Zaipawl Retreat neih a ni

Ni 6 July, 2012 (Fri.) ah Kohhran Zaipawl Retreat chu Liando Picnic Spot, Sakawrtuichhunah tluang tak leh hlawk taka neih a ni. Retreat-ah  hian Zaipawl member mi 80 vel an tel thei a, Bus 2 leh motor dang engemaw zat hman a ni a,  zaipawl member ten hlim takin hun an hmang. Tlai lam dar 3:00 ah hunserh hman a niin Pu Zosangliana, Branch KTP Leader in thusawina hun a hmang a, infuih tharna leh tawngtai rualna neih a nih hnuah ruai tuihnai tak kil ho a ni. Retreat-ah  hian Branch KTP O.B hlui Pu Zoramthara (Ex- Leader), Pu C.Lalthanmawia (Ex-Asst. Leader), Pu Vanlalhruaia Sailo  (Ex-Fin.Secretary) leh Pu Lalrinliana (Ex-Comtt. member) te Fatu atan sawm an nih angin ei leh in tuihnai tak an siamsak a ni.

Zaipawl Retreat hi kum engemaw zat kalta atangin kumtinin neih a ni thin a, zaipawl rawngbawlna atan thil tha tak leh hlawk tak a nih bakah, zaipawl member ten hlawk an tih thin avangin tun tumah hian khaw nuam tak leh hmun nuam takah hlawhtling taka hman a ni leh ta a ni. Kohhran Music Committee enkawltu Branch KTP Committee chuan he Retreat a tel zawng zawngte chungah lawmthu a sawi.

Branch News

1. July ni 7, 2012 (Inrinni) hian Synod Hospital, Durtlang tan Kohhran Hall-ah Thisen  pek a ni dawn. He hunah hian damlote tan member a tam thei ang ber thisen pe turin Branch Committee chuan a sawm.

2. July ni 7, 2012 (Inrinni) zan atanga tan turin Chanmari Branch chuan Chanmari Pastor Bial KTP Half Yearly Meet a thleng dawn. Chanmari Kohhran Biak Inah neih tur Half Yearly Meet hi a tuk ni 8, July 2012 (Pathianni) chawhnu leh zan ah neih chhunzawm  a ni bawk ang. Meet atan hian Branch Committee chuan chanvo hrang hrang chang turte a ruat fel tawh a ni.

3. July ni 6, 2012 (Zirtawpni) hian Kohhran Zaipawl Retreat neih a ni dawn. Retreat hi Liando Picnic  Spot, Sakawrtuichhun ah neih a ni ang a, Kohhran Zaipawl Retreat-ah hian KTP member zawng zawng tel turin Branch Committee chuan a sawm a ni. Dar 10:00 am-ah Kohhran Hall atangin a huhovin chhuah tur a ni a, dar 2:30 pm-ah huserh hman a ni ang a, Pu Zosangliana, Branch Leader in a kaihruai ang.

Branch News

1.  Branch KTP chanchinbu LOGOS lak man Rs. 90/- chu Group hruaituten anmahni group huam chhung theuhah an khawn mek.

2. Missionary chawmna Rs. 1,44,000/- atangin  Rs. 44,000/- pek a ni.

3. July 14 & 15, 2012-a Chanmari Kohhranin Hla Kutpui a hman tura rem turin Group hrang hrang ten hla an zir tan mek. Branch hnuaia Group 6 te chu hmun 3 ah inthenin Group 2 an inkawp dawn a ni.

4. Tanpuina pual atangin mi 2 (pahnih) hnenah tanpuina Rs. 2,000/- ve ve pek a ni.

Chanmari Branch KTP chuan July ni 11, 2012 (Mon.) zan inkhawmah Besy Zaipawlte nen 'Praise & Worship' an hmang. Besy Zaipawlte hian an member atangin musician an intum nghal a, hun hlimawm tak leh hlawk taka hman a ni a, member 252 an inkhawm. Inkhawm banah zaipawlte hi Branch Committee-te nen Kohhran Hall-ah inkawmhona hun an hmang bawk.

