August thla Rawngbawltu tur list

Article 2

 Lalpa-ah chuan ka lawm zel ang

      Bible a chang lar tak pakhat kan chhiar fo \hin, Habakuka 3:17 thu,  “Theipui thing pâr vul dawn lovin, grêp hrui rah dawn hek suh seng, Olive thing pawh rah lovin, Lovin eitûr chhuah dawn lo seng. Huang ata ran rual tibovin, ran inah ran awm lo mah se. Ka lawm zel ang LALPA-ah chuan, ka chhandamna Pathianah chuan ka lâwm cheu dawn.”  tih chang hi heti zawng hian i lo thlir chhin teh ang.

      Heng a hnuaia mi ang hi tawng dawn ta ila, Lalpaah hian kan lawm zel thei ang em mahni in enchhin ang.

”Ka lawm zel ang Lalpa ah chuan...…

*     Kan hna a\angin ban hial tawk mah ila....

*     Kan chhungte zawng zawngin min boralsan vek mahse...

*     Kan thlatin hlawhte kum tam la thei dawn ta lo ila....

*     Nupui/Pasal kawppui tur nei ve dawn ta lo ila....

*     Mite angin rila rah fanau ro chante nei ve dawn lo mah ila.

*     Eizawnna mumal pawh nei ve lo mah ila....

*     Kan in leh lo zawng zawngte hi chan ngai pawh ni sela...

*     Ka Bank account ruak reng mahse la....

*     Thlarau lam nunah ‘ro’ ngawih ngawih reng mah ila....

      Mihring lam a\ang chuan dinhmun chhiat ber lai leh mangan vawrtawp lai a, ”Ka lawm zel ang Lalpaah chuan…” tih chu a atthlak hle zawkah kan ngai ngei ang. Nimahsela mihringten thiltihtheihloh a kan ngaih hi Habakuka chuan a ti thei tlat si a ni. Chu a tih theihna pawh chu, a ran, a grape te leh malsawmna tam taka vura pe tu, lei leh van siamtu, Lalpa hnen a\anga a neih tih a chian em vang a ni.

      Chuvangin keini ringtu intite pawh hian Malsawmtuah nge, a malsawmna-ah hian kan innghah zawk? Engkim pe theitu kan Pathian-ah nge a thil min pek-ah kan rilru kan nghah len zawk? Eng dinhmun a kan din laiin nge A hnenah lawmthu kan sawi \hin? He lei leh van thil zawng zawng hi keimahni lam ni lovin kan Pathian chungchang thil zawk a lo ni asin.      

Articles 1

Tlawm Lo

(A tawp thlenga mal \an ngam)

      March ni 10, 1974 kha Indopui II tawp ni a\anga chhiar chuan kum sawmthum lai a tling tawh a. Hemi ni hian Lieutenant Hiroo Onada, Japan sipai zinga hmelma kuta inpe hnuhnung ber chuan a \hian Japan sipai dangte an inpek vek tawh hnu kum sawmthum dawn hnuah hmelmate kutah a inpe ve chiah a ni.

      He sipai huaisen hi Philipines rama thliarkar pakhat Lubang-ah a \hiante zawng zawng inpek vek hnuah a la cham ta reng a. December 25, 1944-a an hotute hnen a\anga a thupek dawn, “Japan sipai zawng zawng pawh inpe vek mahse i inpe tur a ni lo,” tih thupek a dawn chu a la vawng ta reng a ni.

