2013, SACRAMENT DEPARTMENT CAMPING NEI

Chanmari Presbyterian Kohhran Committee-in a lo rêl tawh angin, NPSS, Sacrament Department Camping chu Knight For Christ Team nên Biak In Complex-ah hlawhtling taka neih a ni. Dt. 8.8.2013 (Thursday). tlai dar 5-ah lûtin, nimin, Dt. 10.8.2013 (Saturday) chawhnu dar 2 an chhuak leh a ni.

            Campers hi mipa 27 leh hmeichhia 41 niin, Camper zawng zawng 68 an ni a. Zirtîrtu 13 leh Team Member 6 nên an vaiin, mi 87 an ni. Camp lût zîngah hian nikum lama Sacrament Camping neiha harsatna avânga lût ve thei ta lo mi 7 an tel a, nimahsela zirna avâng leh zin bo avângin, mi 11 an lût thei lo thung a ni.

            Hun hmandân tlângpui: zîng dar 6:30 a\anga zân dar 9:30 thleng hun hman \hin a ni a. Chumi chhûngah chuan Sermon vawi nga vêl, Bible Study, Group Councelling, \awng\ai leh zaiho te bâkah Praise and Worship-a hun hman \hin a ni bawk.

            Ei leh in lamah pawh kan hnianghnarin kan tlai tak zeta. Kohhran Committee-te chungah kan lâwm hle. Pu Lalthanpuia leh Tv. Romalsâwma ten tlawmngaiin zirtîrtute eirawngbâwl leh Security hna min puibâwma, an chungah pawh kan lâwm takzet bawk a ni. He Camping neih chhung hian ` 34500/- sen ral a ni.

Printer hlui pek remti

Hliappui Branch K|P ten Chanmari Branch KTP-te printer hlui an dilna chu Branch Committee chuan tihhlawhtlin sak a remti. 

Laipuitlang Kraws

Laipuitlang Kraws siam hna chu chhunzawm mek zel a ni a, hemi atan hian Group hruaituten member-tin hnenah August thla chhungin ` 10/- aia tlem lo khawn an tum.

       Tin, tun thla chhung vek hian Branch K|P hruaitu hlui, Chanmari venga awm te hnenah Branch Committee member te chuan Laipuitlang Kraws pual hian vehbur khawn an tum bawk, hruaitu hluite an remchan dan anga lo tlawmngai turin an inngen lawk a ni.

Inkhawm Statistics

August 4th, Group Report

MATTHAIA

@Ni 29,July zan khan Luka group nen group pual inkhawm an hmang a an hlim tlang hle.

@Group pual inkhawm zana member inkhawm leh chanvo hlentu zawng zawngte chungah lawmthu an sawi.

MARKA

@July ni 29 zan khan Johana group nen group pual inkhawm an hmang hova, member kal an \hahnemin an hlimtlang hle.

@Hruaitu leh member engemaw zatte Y.M.A zaipawl intihsiak turah telin an zir ngawrh tawh hle.

LUKA

Matthaia group nen group pual inkhawm hlawhtling tak an nei ho a member inkhawmte leh hlawhtling taka chanvo hlentute zawng zawng chungah lawmthu an sawi.

JOHANA

@Group sumtuak nan a Fifa tournament an buatsaih turah tun kar chho khan poster tarin hnatlang an nei.  

@An Leader  leh hruaitu \henkhatten Y.M.A zaipawl intihsiak turah hla an zir ngawrh tawh hle.

@An Leader-te chhungin chhiat an tawk a an tuarpui hle. Memberten \awng\aipui zel turin an in sawm       

August 5th, Thalai Inkhawm Programme

Chairman          : Tv. K. Zoremsiama, Ldr. Joh

|antu                : Tv.Vanlalruata, Mat

Sermon             : Pu J.H Lallungmuana, Comm.

|anpuina Pual bawm dawh a ni ang.

Vawiin Thufing

Rinna chu hmalam hun lo thleng tur hriatna ni lovin,
Hmalam hun Chelhtu hriatna hi a ni zawk. 

Group pual Inkhawm a hlawhtling

Branch Committee-in a lo rel tawh angin kumina a tum hnihna atan Group pual inkhawm chu ni 29th July (Mon) zan khan hlawhtling taka neih a ni.
    Tarlan tawh angin tuntum Group pual inkhawm hi hmun hnihah inthenin Group pahnih ve ve inpawlha hun hman a ni a, Matthaia leh Luka Group-te Kohhran Hall-ah inkhawmin Marka leh Johana Group te Y.M.A Hall-ah an inkhawm thung a, hun tha tak tak hman a ni. He hunah hian Special Item mit leh beng titlai tak tak hmuh tur a awm bawk a, tin member-ten an hlutin mi thahnem tak an thawkchhuak nghe nghe a ni.  

Branch Report

@ August ni 6, Thawhleh zan hian Branch Committee a \hu dawn a, thu thehluh duh nei chuan Secretary-te hnenah ziaka thehluh tur a ni.

@ Hruaitu \henkhatte Y.M.A zaipawl intihsiakna turah telin hla   an zir ngawrh tawh hle.  

Sunday School Naupang ten Inkhawmpui Rehearsal nei

 Kumina Naupang Sunday School Inkhawmpui Intihsiak lo awm tura inbuatsaihna atan ni 4,August, Pathianni Chawhnu inkhawmah khan Primary - Senior department ten rehearsal an nei. Bial Inkhawmpuiin a lo rel tawh angin kuminah hian Sunday School Inkhawmpui hi sawn hma niin July leh August thla chhunga neih fel tura ruahman a ni a, Beginner dept. Inkhawmpui chu July thla khan zawh fel a lo ni tawh a ni.

      Kuminah hian \umdang ang lovin Beginner dept. leh Senior dept. te chu intihsiakna a ni lovang a, dept. dangte erawh chu an intihsiak thung dawn a ni.

      He rehearsal programme hi hetiang hian hman a ni.

A hmun     : Biakin

Chairman  : Upa Peter Zohmingthanga, Asst. Supt. NPSS

|antu        : Nl. Rebecca V.L. Thangi, Ziritrtu, Junior Dept.

Khuangpu : Pu J.H. Lallungmuana, Zirtirtu, Senior Dept.

Keyboard  : Tv. Lalchhanhima, Zirtirtu, Beginner Dept.

Ushers      : Primary Dept. Zirtirtute.

          Dept. tin a\angin Hla, Chang leh Thu inchhang bakah Special Item te neih a ni.