Chanmari Branch KTP chuan July ni 11, 2012 (Mon.) zan inkhawm banah Vathuampui Kohhran tana a leisak Keyboard (Casio CTK 7000 Workstation) Rs. 20,000/- man chu Vathuampui Bialtu  Pastor Rev. CK Lalchhanhima hnenah Branch aiawhin Pu Zosangliana (Branch Leader) in Kohhran Hall-ah a hlan. Vathuampui Bialtu Pastor hi Nl. Lalchhuanpari'n (Vathuampui-a Missionary thawk mek) a tawiawm bawk.

1. May 29, 2012 (Tue.) zanah Upa Vanlalvuana Sailo damlo chu Branch Office Bearers-ten a chenna inah an kan.

2.  May ni 30 (Wed.), 2012 zan inkhawm banah Kohhran Hall-ah Central KTP hruaitute - T/Upa Dr. Samuel Vanlalthlanga (Asst. Leader),  Tv. VL Muanchhana (Asst. Secretary), T/Upa Lalramdina (Comtt. member), Pu Lalmuanpuia (Comtt. member), Pu H.Lalthanzara (Comtt. member)-te leh Chanmari  Branch KTP Committee ten Short Film chungchang an sawi ho. Central KTP hruaitute hian Short Film siam turah Chanmari Branch KTP-te film chang tura an thlan/beisei chhante leh film kaihhawih thil hrang hrangte an sawi a. He film rei zawng hi 45 - 60 mins. tura ngaih a ni a, tunkum chhunga chan zawh tur a niin kum 2013 KTP Rorel Inkhawm, Lunglei a neih turah tlangzarh hman tum a ni.

     Film chang tur hian Chanmari Branch KTP chuan Sub-Committee a din nghal a, hun remchang hmasaberah buaipui chhoh nghal tum a ni.

3. Ramthar rawngbawlna atan Chanmari Branch KTP chuan Karbook, Tripura-a hman atan Audio Amplifier Rs. 7,500/- man a leisak. Karbook, Tripura Bialtu Pastor hi Chanmari Bial-a Pro. Pastor ni thin Rev. Lalfakawma thawhna hmun a ni a, mamawh a rawn thlen angin Branch Committee chuan Amplifier hi a leisak a ni.

4.  Zanin (Dt. 11 June, 2012) inkhawmah Besy Choir-te nen Praise & Worship hun hman a ni dawn. Inkhawm hi Branch Leader Pu Zosangliana'n a kaihruai ang a, June thla Faith Promise hlanna neih a ni bawk ang.

5. Branch sum dinhmun (As on 31 May, 2012) :

Hmuh zawng zawng - Rs. 6,52,611

Hman tawh - Rs. 5,35,399

Balance - Rs. 1,17,212

BRANCH NEWS

1. Ni 27 May, 2012 (Sun.) Pentikos Ni zan inkhawmah Kohhran Zaipawlin hla rem a ni. Inkhawm banah Kohhran Committee Room-ah Bialtu Pastor hovin Branch Committee-te inkawm hona neih a ni bawk.

2. Ni 27 May, 2012 (Sun.) tlaiah thlatin Pathianni hnuhnungbera neih thin angin Chawnghei Tawngtaina Kohhran Biak Inah neih a ni a, Pu R.Vanlalneiha (Asst. Secretary) in a kaihruai.

3. Ramthar Project atangin Vathuampui Kohhran tan Keyboard  Casio CTK 7000 (Workstation) Rs. 25,000/- man chu Rs. 20,000/- a leisak an  ni.

4. Zanin (28 May, 2012) KTP Inkhawmahah Group Night hman tur a ni a, Nehemia Group programme siam hmangin hun hman a ni ang. Inkhawm banan refreshment tuihnai tak a awm a ng.

5.  Inkhawm zat report : Ni 21 May, 2012 (Mon.)  =187

1.     Zanin (Dt. 21 May, 2012) Inkhawmah Bial hruaituten kan Branch min rawn tlawh dawn. Inkhawmah Pu R.K. Ramherliana, Bial Comtt. in thuchah a sawi ang a, Bial Zaipawl leh Chanmari Kohhran Zaipawl-te an zai ang. Inkhawm banah inkawmhona neih a ni ang a, Pu Zosangliana (Br. Leader) in a kaihruai ang. Bial hruaitu Branch tlawh Programme hi kum 2012 chhung hian Edenthar Branch-ah neih tawh a ni.

