Branch Report

- July ni 2, Thawhleh zan khan Branch Committee a \hu a thu pawimawh tak tak rel a ni.

- Branch hruaitute group hrang hrangah insem darhin member tlawhchhuah programme an hmang mek.  

- Kumin chhunga Branch hminga Missionary chawmna Budget chanve ` 72,000/- chu pek tura rel a ni.

- Branch Property atan Biak in choka a dah turin Steel Almirah lei tum a ni.

-    Tv. Henry Lalhmingthanga chu hun engemaw chen damlohna avanga in lamah a inenkawl mek a, a dam\hat leh thuai kan duhsak hle.

Group report

MATTHAIA

- July ni 29 zana Luka group nen joint group night an hman turah July ni 12, (Zirtawpni) zan hian   Kohhran Hallah joint group committee dar 7-ah neih tur a ni a group hruaitute an in hriattir lawk a ni e.  

- Memberte Kohhran inkhawm leh Kohhran zaipawl hla zirte ngai pawimawh thar leh turin an in ngen.

- Bial K|P sport neih zawh takah member engemaw zat an tel a an hlim hle.

MARKA

- July ni 5, Zirtawp zan khan group committee an neia thu pawimawh tak tak an rel.

- Kum chanve kan lo thleng leh ta a memberten \hahnemngai lehzuala Kohhran zaipawl hlazirah leh inkhawmah te \an la thar leh turin an in ngen.

- Kimin chhunga LOGOS chanchinbu lak man chu khawn a lo hun leh ta a hruaitute a hma lama khawn turin an in ngen a memberte pawh lo inring lawk turin an in hriattir.

LUKA

- Group huam chhungah kumin chhunga LOGOS chanchinbu lak man ` 100 chu khawn mek a ni a hruaituten July ni10 hmain secretary te hnenah thehlut turin an inhriattir.  

- Tunkar hun remchangah group committee neih tum a ni a hruaitute hun awl lo insiam tum turin an in ngen.

- Memberte Kohhran zaipawl hla zir leh Kohhran Inkhawmte ngai pawimawha tel tam turin an in ngen. 

JOHANA

- Ni 5(Fri) zanah khan Group Committee an nei a, thu pawimawh tak tak an rel.

- An hruaitu Abigail Vanlalzarmawii chu Guwahati Downtown Hospital-ah GNM (General Nursing Midwifery) a training dawn a, an lawmpui hle.

- An hruaitu Pu C. Lalrintluanga chu damlohna avangin Gwahati-ah a cham mek a, a lo dam thuai theih nan duhsakna an hlan

Thalai Inkhawm Programme 8th July, 2013

Chairman          : Nl. Zorempuii, Br.Comm member

|antu                : Nl. B.C Ruatpuii, Luka Group

Faith Promise lakkhawm leh hlan a ni ang

Hlantu:              Pu Lalruatsanga, Treasurer, Marka Group

Sharing a hun hman a ni ang.

Article

Biak In-a awmdan mawi

(Inkhawmnaah)

       

2013 Bial Conference-in bial chhung Branch tinah ‘Biak Ina awm dan mawi’ inzirtir ni rawh se ti-a a lo rel tawh chu kan Branch pawn bawhzuiin June ni 24, \halai inkhawm zan khan zirhona neih a ni a chuta kan thu zirho tlangpui chu a hnuaia tarlan ang hi a ni.

   Biak In-a awm dan mawi inzirtir chungchangah hian 

sawi tur tam tak a awm thei anga, a pawimawh zual ilo thlirho ang.

1.    Incheina:  |halaite tan chuan incheina hi kan nitin nunah hmun pawimawh tak a luah awm e. Tin, kan incheina hian kan mizia leh ngaihtuahna thlengin a tarlang \hin. |halai tam tak chuan milarte (Celebrity-te) incheidan entawnin kan inhmeh  leh hmeh loh pawh ngaihtuah lovin a chhuak thar apiang kan inbel ve leh chawt \hin a, Biak In thlengin kan chhawm lut \hin lehnghal a, kan khawsak dan kan inenfiah a ngai. Biak In chhungah chuan kan thawmhnaw hakte a nalh emaw nalh lo emaw felfai tak, zahawm tak leh pangngai tak a ni tur a ni. Hmeichhe tan pawnfen chhing lutukte, kawr pan tak leh tight lutukte,nghawngzau takte inbel loh tur. Make-up leh tlereuh pawh kan inbel tam loh a \ha. Mipa tan inkhawmna-ah T-Shirt kan ha a nih pawhin a nghawng nei ni thei sela, kamis pawh a bengluh theih chi chu bengluh hram tur. Kan sam thlengin a mawi tawk a awm. Incheina neih loh chhuanlama inkhawm loh erawh a \ha lovang a, inkhawmloh ai chuan kan neih tawk kha zahpui lova fai taka vawna hak mai a \ha.

