhawthlirah nghah a ni a, kumin 2009 hian Rorel Inkhawm, Chawlhhmun Kohhranah March 7 & 8 hian nghah a ni. Kristian Thalai Pawl hian Pastor Bial 151-ah Branch 758 neiin member 112,925 an nei mek a ni.

Chanmari Branch KTP chuan Fellowship hunah KTP Day Programme hi a hmang dawn a, KTP chanchin chhiarchhuah a ni bawk ang.

TU ZAWK NGE THIAM LO ANG?

KTP

"(Ephesi 2:10) Thil tha ti atan Krista Isuaah chuan siama awmin ama kut chhuak kan ni si a; chu thil tha tih chu kan awmna turin Pathianin a buatsaih lawk a ni."

(Thian thenkhatte mamawhna azarah kei pawhin thil tha pakhat ka'n ti ve ang e)

The Editor

LOGOS Editor thar hian kumin LOGOS-ah hian Change hrang hrang a rawn tichhuak dawn. Hengte hi kan tunlai hun nena inmil zawnga kalpui a nih theihna atana tih a ni. Tin, Logos-ah hian Shout Box lam chi (Logolawr) dah a ni a, hetah hian SMS hmangin KTP memberte'n (Phai lama awmte pawh) kan vei zawng leh rawtna a thawn theih e.

Heng Number-ah hian SMS hmangin LOGOS-ah i vei zawng rawn thawn rawh le -9862599043 / 9862501577. "LL" tiin bul tan la....(helaia pangpar khawi kengtu nen hi chuan a inzawmna kan hre lem law'.......

Inkhawm lote tan

Vawiin, 8th february, 2009 Chawhma Sunday School Report hi phai lama awmte leh inkhawm ve theilote tan kan han tarlang mai mai e. (Vawiin hi Bial Hmeichhe Inkhawmpui Chanmari West-ah a awm avangin nuho an tlem hle)

Puitling Dept-ah hmingziak 1647-ah 1123 an kal a, Thawhlawm Rs 10538.00

Naupang Dept-ah hmingziak 982-ah 892 an kal a, thawhlawm chu Rs 4776.00 a ni.

Hnamdang hmingziak 6-ah 5 an kal a, thawhlawm Rs 85.00 a ni.

TOTAL Hmingziak 2635-ah 2020 an kal a, thawhlawm zawng zawng Rs 15399.00 a ni.