      Onada hian a hma daihin tlawm ve duh lo \hian dang pali a lo nei tawh \hin a. Pakhat chuan 1950-ah tlawmsanin a inpe a. A \hian dang pakhat chu, chu khuaa Police ho chuan an kaphlum bawk a. Chutiang deuh chuan a rawlpui \hin \hian pakhat pawh kum 1972-ah thah ni ve leh in, amah hi tuna an \hian ho zinga a la dam awm chhun chu a ni ta. Inpe ve mai tura an thlemna zawng zawng chu a hnar fithla vek zel a. Aurinna hmanga Japan tlawm tawh thu leh Japan chu U.S sawrkar \hian \ha a nih tawh thu an puan te chu a ngaithla duh lo \hin a ni. A chenna ram ngaw chunga inpe mai tura an sawmna lehkhathawn an thlak te chu a chhiar duh lova. Engtikawng maha inpek a tum lovin a \ang lui tlat mai a ni. Tichuan, amah chauhvin thliarkarah chuan ramhnuaiah a rawl ta zel a. Kum 29 zet ramhnuaia a rawl chhung hian a inpek theihna turin sawrkarin sum tam tak a seng ral a, Dollar maktaduai chanve zet a seng ralin mi 13,000 chuang zetin a awmna tur awm zawngin an dap nghe nghe a ni. A tawpa tawpah, March ni 10, 1974, Indopui II-na tawp a\anga kum 30 dawn a ral tawh hnuah, Indonaa a kal dawna thu petu bawkin indo a tawp tawh tih chuanna lehkha a thawn a chhiar hnuah chuan a inpe ve ta nge nge a ni. A ngunhnam tuiek \hat tawh chu President Marcos-a hnenah a hlan a, ani pawhin a lo ngaidam ta bawk a, a tan pawh Indopui chu a tawp ve  ta nge nge a ni. Indo tura a chhuah hian Hiroo Onada hi kum 22 mi chauh a ni a, a inpek hian kum 52 a ni tawh. Onada chuan, “Kum 29 chuang ramhnuaiah ka awm chhung khan thil duhawm lo engmah a awm lo,” tiin a sawi nghe nghe.

      Lalpan he khawvelah a rawngbawl turin min dah a. “Lo haw tawh rawh, lo chawl tawh rawh,” ti a min koh hma loh chu kan chawl thei ve lo a ni. sual lamah kan inpek a rem tawh lo. Kan \hiante leh kan rawngbawlpuiten Lalpa rawng kan bawlnaah hian min peih loh san a ni thei e, chutiang hunah pawh keini ringtute chuan a tawp thlenga \an kan lak a, nakina ropuina kan la chan tur thlir tlat chungin Lalpa-ah rinna nghat ila i ding nghet tlat ang u.

Inkhawm Statistics as on 21st July

Accounts Training neih a ni dawn

       Branch Committee-in a rel angin kumin chhungin a \um hnihna atan Group sum vawngtute pualin Accounts training neih leh tura ruahman a ni a, a hnuaia mi ang hian neih a ni ang.

A hun               :Ni 28 July, 2013 (Sun)

                         Chawhnu dar 3

A hmun            :Kohhran Hall  

Training petu   :Branch sum enkawltute

Group report

MATTHAIA

July ni 17,Nilai zan khan group sumtuak hnatlang neih a ni a, member leh hruaitu engemawzat an thawk chhuak a, member thawkchhuak zawng zawng chungah lawmthu an sawi. 

Pu William M.S Dawngliana \hiannu Dr. C. Lalhmingmawii chu tunhnaia sorkarin Medical Officer a lak tharah a tling a, an lawmpuiin an chhuang hle.

MARKA

Group sumtuaknan Vengchhung Telephone Directory siam tum a ni a, a \ul angte buaipui mek a ni.

LUKA

   An rawngbawlpui Pu Johny Lalremruata chu July ni 19, Zirtawpni khan a pa in a boral san a, an tawrhpui hle.

JOHANA

An hruaitu Dr.C Vankhuma chu tun hnaia Medical Officer lak thar zingah a tel a, an chhuangin an lawmpui hle.

August thla chawhnu lamah hian Laipuitlang kraws pualin Fifa 2013 Tournament buatsaih an tum a, hemi atana thil \ulte buaipuiin  hruaitute pawh an buai thei hle.

Chanmari Pastor Bial KTP Half Yearly Meet a tiak ta

2013 Chanmari Pastor Bial K|P Half Yearly Meet, July ni 20, Inrinni zan a\anga Chanmari West Kohhran Biak In-a neihah memberte an kal \ha hle. He Half Yearly Meet hi Inrinni zan, Pathianni chawhnu leh zanah te hman a ni. A thlengtu Branch Chanmari West lam pawh an inpuahchah \hain Meet hi hneh takin an thleng a ni.Meet \an zan inkhawmah hian Chanmari Kohhran Zaipawlten Fakna hla mawi tak an rem a, zaipawl member \hahnem tak an tel. Tin, anni bakah hian Edenthar Kohhran Zaipawlte pawhin Fakna hla mawi tak an rem bawk.

