1. May 29, 2012 (Tue.) zanah Upa Vanlalvuana Sailo damlo chu Branch Office Bearers-ten a chenna inah an kan.

2.  May ni 30 (Wed.), 2012 zan inkhawm banah Kohhran Hall-ah Central KTP hruaitute - T/Upa Dr. Samuel Vanlalthlanga (Asst. Leader),  Tv. VL Muanchhana (Asst. Secretary), T/Upa Lalramdina (Comtt. member), Pu Lalmuanpuia (Comtt. member), Pu H.Lalthanzara (Comtt. member)-te leh Chanmari  Branch KTP Committee ten Short Film chungchang an sawi ho. Central KTP hruaitute hian Short Film siam turah Chanmari Branch KTP-te film chang tura an thlan/beisei chhante leh film kaihhawih thil hrang hrangte an sawi a. He film rei zawng hi 45 - 60 mins. tura ngaih a ni a, tunkum chhunga chan zawh tur a niin kum 2013 KTP Rorel Inkhawm, Lunglei a neih turah tlangzarh hman tum a ni.

     Film chang tur hian Chanmari Branch KTP chuan Sub-Committee a din nghal a, hun remchang hmasaberah buaipui chhoh nghal tum a ni.

3. Ramthar rawngbawlna atan Chanmari Branch KTP chuan Karbook, Tripura-a hman atan Audio Amplifier Rs. 7,500/- man a leisak. Karbook, Tripura Bialtu Pastor hi Chanmari Bial-a Pro. Pastor ni thin Rev. Lalfakawma thawhna hmun a ni a, mamawh a rawn thlen angin Branch Committee chuan Amplifier hi a leisak a ni.

4.  Zanin (Dt. 11 June, 2012) inkhawmah Besy Choir-te nen Praise & Worship hun hman a ni dawn. Inkhawm hi Branch Leader Pu Zosangliana'n a kaihruai ang a, June thla Faith Promise hlanna neih a ni bawk ang.

5. Branch sum dinhmun (As on 31 May, 2012) :

Hmuh zawng zawng - Rs. 6,52,611

Hman tawh - Rs. 5,35,399

Balance - Rs. 1,17,212

BRANCH NEWS

1. Ni 27 May, 2012 (Sun.) Pentikos Ni zan inkhawmah Kohhran Zaipawlin hla rem a ni. Inkhawm banah Kohhran Committee Room-ah Bialtu Pastor hovin Branch Committee-te inkawm hona neih a ni bawk.

2. Ni 27 May, 2012 (Sun.) tlaiah thlatin Pathianni hnuhnungbera neih thin angin Chawnghei Tawngtaina Kohhran Biak Inah neih a ni a, Pu R.Vanlalneiha (Asst. Secretary) in a kaihruai.

3. Ramthar Project atangin Vathuampui Kohhran tan Keyboard  Casio CTK 7000 (Workstation) Rs. 25,000/- man chu Rs. 20,000/- a leisak an  ni.

4. Zanin (28 May, 2012) KTP Inkhawmahah Group Night hman tur a ni a, Nehemia Group programme siam hmangin hun hman a ni ang. Inkhawm banan refreshment tuihnai tak a awm a ng.

5.  Inkhawm zat report : Ni 21 May, 2012 (Mon.)  =187

1.     Zanin (Dt. 21 May, 2012) Inkhawmah Bial hruaituten kan Branch min rawn tlawh dawn. Inkhawmah Pu R.K. Ramherliana, Bial Comtt. in thuchah a sawi ang a, Bial Zaipawl leh Chanmari Kohhran Zaipawl-te an zai ang. Inkhawm banah inkawmhona neih a ni ang a, Pu Zosangliana (Br. Leader) in a kaihruai ang. Bial hruaitu Branch tlawh Programme hi kum 2012 chhung hian Edenthar Branch-ah neih tawh a ni.

2.     Ni 18 May, 2012 (Fri.) zanah leh  a tuk ni 19 May, 2012 (Sat.) ah Sound Training neih a ni a, Pu Vanlalpeka, Br. Treasurer in training a neihpui. He training hi Theory leh Practical a neih  ni a, hetah hian Property Sub-Committee member-te bakah Kohhranin Sound Technician puitu tura a ruat mi engmemaw zat an tel.

3.      Branch KTP-in Ramthar Project atana a dah Rs. 80,000/- atangin hetiang hian sum engemaw zat hman/pek chhuah a ni -

(1)  Kathani, Arunachal West Biak In sak nan Rs. 30,000/- 

(2) Old Jukhi P/S (Changlang Bial), Arunachal East Biak In Dar leinan Rs. 5,000/-

(3) Upper Dillai (Sarijahan Bial), Karbi Anglong Biak In extend-na atan Rs. 5,000/-

4.     Branch Member a nih laia Missionary-a chhuak Nl. R.Laltanpuii (D/o Rev. C.M Zalenthanga), Nl. Lalhmachhuani (D/o Kapzawna) leh Pastor Zoramsanga (S/o Khumtira) te chu Missionary Retreat for North East Region, Bethlehem Kohhrana neih hmang turin an lo chhuak a, an vai hian Retreat thlengtu Kohhran-ah hian an riak lut vek a ni.

EX- LEADER-TE TUAL UPA THAR

Ni 13 May 2012 (Pathianni) a Chanmari Presbyterian Kohhranin Tual Upa 3 thlanna a neihah mi 2 thlan tlin an ni. Tual Upa atan hian Chanmari Branch KTP Leader lo ni tawh ve ve Pu Lalhmingthanga (Vivala) leh Pu Zoramthara te thlan tlin an ni. Chanmari Branch KTP chuan Branch KTP Leader lo ni tawh thlan tlin an ni hi a lawmpuiin an rawngbawlna  atan duhsakna a hlan.

