Ngaihtuah zui atan

Sumin awmzia nei lo

    Fiamthu thiam hmingthang Richard Pryor-a chu vanduaina rapthlak tak a tawk hlauh mai a. Accident avangin a taksa chu na takin kum 1980 khan a kang a. A lo dam leh hnu chuan ennawm chhuahna hmingthang tak “Johhny Carson  Show” an tihah a rawn inlan leh a.

    Natna khirh tak, dam chhuahpui pawh inbeisei tawh loh khawp natna khirh tawh laia sumin awmzia a neih loh thu uar takin a sawi a. “Ka tih theih sang ber ni a ka hriat chu Pathian koh a ni, vawite khat mah Bank of America ka ko lo,” a ti hmiah mai.

   A ni khawp mai mangan tawpkhawkah chuan sumin awmzia a nei pha tawh \hin lo reng a ni. 

Khawngaihna Thil Tithei

            Bono-a U2 band a an zaitupa chuan, “Kum sang tlemte kaltaa khawvela thil tithei ber lolut chu khawngaihna hi a ni. Hei hi Kristian nih ka duh chhan a ni,” a ti. Khawngaihna ropuizia hi mihring ngaihtuahna hian a chhui chhuak phak lo

PHOTO OF THE WEEK

Chanmari Branch KTP ten MELRIAT Branch an tlawh zan special item Matthaia Groupte

Branch Report

Branch hruaituten member tlawhchhuah programme an hmang mek.

June ni 14, Zirtawp zan khan Branch pum huap sumtuak hnatlang neih a ni a hruaitute leh memberte an thawkchhuak tha hle.

June ni 10, Thawh\an zana Melriat Branch KTP tlawhnaah hruaitute leh member thahnem tak an kal.

Branch Committee member Tv. Zoremsiama chu Bial Zaipawl member(Bass part) atan ruat a ni.

Pu Remsangpuia Fin.Secy damlo pawhin zia awm lam a pan leh ta.

Jubilee Kraws

June ni 16, 2013, Pathianni: Chanmari Branch K|P in Golden Jubilee a hman tak kal zelah project pakhata a lo neih Laipuitlang panga Kraws a dah chei\hat hna chu kumin kumtir a\ang khan kutthlak \an niin a theih ang anga thawh chhoh zel a ni a, tunlai hian Laipuitlang tuikhuah siam\hat  mek a nih avangin Kraws siam hna hi chawlh lailawk hrih a ni a remchang hmasaah chhunzawm leh a ni ang. Committee-in a rel angin July thla hun remchangah he Kraws siam chhunzawmna tur atan hian memberte hnenah vehbur khawn tum a ni a, tun a\angin memberte lo in ring turin kan in ngen lawk a ni e. Jubilee Kraws hi Chanmari veng leh khawtlang timawi a tihming\hatu chauh pawh ni lovin kan ram khawpui Aizawl tan pawh chhinchhiahna (landmark) pawimawh leh langsar tak a ni ta zel a, chuvangin memberten he hmalakna pawimawh tak Jubilee Kraws chei hna hi ngaipawimawh a theihtawp chhuaha \an lo la \heuh turin kan insawm a ni.

June 2nd, 2013 LOGOS Article

A Pawi Lo (It is Well)

       Tun tum chu Kristian Hla Bu-a hla lar leh ropui tak ‘A pawi lo’ (It is well) tih hla lo pianchhuah dan I han hrut dawn teh ang.

       He hla phuahtu Horatio G.Spafford hi kum 1828 October ni 20 khan, New York a North Troy hmunah a lo piang a. Naupangte niin Dan (Law) lam thiam a ni a, a hlawhtlingin sum leh pai lam pawh a hmuingil viau a ni. Kristian \ha tak a ni a, Sakhaw lam thilah pawh a inhmang em em a, DL Moody-a rawngbawlna pawh a puibawm ve fo \hin a ni. Chicago a kan vak hma lawk khan Spafford-a hian Michigan Dil kama Real Estate-ah a sum leh pai peipun tumin risk alo la(Chiahpuam a tum) a. Chung a sum dah zawng zawng chu Chicago a kan vak \um khan a kang ral ta vek a ni. A nupui leh a fanu 4 te chu an rilru hahdam nan leh DL.Moody-a rawngbawlna puibawm pah turin England-ah an chhungkuaa kal an tum ta a. An kal dawn \epah rokhawlhna avangin Chicago-a a cham hnufual a ngai ta tlat a, a nupui leh a fanu 4 te erawhchu lo va kal hmasa turin a tir ta tho a, S.S. Ville du Havre lawngin kum 1873 November thla khan England lamah chuan an chhuak ta a ni.