  Inrinni zan inkhawmah hian Bible Study na hun tha tak neih ho a ni a, Bial Secretary Senior, Upa Peter Zohmingthanga’n kaihruaiin Rom lehkhathawn zirho a ni. Memberten zawngchhangtlak an tiin an hlawkpui hle.  A hnuaia mi ang hian programme hlimawm tak tak hman a ni.

Pathianni chawhnu Inkhawm programme.

Chairman         : Pu Albert C.Lalremmawia, Bial Committee Member

|antu               : Nl. K.Lalrampani, Chanmari

Thuchah tawi   : Pu Vanlalpeka, Bial Treasurer

Zaipawl            1) Bial Zaipawl

                         2) Himali Kohhran Zaipawl

Special Items  

       Solo          : Tv. Lalhmingliana Chhangte, Chanmari

       Duet         : Chanmari West

       Male Voice: Edenthar

       Solo          : Himali           

Zan inkhawm programme.

Chairman         : Pu Chhawnsanga, Finance Secretary

Sermon            : Upa Zothangzuala Chhangte, (Ex-Officio) CK|P Trea.

Zaipawl           

                        1) Bial Zaipawl 

                        2) Chanmari West kohhran Zaipawl

Zan inkhawmban Fellowship programme.

Hruaitu             : Tv. Zothankima, Bial Committee

                          Member

Special Items   :

Chanmari Branch

1)         Band

2)         Duet

Chanmari West Branch

1)         Special no-Group Zai

2)         Band

Edenthar Branch

Speial no - Group Zai

Himali Branch

Male Voice

2013 Bial KTP Sport Result

Branch Report

- July ni 2, Thawhleh zan khan Branch Committee a \hu a thu pawimawh tak tak rel a ni.

- Branch hruaitute group hrang hrangah insem darhin member tlawhchhuah programme an hmang mek.  

- Kumin chhunga Branch hminga Missionary chawmna Budget chanve ` 72,000/- chu pek tura rel a ni.

- Branch Property atan Biak in choka a dah turin Steel Almirah lei tum a ni.

-    Tv. Henry Lalhmingthanga chu hun engemaw chen damlohna avanga in lamah a inenkawl mek a, a dam\hat leh thuai kan duhsak hle.

Group report

MATTHAIA

- July ni 29 zana Luka group nen joint group night an hman turah July ni 12, (Zirtawpni) zan hian   Kohhran Hallah joint group committee dar 7-ah neih tur a ni a group hruaitute an in hriattir lawk a ni e.  

- Memberte Kohhran inkhawm leh Kohhran zaipawl hla zirte ngai pawimawh thar leh turin an in ngen.

- Bial K|P sport neih zawh takah member engemaw zat an tel a an hlim hle.

MARKA

- July ni 5, Zirtawp zan khan group committee an neia thu pawimawh tak tak an rel.

- Kum chanve kan lo thleng leh ta a memberten \hahnemngai lehzuala Kohhran zaipawl hlazirah leh inkhawmah te \an la thar leh turin an in ngen.

- Kimin chhunga LOGOS chanchinbu lak man chu khawn a lo hun leh ta a hruaitute a hma lama khawn turin an in ngen a memberte pawh lo inring lawk turin an in hriattir.

LUKA

- Group huam chhungah kumin chhunga LOGOS chanchinbu lak man ` 100 chu khawn mek a ni a hruaituten July ni10 hmain secretary te hnenah thehlut turin an inhriattir.  

- Tunkar hun remchangah group committee neih tum a ni a hruaitute hun awl lo insiam tum turin an in ngen.

- Memberte Kohhran zaipawl hla zir leh Kohhran Inkhawmte ngai pawimawha tel tam turin an in ngen. 

JOHANA

- Ni 5(Fri) zanah khan Group Committee an nei a, thu pawimawh tak tak an rel.

- An hruaitu Abigail Vanlalzarmawii chu Guwahati Downtown Hospital-ah GNM (General Nursing Midwifery) a training dawn a, an lawmpui hle.

- An hruaitu Pu C. Lalrintluanga chu damlohna avangin Gwahati-ah a cham mek a, a lo dam thuai theih nan duhsakna an hlan