Chanmari Branch KTP Leader lo ni tawh leh Bial KTP Leader ni mek Tual Upa  Zionparlawma chu Presbytery Inkhawmpuiah Chanmari Kohhran Upa atan nemngheh tur a ni mek bawk a ni.

BRANCH NEWS

1.  Ni 23 April, 2012 (Mon.) zan inkhawmah 2012 Bial KTP Conference thurel, "HIV/AIDS veite pualin kumkhatah vawi 2-tal thawhlawm khawn ni rawh se" tih bawhzui nan bawm dawh a ni a, Rs. 2755/- zet a tla a ni.

2.  May ni 14, 2012 (Mon.)  zanah Bial KTP Bible Exam (Numbers atangin) neih tur a ni a, member  a tam thei ang ber Exam turin kan insawm. Exam hi darkar 2 chhung neih tur a ni ang.

3.  May ni 5, 2012 (Sat.) khan Branch Treasurer Pu Vanlalpeka chuan Ramhlun North Branch KTP Member-te  Sound Training a neih pui.

BRANCH NEWS

1. Ni 20 - 22 April, 2012 chhunga Chanmari Pastor Bial Inkhawmpui, Edenthar Kohhran Biak Ina neihah Branch O.B-te bakah Branch committee atangin Pu Remsangpuia leh Nl. K.Vanlalzawngi te an palai.

2.  Bial KTP-a Branch budget Rs. 62,000/- chu pek tlak a ni.

3.  Kohhran Zaipawlin Bial Inkhawmpuiah hla tum hnih an rem.Ni  20 (Fri.) zanah 'Beram No kan fak ang' leh ni 22 (Sun.) chawhma inkhawmah 'Min zui rawh' hla te rem a ni.

4.  Branch Ex-Officio leh Bial KTP Leader ni bawk, T/Upa Zionparlawma chu damlohna avangin Kolkata-ah enkawl mek a ni. Ni 24 Apr. 2012 (Tue.) hian zai tur a tih ni a, i tawngtai pui ang u.

Best Player Lawmpuina

- Red Ribbon Inter Village Football Tournament 2012 khelh zawh takah Chanmari L/C Team an Champion chu Chanmari Branch KTP chuan a lawmpui hle. He tournament khelh zawh takah hian Chanmari Branch KTP Member Rochhingpuia chu "Best Player" atan thlan a ni a, kan chhuangin kan lawmpui hle. Rochhingpuia hi a kul a tai a theihtawp a rawngbawlnaa inhmang a ni a, Chanmari Branch KTP hnuaia Hagaia Group-ah Assistant Secretary ni lai mek a ni a. Kohhran Zaipawl member niin, Sunday School-ah Primary Deptt. a Zirtirtu ni lai mek a ni bawk.

THISEN PEK THULH A NI

Ni 24 March, 2012 (Inrinni) a Chanmari Branch KTP in Presbyterian Hospital, Durtlang-a hman tur Thisen pek tura a ruahman chu veng chhungah chhiat tawk an awm avangin thulh a ni. Thisen pek hi hun remchang hmasaber ah neih tura sawn a ni a, a hun leh ni chu inhriattir leh a ni ang.

THISEN PE TURA SAWMNA

March 24, 2012 (Inrinni) hian Chanmari Branch KTP chuan Kohhran Hall-ah Synod Hospital, Durtlang-a damlo mamawhte hman atan thisen pek a buatsaih dawn. He hunah hian KTP Member chauh nilo a duh apiang thisen pe tur hian Chanmari Branch KTP chuan a sawm a ni. Zing dar 10:00 atangin Kohhran Hall-ah thisen hi pek theih a ni ang.

g Branch Rising Day Vawi 53-na

March ni 18, 2012, Pathianni, Chanmari : Chanmari Branch KTP committee chuan Branch Rising day March ni 23(Zirtawpni) a lo thleng tur chu remchan zawkna avangin March ni 19, 2012 (Thawhtanni) zan Thalai Inkhawmah Rising Day (53-na) lawmna neih nise tiin a rel a. A hnuai a tarlan ang hian lawmna programme hi hman a ni ang.

A hmun : Biak In

Chairman : Pu Lalsawmkima, Asst. Leader

Tantu : Pu H. Lalhmingthanga (Hruaitu hlui)

Branch chanchin tawi : Pu Zomuanpuia, Secretary.

Thuchah tawi : Pu R.Lalrikhuma (Hruaitu hlui)

Special Items:

1) Duet : Nl. K.Vanlalzawngi leh Nl. Zuiliani Hrahsel.

2) Band : Young Hearts

3) Goup Committee Zaipawl

: (1). Hagaia, Amosa & Zakaria Group

: (2). Malakia, Joela & Nehemia Group

Inkhawm banah Rising Day lawmna thingpui leh a hmeh tui tak in ho a ni ang.

g Thisen pek

Central KTP in Aizawl Bial/Branch hrang hrangte Thisen pek hun Calendar a siam zul zuiin Chanmari Branch KTP chuan Branch Rising day denchhenin March ni 24(Sat.) ah hian Kohhran hall-ah Synod Hospital, Durtlang-a damlo mamawhtu te’n an hman turin Thisen pekna a nei dawn a. Thisen pek hi chawhma dar 10:00 atanga tan tur a ni.

g Kohhran Zaipawl

Tunlai hian kohhran zaipawlte AIR a contract hmuh bawh zuiin hla recording kohhran hall ah neih mek a ni a. Hla pali record turah pahnih, " Van Indona" tih leh " Aw Isua, ka hmangaih" chu zawh tawh niin “Ngaiteh, Pathian Ni ropui” tih hla recording neih leh tura inbuatsaih mek a ni. Zaipawl member-te an tel thahnem thei hle.