2.     Ni 18 May, 2012 (Fri.) zanah leh  a tuk ni 19 May, 2012 (Sat.) ah Sound Training neih a ni a, Pu Vanlalpeka, Br. Treasurer in training a neihpui. He training hi Theory leh Practical a neih  ni a, hetah hian Property Sub-Committee member-te bakah Kohhranin Sound Technician puitu tura a ruat mi engmemaw zat an tel.

3.      Branch KTP-in Ramthar Project atana a dah Rs. 80,000/- atangin hetiang hian sum engemaw zat hman/pek chhuah a ni -

(1)  Kathani, Arunachal West Biak In sak nan Rs. 30,000/- 

(2) Old Jukhi P/S (Changlang Bial), Arunachal East Biak In Dar leinan Rs. 5,000/-

(3) Upper Dillai (Sarijahan Bial), Karbi Anglong Biak In extend-na atan Rs. 5,000/-

4.     Branch Member a nih laia Missionary-a chhuak Nl. R.Laltanpuii (D/o Rev. C.M Zalenthanga), Nl. Lalhmachhuani (D/o Kapzawna) leh Pastor Zoramsanga (S/o Khumtira) te chu Missionary Retreat for North East Region, Bethlehem Kohhrana neih hmang turin an lo chhuak a, an vai hian Retreat thlengtu Kohhran-ah hian an riak lut vek a ni.

EX- LEADER-TE TUAL UPA THAR

Ni 13 May 2012 (Pathianni) a Chanmari Presbyterian Kohhranin Tual Upa 3 thlanna a neihah mi 2 thlan tlin an ni. Tual Upa atan hian Chanmari Branch KTP Leader lo ni tawh ve ve Pu Lalhmingthanga (Vivala) leh Pu Zoramthara te thlan tlin an ni. Chanmari Branch KTP chuan Branch KTP Leader lo ni tawh thlan tlin an ni hi a lawmpuiin an rawngbawlna  atan duhsakna a hlan.

Chanmari Branch KTP Leader lo ni tawh leh Bial KTP Leader ni mek Tual Upa  Zionparlawma chu Presbytery Inkhawmpuiah Chanmari Kohhran Upa atan nemngheh tur a ni mek bawk a ni.

BRANCH NEWS

1.  Ni 23 April, 2012 (Mon.) zan inkhawmah 2012 Bial KTP Conference thurel, "HIV/AIDS veite pualin kumkhatah vawi 2-tal thawhlawm khawn ni rawh se" tih bawhzui nan bawm dawh a ni a, Rs. 2755/- zet a tla a ni.

2.  May ni 14, 2012 (Mon.)  zanah Bial KTP Bible Exam (Numbers atangin) neih tur a ni a, member  a tam thei ang ber Exam turin kan insawm. Exam hi darkar 2 chhung neih tur a ni ang.

3.  May ni 5, 2012 (Sat.) khan Branch Treasurer Pu Vanlalpeka chuan Ramhlun North Branch KTP Member-te  Sound Training a neih pui.

BRANCH NEWS

1. Ni 20 - 22 April, 2012 chhunga Chanmari Pastor Bial Inkhawmpui, Edenthar Kohhran Biak Ina neihah Branch O.B-te bakah Branch committee atangin Pu Remsangpuia leh Nl. K.Vanlalzawngi te an palai.

2.  Bial KTP-a Branch budget Rs. 62,000/- chu pek tlak a ni.

3.  Kohhran Zaipawlin Bial Inkhawmpuiah hla tum hnih an rem.Ni  20 (Fri.) zanah 'Beram No kan fak ang' leh ni 22 (Sun.) chawhma inkhawmah 'Min zui rawh' hla te rem a ni.

4.  Branch Ex-Officio leh Bial KTP Leader ni bawk, T/Upa Zionparlawma chu damlohna avangin Kolkata-ah enkawl mek a ni. Ni 24 Apr. 2012 (Tue.) hian zai tur a tih ni a, i tawngtai pui ang u.