       ’hmeichheho pawh inthlahdah lo leh inbel lutuk lovin, thuam inchawih tawkin inchei sela, sam phiarin emaw, rangkachakin emaw, tuikeplungin emaw, puan man tam tak taktein emaw inchei lovin’ (I Tim 2:9)

2.    Chet/Awm dan: Inkhawm laia Biak Ina kan awmdan hian inkhawm ve dangte rilru awlsam takin a lapengin a tibuai thei \hin a chuvangin kan awmdante kan uluk a ngai a ni. Inkhawm laia kan awmdan hian Pathian kan \ih leh \ih lohte a ti lang bawk \hin. Mi fel tam tak karah inkhawm laia titi chingte, \henkhat hlabu kara eitur daha hmawm leh mai \hin te, thusawitu in thu a sawi dawn veleh a chhuak vang vang a ‘cigarette, kuhva’ lo va ei a ban dawna lut leh chauhte, inkhawm in ti si a pawn vela lo awm mai mai tawkte, hawi kual a \hiante nuih tur zawng ni awm tak te kan la kat nuk mai. Tin, inkhawm laia mutthluk hi a mawi lova kan hrisel loh vangte a nih ngawt loh chuan mutthluk loh hram hi a \ha khawp mai.Kan nau zawkten min thlir reng a, min entawn bawk a, kan fimkhur a \ul hle a ni. Pathian biaa kan inkhawm chhung hi chuan midangte rilru la peng lo tura kan invawn \heuh a \ul tak zet a ni. Tin zai hmanga Pathian biak hi a hlimawm a, chutihlaiin \halai zai huna zai nachang hre lo leh zai tum miah lova ngawi tlat leh zai hunlai kha titi na hun emaw ti tlatte kan la awm fo mai a kan sim a \ul khawp mai.

‘Engpawh ni sela, in awm dan chu Krista Chanchin |ha nen inmawi phawt rawh se...” (Phil 1:27)

3.    Electronic Gadgets: Khawl thar a lo chhuak ruih ruih a thiltih pawh a awlsam tawh viau a inkhawmna thlengin kan hmang \angkai hle tawh tih pawh kan hrechiang viau awm e. Hetih rual hian Pathian kan biakna hmuna heng kan hmanraw \angkai tak takte hi kan hman thiamloh chuan  min tibuaitu an ni thei thung. Mobile phone-te pawh kawng lehlamah chuan mimal tin deuhthaw-in kan neih leh hman  \angkai em em a ni a, amaherawhchu mi tam tak chuan a tel lovin kan awm thei lo emaw inti khawpin min awm tlei a, a hun leh hmun pawh thliar hrang thei lovin kan ngai pawimawh ta hle. Khawi hmunah pawh awm ila network awm tawhna-ah chuan kan online thei zel chu a ni ber a. Inkhawm lai pawhin sms, games etc. kan khawihin a \hen kan facebook bawk nen, tin kan camera hman dante thleng hian Pathian Biak Ina tih atan a mawi em kan inenfiaha a \ha lo laite kan sim a \ul ta khawp mai.

4.    Tawngtai laiin: |awng\aina hi Pathian nen kan inbiakna leh inpawlna a nih avangin a zahawmna hre renga vawn a \ha. |halai tam tak hi khawvel thilah chuan kan tunlai a ni thei, Biak Ina awm danah erawh kan \hing leh tlat \hin. |awng\ai laia maimitchhin nachang hre lova meng kur te, thil ei(kuhva, sahdah etc.) hun emaw ti te kan kat nawk! Tin, \awng\ai lai hi zun hun emaw ti tlatte, inchei\hatna hun emaw ti tlatte kan la awm bawk. Tin, inkhawm kal tlaiin \awng\ai laia luh hreh lo kan la awm fo \hin a, kan kal tlaia an lo \awng\ai a nih chuan \awng\ai zawhah luh chauh tur a ni. Heng zawng zawngah hian Pathian ropuina leh zahawm zia hi hria ila chuan kan inthlahdah ngam hauh lo ang.          

“Nimahsela thil zawng zawng tawpna chu a hnai tawh a, chuvangin in \awng\ai theih nan rilru fel tak puin fimkhur rawh u.”   (I Peter 4:7)

Branch Report

1. Bial KTP Sports ah hruaitute leh member thahnem tak an tel.

2. Branch hruaitute group hrang hrangah insem darhin member tlawhchhuah programme an hmang mek.

3. June ni 25, Thawhlehni zan khan Programme Sub-Committee a thu.

Chawnghei Tawngtaina nei

Evangelism sub committee kaihhruaina a thlatin  Pathianni hnuhnungber tlaia chawnghei tawngtai neih thin chu tun Pathianni tlai khan neih a ni a, member engemawzat an tel.
A hun    : 5:30 - 6:30 p.m, Kohhran Hall
Hruaitu    : Tv. C.Lalchhandama

Bial KTP Sport neih a ni

June ni 29, Inrinni khan Chanmari Pastor Bial K|P Committee in riahmanna a lo siam tawh angin Bial Sport chu Mualpui a Rajiv Gandhi Stadium-ah tluang taka neih zawh a ni. He Bial KTP Sport hi a tirah Govt High School Field, Zarkawta neih tura tih a nih hnuah Rajiv Gandhi Stadium, Mualpui hi a remchan leh tak avangin sawn leh a ni . Chanmari Branch atang hian hruaitute leh member thahnemtak bus pahnih leh lirthei engemaw zah nen an thawkchhuak a. Tin, Branch dang, Chanmari West, Edenthar leh Himali pawh hruaitute leh member an thawkchhuak tha hle bawk. A hnuaia mi ang hian intihsiakna item sawm (10) a awm a, heng item hmangte hian Branch hrang hrang house pali (4)-ah inthenin an intihsiak a ni.  

1.Football (Mipa)  2.Throw Ball (Hmeichhia) 3.Tug of War (Mix)  

4.LTP (Open) 5. Dart throw (Open) 6.100m race 7.Relay race (Mix) 

8. Sack race (Hmeichhia) 9.Thre legged race (Mix) 10.Ketaminu race (Mipa)