Mizoram Synod Choir Music Video Shooting

21st leh 28th January, 2010 zanah khan Mizoram Synod Choir chuan kan Kohhran Biakin leh Kohhran Hall-ah Music Video tur shooting an nei. He an Music video hi kumin Central KTP Gen Conference-ah tlangzarh hman an tum. Mizoram Synod Choir te hi Branch KTP hruaituten an lo tawiawm a ni.

KTP Gen.Conference I kal dawn em?

Kristian Thalai Pawl General Conference chu 4th - 7th March, 2010 hian Mamit GSA Field-ah neih a ni dawn ta. Hemi atana inbuatsaihna pawh hi a kal chho mek zel a. Tunah hian Conference Pandal pawh sak tan mek a ni. Pandal hi a dung Ft. 332 asei Ft. 165 zau leh Stage Ft 60x32-a zauva sak tur niin mihring 15000 thleng leng thei turin ruahmanna siam a ni bawk.

Mamit hi Aizawl atangin a hla vak lova, darkar 3 vel bawra thlen mai theih a ni. Kuminah phei chuan Central KTP buatsaih, Short Film competition-a pakhatna kan nih zar zovin Drama kan entir dawn a nih kha. Chuvangin KTP Member a tam thei ang ber kum khat dana Conference kan neih thinah hian tel thei ila a tha hle ang.

For more details Log on to Mamit KTP Conference Website

Bial KTP Conference

22nd - 24th January, 2010 chhung hian Edenthar Kohhran Biak Inah Chanmari Pastor Bial KTP Conference vawi 35-na chu hman a ni. He Bial KTP Conference-ah hian Thupui "Nun Fimkhur" tih chu Speaker Rev Chuauthuama chuan Pathian thuchah vawi 3-ah a sawi ang a, 24th January zanah Leader-in thuchah a sawi thung ang.

Kumina Bial KTP hruaitute chu :-

Leader - Upa Peter Zohmingthanga (C)

A/Leader - T/Upa Zionparlawma (C)

Secretary - T/Upa Zothangzuala Chhangte (CW)

A/Secy - Pu Lalremruata (CW)

Treasurer - Upa JH Vanlalhuma (Ed)

Fin.Secy - Upa Lalsangzuala Hauhnar (CW) te an ni.

22nd January, 2009 chawhnu dar 2:00 khan conference committee neia tan a ni a, zan inkhawm chu Palai lawm leh Report Inkhawm atana hman a ni. 23rd January, 2009 khan nilengin ROREL Inkhawm neih a ni a, hengte hi passed an ni :-

1. CKTP hian Branch KTP Jubilee pawimawh thlengte hnenah lawmpuia thuziak pe thin rawh se.

2. CKTP Leader tur hian kum naupang lam deuh Synod-in ruat thin rawh se.

3. CKTP hian Website changtlung tak buatsaih rawh se.

4. KTP memberte Thalai Inkhawm leh Kohhran Inkhamah tun aia kan that zawk theih nan Bial KTP-in hma la rawh se.

5. Bial KTP-in mi harsate hnenah tanpuina hlan leh rawh se.

6. Mipat hmeichhiat hman khawlohna chungchanga inzirtirna kawngah Bial KTP-in hma la rawh

se.

7. Bial KTP hminga missionary 4 kan chawm mek hi pakhata tipungin 5 chawm ni ve tawh rawh se.

23rd january chawhnu rorel inkhawm zawhah 2010-2011 chhunga Chanmari Pastor Bial KTP hruaitu turte hetiang hian thlan an ni :

Leader - T/Upa Zionparlawma (C)

A/Leader - T/Upa Zothangzuala Chhangte (CW)

Secretary - Tv Zoramthara (C)

A/Secretary - Pu Lalremruata (CW)

Treasurer - Pu Chhawnsanga (Ed)

Fin.Secretary - Pu Zosangliana (C)

Tin, kumina Bial hruaitu ni mek lai mi 5 te kum Over avangin Bial KTP chuan thlahna hun a hmang bawk ang. Chu'ngte chu :-

1. Upa Peter Zohmingthanga (Leader, Chanmari)

2. Upa JH Vanlalhuma (Treasurer, Edenthar)

3. Upa Lalsangzuala Hauhnar (Fin.Secy, Chanmari W)

4. Pu H.Lalhmingthanga (Com Member, Chanmari)

5. Pu Lalfela (Com Member, Chanmari W)

Branch hrang hrang Reports

Pastor thar kan nei ta

January 17th 2010 (Sun) chawhnu inkhawm ah khan Chanmari Pastor Bial Pastor tur Rev. Dr. R. Lalbiakmawia Induction Service chu neih a ni ta. Pastor dah nghehna hi Rev C.Vanlalhruaia, Ramhlun S (Chanmari Bialtu Pastor hlui) chuan a hmang a ni.

