Branch Budget 2010

Kristian Thalai Pawl, Chanmari Branch chuan kum 2010 atana Branch KTP Budget a duang fel ta. Budget hi nikum 2009 aiin Rs. 60,000/- (8.96%) laiin a pung a ni. Kumin hian Missionary 7 chawm thin chu 9 chawm a ni dawn a, Branch hmalakna, Property leh Ramthar-ah kum hmasa aiin Budget tam zawk ruahman a ni bawk.

Tumkau Ni Chibai

Kan blog tlawh thintute Chanmari Branch Kristian Thalai Pawl chuan 'Tumkau Ni' chibai a buk a che/u. He ni-ah hian kan thinlungah Lal Isua Krista lo Lal thar leh se la, heng Bible chang te hi lo chhiar turin kan ngen che a ni.

1. Matthaia 21:1-11

2. Marka 11:1-11

3. Luka 19:28-44

4. Johana 12:12-19

Short Film Competition-a Pakhatna lawm a ni dawn

Ni 22 March 2010 (Mon.) zan hian Chanmari Branch Kristian Thalai Pawl chuan Kum 51 (Rising Day, 23rd March) a tlin champha leh Central KTP-in kum 2009 a Short Film Competition a buatsaiha Pakhatna a nih chu a lawm dawn. He hunah hian Central KTP hruaitute leh Film Competition-a endiktute sawm an ni a, Film changtute hnenah leh Script ziaktu Pu Vanneihtluanga te hnenah lawmthu sawina thuziak hlan a ni ang.

PROGRAMME

A hmun : Kohhran Hall

A hun : 22 March 2010 (Mon.) dar 7:00 p.m

Chairman : Tv. Zoramthara (Leader)

Tantu : Nl. Malsawmsangi (Amosa Group)

Report : Pu Lalhruaitluanga Sailo (Chairman, Media Sub-Comtt. 2009)

Lawmthu sawi tawngtai rual

Special Items :

(1) Male Voice - Branch Committee

(2) Solo - Pu Lalremruata (Khatla)

(3) Thusawi tawi - Mi sawm bikte atangin

(4) Group Zai - Film changtute

Film enho : Chanmari Branch KTP Documentary Film

Lawmthu sawi : Pu Lalsawmkima (Asst. Leader)

(Inkhawm banah thingpui leh a hmeh tui tak a awm ang)

Faith Promise (March 2010)

KTP Chanmari Branch Statistics 2010

Chanmari Branch Kristian Thalai Pawl, kum 2010 chhunga Member zat, Group hrang hranga mipa leh hmeichia member-a inziaklut zat, Faith Promise tiamtu zat, Kristian Thalai chanchinbu la tu leh Branch chanchinbu LOGOS la tu zat chu hriattheih a ni ta. Nikum khan Chanmari Branch hi member tam lamah KTP Gen. Conference Report-a a lan dan in 2-na a ni a, kumin hian tlemin nikum lam a pha lo deuh a, mahse Mizoram Branch member tam zingah a la lan phak ngei a rinawm.

HLA HRUAITU TRAINING NEIH A NI DAWN

Chanmari Branch Kristian Thalai Pawl buatsaihin ni March ni 20, 2010 (Inrinni) hian Chanmari Kohhran chhunga Kohhran leh Thalai inkhawma hla hruaitute tan training neih a ni dawn. Hla hruaitu training hi neih a ni fo tawh thin a, a tel thin ten hlawk an tih em avangin Branch KTP Committee chuan neih leh turin a rel ta a ni. Training Session 1-na hi Branch Leader Tv. Zoramthara'n kaihruaiin Upa C.Vanlalvuana hnen atangin Khuanghnih chung changa hla hruai dan ngaihthak leh zirho a ni ang a, Session 2-na Pu Lalsawmkima, Asst. Leader, CBKTP-in kaihruaiin Upa Peter Zohmingthanga hnen atangin Solfa leh Keyboard chung changa hla hruai dan zirho leh ngaihthlak a ni bawk ang.

KTP Gen. Conference 2010

KTP Gen. Conference vawi 53-na Ni 4 - 7 March, 2010 a Mamit-a neih chu tluang taka zawh a ni ta. He Conference-ah hian Chanmari Branch KTP Member 100 chuang zet kalin ni 5 (Fri) chawhnu Variety Programme-ah leh ni 7 (Sun) zan Fellowship-ah te Drama "Jeriko Kulh" chu hlawhtling taka entir a ni a, Conference palai ten an lawm hle.

Nakum 2011 KTP Rorel Inkhawm chu Bethlehem BiakInah neih a ni ang a, 2012 KTP Gen. Conference vawi 54-na chu Thenzawl ah nghah a ni.

K.T.P DAY

Ni 22nd February 2010(Mon) zan Thalai Inkhawmah K.T.P Day Vawi 56-na hman a ni, kumin hian K.T.P Day leh Thalai Inkhawm zan a inrual hlauh mai a,a vanneih thlak hle mai. Central K.T.P ruahmanna angin kan Bial O.B te pawh bial chhung Branch hrang hrang ah an kal a, kan Branch ah pawh he hun hi hlimawm tak leh hlawkthlak taka hman a niin inkhawm banah Thingpui ruai kil ho a ni. HAPPY K.T.P DAY.

BRANCH COMMITTEE RETREAT

Ni 19th February 2010(Fri) zan khan Chanmari Branch K.T.P Hruaituten Retreat annei. Zan dar 7:00 ah tanin hun hmasa hi bialtu Pastor R.Lalbiakmawia'n hun a hmang a, hun hnuhnung zawkah Ex-Officio Member Tual Upa Zionparlawma'n Group leh Branch Inkaihhruaina chungchangah hun a hmang leh a, zan 10:00 ah ban a ni. Kan hruaitute Retreat hi a hlawkna member ten kan hmuh ngei tawngtaina nen i beisei ang u.

BIAL HMEICHHE INKHAWMPUI

Ni 12-14 February 2010 chhung hian kan Kohhranah Chanmari Pastor Bial Kohhran Hmeichhe Inkhawmpui vawi 35-na kan thleng a, K.T.P member khawmpui buaipuiin an buai thei hle mai. Vantlang Pathian biak inkhawmah K.T.P member a tam thei ang ber inkhawm turin kan insawm e.