       Nimahsela, November ni 22 ah chuan thu lungchhiat thlak tak mai a hre ta hlauh mai. S.S. Ville du Havre Lawng chu British Lawnglian ‘Lochearn’ an tih nen tuifinriatah an insut thu hi a lo ni reng mai a, minute 12 chhung lekin a pil zui lehnghal a. Ni engemawzat hnuah, a damchhuak chhun te chuan Wales rama Cardiff Lawngchawlhna an thleng a, chung zinga tel ve a nupui chuan mangang takin a pasal chu thirhrui a va thawn ta a, “kan fate an awm ta lo, keimah chauh ka him,” tih thu thin \hawng tak mai chu a pasal Spafford-a chuan a lo dawng ta a ni.

       Chu thirhrui a dawn veleh chuan, Spafford-a chuan lawng bawkin a nupui hnen lam chu a pan ve ta a, a fate ho boralna hmun lai vel an paltlang laiin, he hla hi thinlung leh tihtak zetin a ziak ta mawlh mawlh mai a ni. He hla hi Mizo\awnga lehlin ani tawh a, a ngial angan lo deuhin an letling niin a lang a. Hla ang nilovin, a phuahtuin sawi a tum nia lang ang zawkin han sawibelh ta ila:-

1.    Thlamuanna leh hlimna te chu lui anga ka kawnga an luan dam duai lai ngei chuan, tuifinriat tuifawn hlauhawm tak angin lungngaihnain min rawn chim buan buan ta mai si a. Nimahsela, nang chuan, “Ka thlarau tan, A pawi lo e” ti zel thei turin min lo zirtir tawh si.

2.    Setana kutthak hnawihna ka ni emaw, fiahna leh harsatna khirhkhan tak tak pawh tawk \hin mah ila, kei michaklo tak min chhandam nan hian Pathian fapa Isua Krista thisen hlu tak chu leihbuakin a awm tawh a ni tih hriatchianna hlu ber mai hian ka nun a thunun tlat chuan, ka thlarau tan a pawi lo ve.

3.    Ka Sualna, Ka sualna zawng zawngte hi, a \hen a zar chauh nilovin, a vaiin, a zavai takmeuhvin, Krawsah khan alo khengbet tawh a ni tih ngaihtuahna hian min va han ti lawmin min va han ti thlamuang \hin tak em. Chuvangin, Aw ka nunna Lalpa chu fak rawh.

4.    Tichuan, Lalpa ngei chuan, Amah ka rin tlatna chu ala rawn tilang fiah ang a, van chhumte khi pher angin ala zial bo hunah, Vantirhkoh chungnungber tawtawrawt ri nena hnehna hla puan chhuaha a awm hunah ngei chuan, Ka Lalpa duhtak ngei chu lo chhukin a hmel chu ka la hmu dawn si a. Chuvangin, engpawh tawk mah ila, “Ka thlarau tan chuan a pawi lo, a \ha vek e”.

            Hetiang ang vanduaina rapthlakin an chhungkuaa ro a rel lai pawha, chu a vanduaina lam dah lian lova, Pathianin a awmpuina leh, atana a lo tuar sakna lam,  nakina beiseina nung avanga ala chan tur ropui tak lam thlir tlat chunga, “Ka thlarau tan a pawi lova, a tha vel vek e” a ti thei tlat mai hi a ropui khawp mai, Kristian ringtu dik takte tan chona leh entawn tur ropui tak min hnutchhiah a ni. He hla hi kan sak apiangin a phuahtuin hun khirh leh hrehawm tak paltlanga  a phuah tih ngaihtuah thleng \hin ila, a dinhmunah hian han ding ve dawn ta ila a hla hi kan sa liam mai mai awm love. Pathian ropuizia leh a thiltihtheih ziate, engkim chunga thuneitu a nih ziate, keinin channa nia kan ngaihte hi A ngaihah chuan kan \hatna tur zawk a lo nih dante i ngaihtuah \hin ang u. 

2013 Branch Week Results

Johana Group an Champion a, Matthaia Group pahnihna, Marka Group Pathumna an ni.

Inkhawm Statistic

Ni 27 May, Thawhtan zan inkhawm dan tlangpui a ni e.

Tunkar Thufing

Nitin I thil tih huphurh em em pakhat ti thin rawh.