Kan bialtu Pastor tur Rev.Dr.R.Lalbiakmawia hi Ni 10th October 1950 khan Tlangpuite khuaah Pu Sanghleia(L) leh Pi Khuanghnuni te inkarah a lo piang a, unau mipa 3 leh hmeichhia 5 anni a, amah hi an unau zinga upa ber dawttu niin an naupang ber chu Manipur Field a Missionary Martar hmasa ber Nl.Lalbiakchhungi kha a ni. Amah hi pa kawm nuam leh nelawm tak a ni a, rawngbawlna lamah pawh tawnhriat ngah leh inpe zo tak a ni.

(Click image to enlarge)

Rawngbawlna lam :

1. Pro.Pastor - West Phaileng Bial 1978 - 1979 & Phuldungsei Bial 1980

2. Pastor - Teikhang Bial 1981- 1989(August 1989 - May 1991 chhung hian D.Min a zir zawm)

3. Field Secretary, Home Mission South July 1991 - March 1992

4. ATC Lecturer - April 1992 - December 1993

5. Field Secretary, Culcutta - 1994 - 1999

6. Pastor - Venghlui Bial, 2000 - 2001. Hemi kum hian Central K.|.P Leader a ni bawk

7. Programme Director, SMTC - 2002 - 2003 & Secretary, Mizoram People Forum

8. Synod Executive Secretary - 2004 - 2009

9. Pastor - Chanmari Bial, 2010

10. Member, CMC Vellore - 2004 - 2006

11. Vice Chairman - UCC Governing Board

12. Member, Peace & Justice Comm. - 2009 - 2011

Pastor te chhungkua leh Bial Kohhran upate

Zirna lam :

Primary School chu Tlangpuite-ah a kal a, East Lungdar leh Sialhawk Middle School-ah a zir chhunzawm a, Class VII chu East Lungdar High School-ah zirin Class X chu Aizawl-ah a passed. Hemi hnu hian Pathian thu lam zirin B.Th chu Aizawl Theological College, Mission Vengthlang-ah a zir a. Pastor ni pahin BD chu External-in Serampore Collge hnuaiah a zo a ni. Tin Doctorate of Ministry (Misiology) chu Sanfrancisco Theological Seminary, USA ah a zo leh bawk.

Pastor hian Fapa 2 leh fanu pakhat a nei a, a naupang ber pawh hian BBA a zir mek a ni. Amah hi pa kawm nuam tak, zo pa hnup mai a ni a, Kohhran enkawlnaah Chanmari Pastor Bial mipuite chuan kan hlawkpui ngei kan beisei. Amaherawhchu kan Pastor hian Kumin chauh service a neih tawh avangin nakum-ah hian a pension dawn a ni.

Thisen pe

Chanmari Branch KTP chuan kumina Project hmasa ber atan 16th January 2010 (Inrinni) khan Aizawl Civil Hospital-a a tul ang anga hman tangkai atan Thisen a pe. He huna thisen pe te hi member 55 zet an ni. Chanmari Branch KTP hian hun remchang a neih angin thisen pek hi a kalpui fo tawh thin. Nikum, 2009 khan Golden Jubilee denchhenin member 100 chuang fein thisen an lo pe tawh a, Nikum phei kha chuan pawl anga thisen pe tam ber Award pawh a lo dawng tawh nghe nghe a ni.

Thisen pe tute zawng zawng chungah Chanmari Branch KTP chuan lawmthu a sawi.

At Last!

Nimin, 14th January, 2009 kha Chanmari Branch KTP tan chuan hun chhinchhiahtlak tak a ni. A chhan chu, Branch hruaitu hlun, Vanlalpeka (Fin Secretary, 2010) chuan a kawppui atan Hruaikimi d/o Dr.R.Zokhuma chu Pathian leh Kohhranho hmaah Inneih thu a tiampui ta.

He thil thleng avang hian Branch KTP memberte leh hruaitute kan lawm a, Kohhran mipui kan hlim a, Inneih lawmpuia hriatpuitute pawh kan pung tam hle mai. Kan Biak In hnuai zawng khatin kan inkhawm a, a chung lama thute pawh an awm. Inneihtirtu Pastor C.Laltanliana pawh a phur hle.

Inneihnaah hian Zaipawl pahnih, Bial Zaipawl leh Kohhran Zaipawlte an zai. Tin, Kohhran Hall-ah a lawmna inkhawm hman a ni a, Joint Reception hi Branch KTP Leader, Tv Zoramtharan a kaihruai thung. Tlai lamah Mipa lam leh Hmeichhe lamah mo lawmna ruai kilho a ni.

Fore more Photos Click HERE

Blog Test

Kan Branch Blog hi hun rei tak rokhawlhna avangin maintain a ni tawh lova. Mahse hei engtin tin emaw kan han en chhin a, kan rawn test a nih hi.

CHANMARI BRANCH K.T.P OFFICER BEARES

Tv.Zoramthar(Leader), Pu Lalsawmkima(Asst.Leader), Pu Zosangliana(Secretary), Nl.Ramdinliani(Asst.Secretary), Pu Zomuanpuia(Treasurer), Tv.Vanlalpeka(Fin.Secretary)

Kan Hruaitu kalchhuak ta te!!!!!!

Upa Peter Zohmingthanga, Pu H.Lalhmingthanga, Pu Lalremruata, Pu Lalhruailiana

Kumthar Ruai Thleng leh Bel sil nula leh tlangval te